San Mateo 8:22 - Nuevo Testamento Tzeltal de Amatenango

²² Te Jesus la yalbe: —Tsꞌakliyaon bael. Jaꞌ me aꞌ smuk te machꞌa pajal chamenik soke —xyut.

Bible in Tzeltal Bachajón

²² Hich halbot yu'un te Jesús: T'unawon; ha nix ac'a smuc sbahic te mach'atic pajal chamen soque, xchi sc'oblal.

Bible in Tzeltal de Oxchuc y Tenejapa

²² Jich la yalbey te Jesuse: —Te ja'ate ts'aclinawon bael. Ja' ac'a smuquic te anima te mach'atic pajal anima soque —la yut.

San Mateo 8:22 Referans Kwoze

San Lucas 15:32

Pero ora to yipalotik nax ta spasel kꞌin yuꞌun ben jun koꞌtantik, porke te awijtsꞌine chamenix a kaꞌiy, pero chaꞌkuxix kꞌoem. Kunta jmel chꞌayemix a kaꞌi, pero la jtajtikix”, xchi te state —xchi ta yalel te Jesuse.

Colosenses 2:13

Te jaꞌex te namey tale, chamenex kꞌoem ta skaj te amulike sok ta skaj te ma ba ochemex ta jtejklum yuꞌun Diose. Pero te ora to, Dios a yaꞌbeyexix akuxlejalik jun nax sok te Cristoe, yuꞌun la spasbeyex perdon yuꞌun spisil te amulike.

Efesios 5:14

Porke te sakil kꞌinale ya yakꞌ ta ilel spisil. Jaꞌ yuꞌun jich ya xꞌalot: “Kuxa awoꞌtan jaꞌat te wayalate. Jajchan tal te ba ay te animaetike, y Cristo ya yakꞌ sakubuk kꞌinal ta atojol”, xchi me.

Efesios 2:5

La yaꞌbotik jkuxlejaltik jun nax sok te Cristoe te kꞌalal jich to chamenotik ta skaj te jmultike. Ta skuenta nax slekil yoꞌtan Dios te la yaꞌbeyex te kolele.

Efesios 2:1

Ta nail to te jaꞌexe chamenex kꞌoem ta skaj te kꞌayemex ta pasel tutik ma tsaꞌamuke y sok te muliletike,

1 Timoteo 5:6

Pero te meꞌba ants te tey baem yoꞌtan a te tut ya skꞌupin te stiꞌbalule, chamenix sok te xkuxlejale.

San Juan 1:43

Ta yoꞌebal kꞌaal te Jesuse la snop te ya xbajt ta estado yuꞌun Galileae. La sta sba sok te Felipee, y la yalbe: —Laꞌ tsꞌakliyaon bael —xyut.

San Mateo 9:9

Te Jesuse lokꞌ bael te ba jtejklume. Teꞌ kꞌo yil jtul winik a te jMateo sbiile. Teꞌ nakal te ba ya xtojot stojemal te tutike. Te Jesuse la skꞌopon: —Laꞌ, tsꞌakliyaon —xyut. Jajch bael te jMateoe. La sjoyin bael.

San Mateo 8:21

Sok ay yan te nopojel te jich la yale: —Kajwal, akꞌaon ba nailuk te ya xba jmuk jilel te jtate —xchi.

San Marcos 2:14

Te kꞌalal yipal ta beel te Jesuse, la yil te Levie, xnichꞌan te Alfeoe, te nakal ba ay xkꞌambot stojemal tutik yuꞌun Roma. Jesus la yalbe: —Laꞌ tsꞌakliyaon —la yut. Jajch te Levie, la stsꞌakli bael.

San Lucas 9:59

Te Jesuse la yalbe ta yane: —Laꞌ, tsꞌakliyaon bael —xyut. Te winike la sjakꞌ: —Kajwal, akꞌaon ba nailuk te ya xba jmuk jilel te jtate —xchi.

San Lucas 9:60

Te Jesuse la yalbe: —Jaꞌ me aꞌ smuk te machꞌa pajal chamenik soke. Yan te jaꞌate, laꞌ, ban ala te tutꞌil ay ta ajwalinel te Diose —xyut.

San Lucas 15:24

Porke te jnichꞌan to chamenix a jkuy a, pero chaꞌkuxix tal. Chꞌayemix bael, pero la to jtajtik”, xchi te state. Jich a lijk spasik te kꞌine.

San Juan 21:19

Te tutꞌil jich a yal te Jesuse, jaꞌ a yaꞌbe snaꞌ te tutꞌ ya xkꞌo chamuk te jPedroe, yuꞌun me jich ya yakꞌ ta ilel slekilal a te Diose. Ta patil la yalbe: —Laꞌ me, tsꞌakliyaon bael —xyut.

San Juan 21:22

Te Jesuse la sjakꞌbe: —Teme ya skꞌan koꞌtan te kuxul to a te ya xchaꞌtalone, ¿tuti wochel a te jaꞌate? Laꞌ me, laꞌ tsꞌakliyaon —xyut.