San Mateo 8:12 - Nuevo Testamento Tzeltal de Amatenango

¹² Pero te machꞌatik skꞌoplal ya xꞌochik te ba ay ta mantal te Diose, jaꞌ me ya yichꞌik chꞌojel bael ta ijkꞌal kꞌinal. Teꞌ me ya xkꞌo yokꞌetay sbaik a, sok teꞌ me ya xkꞌo skꞌuxilan yeꞌik a —xchi te Jesuse.

Bible in Tzeltal Bachajón

¹² Yan te al-nich'aniletic te sc'oblal ayic ta cuentahinel yu'un te ch'ulchan ya xch'ojotic loq'uel ta fuera ta yihc'al q'uinal, tey ya xc'oht yoq'uetay sbahic soc ya sc'uxuxan yehic a, xchi.

Bible in Tzeltal de Oxchuc y Tenejapa

¹² Yan te mach'atic sc'oplal ya x'ochic ta banti ay ta ajwalinel te Dios te ay ta ch'ulchane, ya me yich'ic ch'ojel bael ta ijc' q'uinal. Tey me ya xc'o yoq'uetay sbaic a, soc tey me ya xc'o sjets'ulay yeic a —xi' te Jesuse.

San Mateo 8:12 Referans Kwoze

San Mateo 25:30

Te jꞌatꞌel to te maꞌ tuune chꞌojaik lokꞌel ta ijkꞌal kꞌinal. Teꞌ me ya xkꞌo yokꞌetay sba a sok teꞌ me ya xkꞌo xkꞌuxilan ye a”, xchi te yajwalike.

San Lucas 13:28

Teꞌ me ya awokꞌetay abaik a, y teꞌ me ya akꞌuxilan aweik a te tutꞌil ya awilik te jꞌAbrahame te jꞌIsaake, te Jacobe sok spisil te antibo jꞌalwanejetik te teꞌ ayik te ba ay ta ajwalil te Diose. Yan te jaꞌexe chꞌojbilex lokꞌel ta jwera.

San Mateo 21:43

Jaꞌ yuꞌun ya kalbeyex te jaꞌexe, ya me spojbelex awaꞌtelik te ba ay ta mantal te Diose. Jaꞌ me ya xkꞌot ta skuenta te machꞌatik ya snaꞌik spasel te tut ya skꞌan yoꞌtan te Diose.

San Mateo 13:50

Te machꞌatik ma lekuke ya me xchꞌojot ochel ta yawil kꞌakꞌ te tileme. Teꞌ me xkꞌo yokꞌetay sbaik a sok teꞌ me ya skꞌuxilan yeꞌik a —xchi te Jesuse.

San Mateo 13:42

Ya me xchꞌojik ochel te ba yawil kꞌakꞌ te tileme. Teꞌ me ya xkꞌo yokꞌetay sbaik a sok teꞌ me ya xkꞌo skꞌuxilan yeꞌik a.

San Mateo 24:51

Ya me yaꞌbe stoj ta kastigo. Teꞌ me ya xbajt a te ba ya xbajt te machꞌatik ma tsaꞌamuk yoꞌtanike. Teꞌ me ya xkꞌo yokꞌetay sba a sok teꞌ me xkꞌo xkꞌuxilan ye a —xchi te Jesuse.

Judas 1:13

Pajal sok yaꞌlel mar, te xwilawet ya xtal te kapal sok sbul te ya xchꞌojot tal lokꞌele. Pajal sok ekꞌetik te chꞌayem te ba ya xbajte y ya xchꞌayik bael ta jmel nax te ba ay ta mas to ijk te kꞌinale.

2 Pedro 2:17

Te machꞌatik jich ya spasike, jachik kꞌoemik te tutꞌil slokꞌib jaꞌ te maꞌyuk yaꞌlele. Jachik kꞌoem tutꞌil tokaletik te ya xꞌikꞌayot bael yuꞌun te ikꞌe. Chapal skꞌoplalik te ya xkꞌot te ba mas lom ijkꞌ te kꞌinal ta sbajtel kꞌinale.

2 Pedro 2:4

Dios maꞌ spasbe perdon te angeletik te mulawike, sino ke chꞌojtalanot ochel ta kastigo. Teꞌ la yakꞌtalan jilel ta ijkꞌal kꞌinal, chukajtik ta kadena y kꞌejtalanbil jilel yuꞌun te tut ora ya sta skꞌaalel te chapele.

Romanos 9:4

Jaꞌ stsꞌumbalik te Israele, y Dios la yikꞌtalan jich tutꞌil xnichꞌnab. Dios ay ta yolilik sok stsaꞌamul slekilal, y la yakꞌtalanbe te trateetike sok te mantaliletik yuꞌun te jMoisese. Sok la yalbe te tutꞌil ya skꞌan ya yichꞌ chꞌuunel te Diose sok te tutꞌil ya yichꞌik koltayel yuꞌune.

Hechos 3:25

Joꞌotik kuꞌuntik te tut yaloj Dios ta skuenta te jꞌalwanejetike, y jaꞌ kuꞌuntik euk te tut yaloj Dios te trate sok te antibo jmeꞌ-jtatike. Yuꞌun te Diose la yalbey te jꞌAbrahame: “Spisil te nasionetik yuꞌun te balmilale ya me yichꞌ bendision ta skaj te atsꞌumbale”, xchi me.

San Mateo 13:38

Te triwualtike jaꞌ te genteetik ta balmilale. Te lekil tsꞌunubile jaꞌ te machꞌatik yajwalinejik te Diose. Te ak te ma tsaꞌamuke jaꞌ te machꞌa yajwalinejik te pukuje.

Apocalipsis 22:15

Pero ya me xjilik ta fuera te machꞌatik ma lekuk yoꞌtanike, sok te machꞌatik ya snopik yakꞌel pox ta skuenta pukuje, sok te machꞌatik ya sꞌantsiwejike, sok te machꞌatik ya xmilawanike, sok te machꞌatik ya yichꞌik ta mukꞌ te lotil diosetike, y spisil te machꞌatik ya skꞌupinik spasel te lote.