San Mateo 6:28 - Nuevo Testamento Tzeltal de Amatenango

²⁸ “Sok ¿tut yuꞌun te ya awakꞌ yajtal awoꞌtanik yuꞌun te akꞌuꞌ-apakꞌike? Naꞌaik te tutꞌil ya xchꞌi te nichimetik ta witse: Ni makꞌ xꞌaꞌtejik ni makꞌ sjal skꞌuꞌ-spakꞌik.

Bible in Tzeltal Bachajón

²⁸ Soc ¿bin yu'un ha ya xbaht ta awo'tanic sna'ulanel ac'u' apaq'uic? Ilawil bin ut'il ya xcol te nichimetic ta ha'mal, ma ba ya x'a'tejic soc ma ba ya ya'iyic jalab;

Bible in Tzeltal de Oxchuc y Tenejapa

²⁸ “¿Bistuc te ya amel awo'tanic yu'un te ac'u'-apaq'uique? Ila awilic te bit'il ya xch'iic te ja'mal nichimetique, melel ma x'at'ejic soc ma sjal sc'u'-spaq'uic.

San Mateo 6:28 Referans Kwoze

San Mateo 6:25

“Jaꞌ yuꞌun ya kalbeyex, ma me xꞌawakꞌ yajtal awoꞌtanik yuꞌun te tut ya aweꞌ ya awuchꞌik te kuxulex ta balmilale, sok te ya ata akꞌuꞌ-apakꞌike. Maꞌ jaꞌuk tulan skꞌoplal te aweꞌelike. Jaꞌ tulan skꞌoplal te akuxlejalike. Sok ma jaꞌuk tulan skꞌoplal te akꞌuꞌ-apakꞌike. Jaꞌ tulan skꞌoplal te atiꞌbalulike.

Filipenses 4:6

Ma me tut ya yakꞌ yajtal awoꞌtanik yuꞌun. Jaꞌ ya skꞌan ya akꞌoponik Dios yuꞌun ta spisil te tut ya xtuun awuꞌun, y albeyaik kolayal ekꞌa.

San Lucas 12:27

“Ila me awilik te tutꞌil ya xchꞌi te nichimetike. Makꞌ xꞌaꞌtejik ni makꞌ sjal skꞌuꞌ-spakꞌik. Pero ya kalbeyex manchuk me ben tsaꞌam te skꞌuꞌ-spakꞌ te rey Salomone, pero maꞌ spajbe tsaꞌamul te nichim to.

San Mateo 6:31

Ja yuꞌun ma me xꞌawakꞌ yajtal awoꞌtanik: “¿tutꞌil ya jta ta leel jweꞌel sok jkꞌuꞌ-pakꞌ?” ma me xchaukex ta ajtal-oꞌtan.

San Lucas 3:11

La sjakꞌ te Juane: —Te machꞌa ay chaꞌlijk skꞌuꞌ-spakꞌe aꞌ yaꞌbe jlijkuk te machꞌa ni maꞌyuk yuꞌune. Jich euk te machꞌa ay tut ya sweꞌe ya skꞌan ya yaꞌbe te machꞌa maꞌyuk yuꞌune —xchi.

San Mateo 10:10

Sok ma me xꞌawichꞌ amoralik, ni ajel-kꞌuꞌ-pakꞌik, ni ajel-wawik, ni anabateꞌik. Te machꞌatik ya xꞌaꞌtejike jich me ya sta sweꞌelik a.

San Mateo 6:27

Ma xjuꞌ awuꞌunik te ya anajtꞌutes abaik xan teme ay yajtal awoꞌtanik te lom kꞌoxat.

San Lucas 10:41

Jakꞌbot yuꞌun te Jesuse: —xMarta, bayal te tut baem ta awoꞌtan spasele. Ma me awakꞌ yajtal awoꞌtan yuꞌun.

San Lucas 12:11

“Te kꞌalal ya yikꞌelex bael ta sinagogaetike, o teme ya stejkꞌanelex ta stojol te alkaletike, sok ta stojol te juꞌeletike, ma me xꞌawakꞌ yajtal awoꞌtanik yuꞌun te tut ya skꞌan ya ajakꞌbeyik te skꞌopike sok te tut xkꞌo awalike.

San Lucas 12:22

Ta patil te Jesuse jicha yalbe te jnopojeletik yuꞌune: —Jaꞌ sluwar te ya kalbeyexe, ma me xꞌawakꞌ yajtal awoꞌtanik yuꞌun te tut ya xkuxuyinexe, ni te tut ya aweꞌike ni te akꞌuꞌ-apakꞌik te ya alapike.

1 Pedro 5:7

Aꞌbeyaik ta skuenta stukel te yajtal awoꞌtanike, porke stukel skanantayejex.