San Mateo 7:21 - Nuevo Testamento Tzeltal de Amatenango

²¹ “Te machꞌatik “Kajwal, Kajwal”, ya yutikone, ma spisiluk ya xꞌochik te ba ay ta mantal te jTatik Diose. Jaꞌ nax ya xꞌochik teꞌa te machꞌatik ya spasbey te tut ya skꞌan yoꞌtan te jTat te ay ta chꞌulchane.

Bible in Tzeltal Bachajón

²¹ Ma spisiluc te mach'atic ya yalbonic: Cajwal, Cajwal, xchihic, te ya x'ochic te banti ay te cuentahinel yu'un te ch'ulchan, ha nax te mach'atic ya spasbeyic te bin ya sc'an yo'tan te Jtat ay ta ch'ulchan.

Bible in Tzeltal de Oxchuc y Tenejapa

²¹ “Te mach'atic: “Cajwal, Cajwal”, ya yutonique, ma spisiluc ya x'ochic ta banti ay ta ajwalinel te Dios te ay ta ch'ulchane. Ja' nax ya x'ochic tey a te mach'atic ya spasbey sc'anjel yo'tan te Jtat te ay ta ch'ulchane.

San Mateo 7:21 Referans Kwoze

Romanos 2:13

Porke ma jaꞌuk nax ya xꞌakꞌot ta libre yuꞌun teme la nax yaꞌiyik te mantaliletike, jaꞌ nax te machꞌatik ya xchꞌuunik te mantaliletike.

San Lucas 6:46

¿Tuꞌun te “Kajwal, Kajwal”, ya awutikone y makꞌ ya apasik te tut ya kalbeyexe?

Santiago 1:22

Pero ma me jaꞌuk nax te ya awaꞌiyik te skꞌop Diose, ya me skꞌan ya anopik spasel. Yuꞌun teme ma ba ya apas te tut ya awaꞌiye, atukel nax mismo ya aloꞌlay aba.

San Lucas 11:28

Te Jesuse la sjakꞌ: —Jaꞌ ben tsaꞌam slekil te machꞌatik ya yaꞌibeyik sluwaril te skꞌop Diose, y ya xchꞌuunik —xchi.

Tito 1:16

Ya yalik te snaꞌojbe sba te Diose. Pero ta skuenta te tut ya spasike, ya xchiknaj te ma snaꞌbe sbae. Jpꞌajawetik sok jkꞌaxintawanejetik. Ni ma xjuꞌ yuꞌun spasel te tut lek ta pasele.

Hebreos 4:6

Ta skaj te maꞌ xchꞌuunike, ma ochik bael te machꞌatik nail a yaꞌiyik te skꞌoplal kolele. Te ora to ay to jtul cheb te ya skꞌan xꞌochik te ba luwar yuꞌun kuxo-oꞌtane.

San Juan 6:40

Porke te sboluntar jTate jaꞌ te ay skuxlejalik sbajtel kꞌinal spisil machꞌa ya yil sok ya xchꞌuun te Nichꞌanile. Y joꞌon ya jchaꞌkuseslan tal ta slajibal kꞌaal —xchi te Jesuse.

Apocalipsis 3:5

Te machꞌaik ya xjuꞌ yuꞌunik tsalawe jich me sak te skꞌuꞌ spakꞌ te ya xꞌaꞌbote. Y makꞌ me ya jtupꞌbey te sbiilik te ba ay ta jun yuꞌun te kuxlejale. Sino ke ya kaltalan ta jamal ta stojol te Jtate y ta stojol te angeletik yuꞌune.

1 Pedro 4:2

Yuꞌun jich ya xkuxuyin te jayeb xan kꞌaal kuxul jich tutꞌil ya skꞌan yoꞌtan te Diose, y ma jaꞌuk te tut ya skꞌan te stiꞌbalule.

Hebreos 13:21

Jaꞌ me ya stojutesex ta spasel spisil te tut lek ya apasike, jich tutꞌil ya skꞌan yoꞌtan stukele. Sok jaꞌ a spasbotik te tut ya skꞌan stukele, ta skuenta te Jesucristoe. ¡Ay slekilal sbajtel kꞌinal stukel te Cristoe! Jichuk.

San Mateo 12:50

Porke machꞌauk a te ya spas te tut ya skꞌan yoꞌtan te jTat te ay ta chꞌulchane, jaꞌ kitsꞌinab sok jaꞌ jmeꞌ kꞌoem —xchi te Jesuse.

Apocalipsis 22:14

Ben tsaꞌam slekil te machꞌatik ya sakꞌ te skꞌuꞌ-spakꞌike yuꞌun ya xkꞌot ta skuenta ekꞌa te teꞌ yuꞌun te kuxlejale. Jich me ya xjuꞌ ya xꞌoch te ba ay te puertaetik yuꞌun te mukꞌul jtejklume.

San Juan 3:5

Te Jesuse la sjakꞌbe: —Jamal ya kalbeyat: Te machꞌa ma xchaꞌayin ta jaꞌe y sok ta skuenta te Espiritue ma spas ya xꞌoch te ba ay ta ajwalil te Diose.

San Mateo 18:3

La yal: —Jamal ya kalbeyex. Teme ma xjelonexe sok teme ma jichuk chꞌin ya awakꞌ abaik jich tutꞌil te chꞌin untike, ma xjuꞌ ya awajwalinik te Diose.

San Juan 7:17

Teme ay machꞌa ya skꞌan spasbe te sboluntar Diose, jich me ya snaꞌbe sluwar te tut ya kakꞌ ta nopele me talem ta stojol Dios o joꞌon nax ya jnop te tut ya kale.

Romanos 12:2

Ma me jichuk ya xkuxuyinex jich tutꞌil te machꞌatik kuxajtik te ora to. Jaꞌ lek akꞌa me ta jelontesel te tut ya anopike, yuꞌun jich me ya xjelon te tutꞌ kuxulexe. Jich me ya anaꞌbeyik sluwar te tut ya skꞌan yoꞌtan te Diose, jaꞌ bi, jaꞌ te tut lek ta pasele, sok te tut ben tsaꞌame, sok te tut ben toje.

San Marcos 3:35

Machꞌauk a te ya spas te tut ya skꞌan te Diose, jaꞌ kitsꞌin sok jaꞌ jmeꞌ —xchi te Jesuse.

1 Tesalonicenses 5:18

Albeyaik kola yal Dios yuꞌun ta spisil, porke jich ya skꞌan yoꞌtan stukel te Diose te tutꞌil achꞌuunejik te Cristo Jesuse.

Efesios 6:6

Atꞌejanik ta stojol te awajwale, ma me jaꞌuk nax a te kꞌalal ya yilex ae, swuenta lek akꞌoplal ya xkꞌoex yuꞌun. Jichukex me te tutꞌil yaj-aꞌtel te Cristoe. Pasaik ta spꞌejel awoꞌtanik te tutꞌ ya skꞌan yoꞌtan te Diose.

1 Pedro 2:15

Porke Dios ya skꞌan te lek te tut ya apasik te jaꞌexe, yuꞌun te machꞌatik maꞌyuk tut ya snaꞌike y sok te machꞌatik maꞌyuk spꞌijilike ma xwejt tut ya yalbeyex te ya skontrainex te jaꞌexe.

San Mateo 25:21

“Te yajwale la yal: “Lek ay. Te jaꞌate lekil jꞌaꞌtelat sok ben jun awoꞌtan ta jtojol. Te tutꞌil ben jun awoꞌtan la akanantaybon te tuti kaꞌbeyat chꞌinuke, ya me kaꞌbeyat xan akanantaybon mas bayal. Laꞌ me, ochan, joyinaon ta lekilal”, xchi.

1 Tesalonicenses 4:3

Te tut ya skꞌan te Diose jaꞌ te maꞌyuk amulik ya xkuxuyinex ta skuentae, sok te ma me ayuk machꞌa ya sꞌantsiweje.

Colosenses 4:12

Xkoltanukex laj me yuꞌun euk te Epafras te jtul yaj-aꞌtel te Cristo Jesuse, te lokꞌem tal ta awolilike. Sil tiempo ya skꞌoponbeyex Dios ta akuentaik yuꞌun jich me jun awoꞌtanik a, y sok spisiluk awoꞌtanik ya apasik te tut ya skꞌan yoꞌtan te Diose.

San Lucas 13:25

Patil teme la stsꞌus stiꞌ spuerta te yajwal nae, jaꞌex te ayex ta jwerae jich ya xlijk awalik: “Kajwal, jeꞌbotik te puertae”, ya me awutik. Pero ya yalbeyex te yajwal nae: “Ma jnaꞌ ba talemex te jaꞌexe”, ya me yutex.

Hechos 14:22

Te ba luwar ba laj kꞌaxike, la yaꞌbeyik jilel spuersa yoꞌtan te hermanoetike, y la yaltalanbe jilel te jmel nax a wakꞌ xchꞌuunik te Jesuse. La yalbeyik te puersa ay bayal wokol te ya xꞌochotik te ba ay ta ajwalinel te Diose.

San Lucas 18:25

Jich tutꞌil te ma xjuꞌ ta kꞌasesel ta sujtulel yit tsꞌisonajib te kameyoe, jaꞌ jich euk te jkꞌulejetike. Ma xjuꞌ yuꞌunik te ya yajwalinik te Diose —xchi.

San Marcos 9:47

O teme sbaꞌ asit te ya yakꞌat ta mulile, lokꞌesa. Jaꞌ mas lek te pꞌej nax asit ya xbaat sok te Diose. Jaꞌ mas ma lekuk te xchebal asit ya xbaat sok ta kꞌajkꞌ sbajtel kꞌinal,

San Mateo 19:24

Sok ya kalbeyex xan: Jich tutꞌil ma xjuꞌ ta kꞌasesel ta yit tsꞌisonajib jkojtuk te kameyoe, jaꞌ jich euk te jkꞌulejetike ma xjuꞌ yuꞌunik te ya yajwalinik te Diose —xchi.

San Mateo 18:35

“Jaꞌ jich euk te jTat te ay ta chꞌulchane, jich me ya spasbeyex teme makꞌ ya apasbe abaik perdon jujutul ta awoꞌtanik sok te awermanoe —xchi te Jesuse.

San Juan 15:23

Te machꞌa ya spꞌajone, jaꞌ a spꞌajix euk te jTate.

San Mateo 26:42

Jicha bajt xan ta xchaꞌmelal ta skꞌoponel te Diose. Jich a yal xan: —Tat, teme puersa ya xkꞌax jwokole, a me pasuk te tut ya skꞌan awoꞌtane —xchi.

San Mateo 16:17

La yal te Jesuse: —Ben me tsaꞌam alekil jaꞌat Simon te xnichꞌanat te Jonase. Porke ni jtuluk winik te la yaꞌbeyat anaꞌbe sluwar. Jaꞌ a yaꞌbeyat anaꞌ sluwar te jTat te ay ta chꞌulchane.

Apocalipsis 2:27

jachik tutꞌil yakꞌojbon kaꞌtele te Jtate. Ya me xmantalajik sok sbaston takꞌinik. Ya me xwuyik kꞌoem te nasionetik jich tutꞌil pꞌinetik te pasbil ta lume.

San Juan 14:7

Te jaꞌexe teme ya anaꞌbikon jbae, jich ya anaꞌbeyik sba euk te jTate. Te ora to ya anaꞌbeyikix sba, yuꞌun yipalexix ta yilel —xchi.

San Juan 5:17

Pero te Jesuse la yaltalanbe: —Te Jtate yipal ta aꞌtel y jichon euk yipalon ta aꞌtel —xchi.

San Mateo 26:39

Been xan bael chꞌinuk te Jesuse. La skejan sba y la stsꞌinan sba koel ta lum sok la skꞌopon Dios. Jich a yal: —Tat, te yauk xjuꞌ te makꞌ xkꞌot ta jkuenta te wokol to, pero ma me jaꞌuk ya xkꞌot te tut ya skꞌan koꞌtane. Jaꞌ me a kꞌotuk te tut ya skꞌan awoꞌtan atukele —xchi.

San Mateo 18:10

“Ila me abaik, ma me ayuk jtuluk te maꞌyuk ta jkuenta awuꞌunik te machꞌatik chꞌin ayike. Ya kalbeyex te sil tiempo tekꞌatik te chꞌul angeletik yuꞌunik ta stojol te jTat te ay ta chꞌulchane.

San Mateo 18:19

“Sok ya kalbeyex: teme ay chaꞌtulex tem ya achap akꞌopik liꞌ ba balmilale tem ay tut ya akꞌanbeyik te Diose, te jTat te ay ta chꞌulchane ya me yaꞌbeyex.

San Mateo 25:10

“Pero baemik tal ta smanel spetrolioik a te joꞌtul aꞌchetik te maꞌyuk spꞌijil yoꞌtanike, jul te jnujpunele. Te joꞌtul aꞌchetik te chapalik sok skantilike la sjoyinik ochel te jnujpunel te ba ya spas kꞌine, y stsꞌusot te puertae.