San Mateo 7:26 - Nuevo Testamento Tzeltal de Amatenango

²⁶ Yan te machꞌa ya yaꞌiybon sluwaril te jkꞌope sok teme ma jichuk ya spas te tut kaloje, jich kꞌoem te tutꞌil jtul winik te ma pꞌijuke la spas sna ta jiꞌileltike.

Bible in Tzeltal Bachajón

²⁶ Yan te mach'a ya ya'iy te c'op ini pero ma ba ya spas te bin ya yal, ha ya jpaj soc jtuhl winic te mayuc sp'ijil, te la spas sna ta hi'ileltic.

Bible in Tzeltal de Oxchuc y Tenejapa

²⁶ Yan te mach'a ya yaiybon stojol te jc'ope, soc teme ma jichuc ya spas te bit'il caloje, ja' ya jpaj soc te jtul winic te ma'yuc sp'ijil te la spas sna ta bay puro ji'leltic te lume.

San Mateo 7:26 Referans Kwoze

San Lucas 6:49

Yan te machꞌa ya yaꞌibon sluwar te jkꞌope, teme makꞌ spas te tut ya kale, jaꞌ pajal kꞌoem sok tutꞌil jtul winik te ta ba lum nax a spas te snae te maꞌyuk yipajibe. Kꞌalal tal te nojel jaꞌe, xwilawet kꞌaxel teꞌa te ba spasoj te snae. Butkꞌej yuꞌun, jmel a jim ta nae —xchi te Jesuse.

Santiago 2:20

Pꞌijanik me y naꞌa me te chamen kꞌoem te xchꞌuunel-oꞌtanil yuꞌun te machꞌa maꞌyuk tut juꞌem yuꞌun spasele.

San Mateo 7:24

“Jaꞌ yuꞌun te machꞌa ya yaꞌiybon sluwaril te jkꞌope sok teme ya spas te tut kaloje, jachik tutꞌil jtul winik te ay spꞌijile. Te kꞌalal la spas sna, la sle pꞌej mukꞌul ton la slijkes a te snae.

San Mateo 7:25

Tal bayal jaꞌal ta patil. Kꞌax nojel-jaꞌ te ba ay slijkꞌesej te snae, sok tal bayal ikꞌ. Pe maꞌ butkꞌej te nae, yuꞌun ipajem ta jpꞌej mukꞌul ton.

San Mateo 7:27

Tal te jaꞌale ta patil, kꞌax nojel-jaꞌ a te ba ay te snae, sok tal bayal ikꞌ. Jmel a boskꞌej jilel te snae —xchi te Jesuse.