San Mateo 6:26 - Nuevo Testamento Tzeltal de Amatenango

²⁶ Ilawilik te tut kuxulik te teꞌtikil mute. Ni makꞌ stsꞌunbajik, ni makꞌ xkꞌajojinik, ni maꞌyuk yawil yiximik. Pero to ya kalbeyex, te jTatik te ay ta chꞌulchane ya smakꞌlin spisil. Te jaꞌexe mas tulan akꞌoplalik ke te teꞌtikil mute.

Bible in Tzeltal Bachajón

²⁶ Ilawil te mutetic ya xwihlic ta toyol, ma ba ya ya'iyic awal, ma ba ya ya'iyic c'ajoj soc ma ba ya stsobic ta yawil; pero ha mac'limbilic yu'un te Atatic ay ta ch'ulchan. ¿Ma bal c'axuc to xan hich ac'oblalic a te bin ut'il te mutetique?

Bible in Tzeltal de Oxchuc y Tenejapa

²⁶ Ilawil bit'il cuxulic te ja'mal mutetique. Ma xyaiyic awal, soc ma xyaiyic c'ajoj, soc ma'yuc snail yiximic. Ja'uc me to, te Jtatic te ay ta ch'ulchane ya smac'lin spisil. Te ja'exe ¿ma bal c'axuc jich ay ac'oplalic a te bit'il te ja'mal mutetique?

San Mateo 6:26 Referans Kwoze

San Mateo 6:32

Jich te machꞌatik ma snaꞌbeyik sba te Diose, jaꞌ nax baem ta yoꞌtanik sleel sweꞌelik sok skꞌuꞌ-spakꞌik. Yan te jaꞌexe ay aTatik ta chꞌulchan te snaꞌoj spisil te tut ya xtuun awuꞌunike.

San Mateo 7:9

“¿Me ay wan te jich ya apasik te jaꞌexe, teme ya skꞌanbeyat yot te anichꞌane, me ton wan ya awaꞌbe?

San Lucas 12:18

Nojp yuꞌun tsꞌiin: “Te ora to la jnaꞌix tut ya jpas. Ya me jim spisil te yawil kixime. Ya me jpas mas mukꞌ. Yuꞌun teꞌ ya jkꞌej spisil a te jkosechae sok spisil te tutik ay kuꞌune.