San Mateo 8:10 - Nuevo Testamento Tzeltal de Amatenango

¹⁰ Kꞌalal la yaꞌiybe sluwaril te Jesuse, bayal a aꞌabiyan yoꞌtan yuꞌun. Jich a yalbe te machꞌatik stsꞌakliyejik tale: —Jamal ya kalbeyex: Ni jtuluk jtaoj ta Israel te jich xchꞌuunej yoꞌtan te spisil ya xuꞌ kuꞌune jich tutꞌil te winik to.

Bible in Tzeltal Bachajón

¹⁰ C'alal hich la ya'iy te Jesús, bayel yutsil la ya'iy, hich la yalbe te mach'atic t'umbilic yu'un: Jamal ya calbeyex, mayuc jtahoj ta Israel mach'a hich ay sch'uhunel yo'tan te bin ut'il ini.

Bible in Tzeltal de Oxchuc y Tenejapa

¹⁰ C'alal la yaiy stojol te Jesuse, bayal la yaan yo'tan yu'un. Jich la yalbey te mach'atic sts'aclinejic tele: —Jamal ya calbeyex, ma'yuc jtuluc jtaoj ta Israel te jich ay xch'uunjel yo'tan jich bit'il in winic to.

San Mateo 8:10 Referans Kwoze

San Lucas 7:9

Te kꞌalal la yaꞌi te Jesuse, aꞌabiyan yoꞌtan yuꞌun. La skꞌelube sit te machꞌatik tsꞌaklibil yuꞌune, jich a yal: —Jamal ya kalbeyex, ni jtuluk jtaoj ta Israel te jich xchꞌuunej yoꞌtan te spisil ya xjuꞌ ta pasel kuꞌune, jich tutꞌil te winik to —xchi te Jesuse.

San Mateo 15:28

La yal te Jesuse: —Ants, bayal tut xchꞌuunej awoꞌtan. Jich me ya xkꞌot ta pasel te tut ya skꞌan awoꞌtane —xchi. Y mismo tiempo a kol te yachꞌixe.

San Marcos 6:6

Te Jesuse bayal yajtal yoꞌtan yuꞌun te tutꞌil ma xchꞌuunot yuꞌun te genteetike. Been ta chꞌin kolonyaetik te tijilik, sok la spꞌijuteslan jilel te genteetike.

San Lucas 7:50

Te Jesuse la yalbe xan te antse: —Kolematix porke xchꞌuunej awoꞌtan te ya xchꞌay mulil ta jkuentae. Junuk awoꞌtan xbaat —xchi te Jesuse.

San Lucas 5:20

Kꞌalal la yil te Jesuse te tutꞌil xchꞌuunej yoꞌtanik te ya xlekuteswane, jich a yalbe te jchamele: —Winik, pasbil perdon te amule —xchi.

San Mateo 8:9

Jich te joꞌone, jaꞌ nax ayon ta xchꞌuunel mantal ta stojol te machꞌa tulan kuꞌune. Sok ay ta jkuenta te ya jpas ta mantal te soltaroetike. Teme ya kalbe te jtule: “Baan”, teme ya kute, ya xbajt. Teme ya kalbe te yane: “Laꞌ”, teme ya kute, ya xtal. Teme ay tut ya kaꞌbey spas te kaj-aꞌtele, jich ya spas —xchi te statal-soltaroe.

San Mateo 8:11

Pe ya kalbeyex: Ay me bayal ya xtal ta slokꞌib kꞌajkꞌal sok te ba xchꞌay kꞌajkꞌal y ya xtal sjoyinik ta weꞌel te jꞌAbrahame, te jꞌIsaake, te Jacobe te ba ay ta mantal te Diose.

Hechos 2:7

Lom cham a yaꞌiyik yuꞌun y bayal a aꞌbiyan yoꞌtanik. Lijk yalbe sbaik: —¿Me ma wan jgalileaetikuk spisil te machꞌatik yipalik ta kꞌope?