San Mateo 6:20 - Nuevo Testamento Tzeltal de Amatenango

²⁰ Jaꞌ lek tsoba akꞌulejalik ta chꞌulchan te ba makꞌ xjochꞌube sok te ba makꞌ stsaꞌube, sok ba makꞌ xꞌoch jꞌelekꞌetike.

Bible in Tzeltal Bachajón

²⁰ Ha me xatsob ac'uhlejalic ta ch'ulchan te banti ma xjoch'ob soc ma xchuxub, soc te banti ma x'och j'eleq'uetic.

Bible in Tzeltal de Oxchuc y Tenejapa

²⁰ Ja' lec tsoba ac'ulejalic ta ch'ulchan ta banti ma xlaj ta joch' soc ta tsa'ec', soc ta banti ma stob na j'eleq'uetic.

San Mateo 6:20 Referans Kwoze

San Lucas 12:33

Chonaik te tut ay awuꞌunike, y kꞌebenbeya te meꞌbaꞌetike. Leaik yawil atakꞌinik te ma xꞌixtaje. Kꞌejaik ta chꞌulchan te akꞌulejalik te makꞌ xlaje, te makꞌ xꞌoch elekꞌ aye, sok te ba makꞌ xjochꞌube.

San Mateo 19:21

La sjakꞌ te Jesuse: —Teme ya akꞌan te lek ya xkꞌoate, baan, chona spisil te tutik ay awuꞌune. Kꞌebenbeya te meꞌbaꞌetike. Jich me ay akꞌulejal ta chꞌulchan ya xkꞌoat. Y laꞌ me, tsꞌakliyaon tsꞌiin —xchi te Jesuse.

Santiago 2:5

Kermanotak, te kꞌuxex ta koꞌtane, aꞌiya awaꞌiyik to: Te Dios la stsa te machꞌatik meꞌbaik liꞌ ba balmilale, yuꞌun jaꞌ me skꞌulejalik ya xkꞌot te xchꞌuunejik Diose sok te ya xba yichꞌik smajtanik te ba ay ta ajwalinel te Diose, te stukel yaloj ta skuenta te machꞌatik lek skꞌanojik te Diose.

1 Timoteo 6:19

Jich me ay skꞌulejalik te lek ya xtuun yuꞌunik ta patile, y jich me ya staik te kuxlejal sbajtel kꞌinale.

San Lucas 18:22

Te kꞌalal la yaꞌi te Jesuse, la sjakꞌbe te winike: —Ay to xan yan te tut ya skꞌan ya apase: Chona spisil te tut ay awuꞌune, y kꞌebenbeya te meꞌbaꞌetike. Jich me ay akꞌulejal ta chꞌulchan ya xkꞌoat. Laꞌ me joyinaon bael tsꞌiin —xchi.

Apocalipsis 2:9

“Joꞌon jnaꞌoj te awokol sok te ameꞌbaale. Pero te jaꞌate jkꞌulejat. Y jnaꞌoj te ma lekuk akꞌoplal ya yalbelat yuꞌun te machꞌatik ya yalik te juriyoike pero ma jaꞌuklan. Jaꞌik jtijkꞌ yuꞌun Satanas.

Hebreos 11:26

La snop te jaꞌ mas lek te ya xkꞌax swokol ta ilbajinel te machꞌa te tꞌujbil yuꞌun te Diose, ke te jun yoꞌtan yuꞌun te skꞌulejal Egiptoe. Porke jaꞌ ay ta yoꞌtan te ya xꞌaꞌbot smajtan yuꞌun Dios te jich albil te ya xꞌaꞌbote.

1 Timoteo 6:17

Te machꞌatik ay skꞌulejalik liꞌ ba balmilal to, altalanbeya te makꞌ me stoy sbaike yuꞌune. Ni ma me wakꞌ smukꞌulin yoꞌtan te skulejale, porke te kꞌulejalile ma segurouk ay. Jaꞌ lek te jaꞌ ya smukulin yoꞌtanik te Dios te kuxul stukele, te stukel ya yaꞌbotik spisil te tutik ya xtuun kuꞌuntike sok te tutik ya jkꞌupintike.

1 Pedro 1:4

Jich me ya awichꞌik te majtanil yuꞌun Dios te skꞌejojbeyex ta chꞌulchane te ma snaꞌ xlaje, ni ma xꞌijkꞌub, ni ma xlaj te stsaꞌamule.

1 Pedro 5:4

Jich te kꞌalal ya xchiknaj te Statal jKanane, te jaꞌexe ya me awichꞌik te korona yuꞌun te lekilale, te jun korona te maꞌyuk tut ora ya xlaje.

Hebreos 10:34

Te jaꞌexe la xpichꞌin awoꞌtanik te machꞌatik aylan ta prexoe. Y asta jun awoꞌtanik te la awakꞌik bael ta pojel te tut ay awuꞌunike, yuꞌun anaꞌojik te tut ay awuꞌunik ta chꞌulchan te mas ben tsaꞌame sok te sbajtel kꞌinal ay stukele.

San Mateo 6:19

“Ma meꞌ xꞌatsob akꞌulejalik ta balmilal te ya xjochꞌube sok te ya stsaꞌube, sok te ba ya xꞌoch yelkꞌan te jꞌelekꞌetike.

San Marcos 10:21

Te Jesuse la yilbey sit sok xpich ta yoꞌtan, y la yalbe: —Ay to jkaj xan te tut skꞌan ya apase. Baan, chona spꞌejel te tutik ay awuꞌune y akꞌtalanbeya te meꞌbaetike. Jich me ay akꞌulejal ta chꞌulchan ya xkꞌoat a. Yoꞌtik laꞌ me, tsꞌakliyaon tal —xchi.