San Mateo 6:19 - Nuevo Testamento Tzeltal de Amatenango

¹⁹ “Ma meꞌ xꞌatsob akꞌulejalik ta balmilal te ya xjochꞌube sok te ya stsaꞌube, sok te ba ya xꞌoch yelkꞌan te jꞌelekꞌetike.

Bible in Tzeltal Bachajón

¹⁹ Ma me xatsob ac'uhlejalic ta bahlumilal te banti ya xjoch'ob soc ya xchuxub, soc ta banti ya x'och j'eleq'uetic.

Bible in Tzeltal de Oxchuc y Tenejapa

¹⁹ “Ma me x'atsob ac'ulejalic ta balumilal te banti ya xlaj ta joch' soc ta tsa'ec', soc ta banti ya stob na j'eleq'uetic.

San Mateo 6:19 Referans Kwoze

Hebreos 13:5

Ma me jaꞌuk xbajt ta awoꞌtanik te takꞌine; junuk me awoꞌtanik te tut ay awuꞌunike. Porke jich yaloj te Diose: “Ma me yauk jilesat ni yauk jchꞌojat jilel”, xchi me.

San Lucas 12:21

Jich me ya xkꞌot te winik teme jaꞌ nax baem yoꞌtan stsobel te skꞌulejal te ya xtuun yuꞌun stukel naxe, pero meꞌbaꞌ ta stojol Dios —xchi te Jesuse.

San Lucas 18:22

Te kꞌalal la yaꞌi te Jesuse, la sjakꞌbe te winike: —Ay to xan yan te tut ya skꞌan ya apase: Chona spisil te tut ay awuꞌune, y kꞌebenbeya te meꞌbaꞌetike. Jich me ay akꞌulejal ta chꞌulchan ya xkꞌoat. Laꞌ me joyinaon bael tsꞌiin —xchi.

1 Timoteo 6:17

Te machꞌatik ay skꞌulejalik liꞌ ba balmilal to, altalanbeya te makꞌ me stoy sbaike yuꞌune. Ni ma me wakꞌ smukꞌulin yoꞌtan te skulejale, porke te kꞌulejalile ma segurouk ay. Jaꞌ lek te jaꞌ ya smukulin yoꞌtanik te Dios te kuxul stukele, te stukel ya yaꞌbotik spisil te tutik ya xtuun kuꞌuntike sok te tutik ya jkꞌupintike.

San Lucas 12:33

Chonaik te tut ay awuꞌunike, y kꞌebenbeya te meꞌbaꞌetike. Leaik yawil atakꞌinik te ma xꞌixtaje. Kꞌejaik ta chꞌulchan te akꞌulejalik te makꞌ xlaje, te makꞌ xꞌoch elekꞌ aye, sok te ba makꞌ xjochꞌube.

San Lucas 18:24

Te Jesuse la yil te ay yajtal yoꞌtan te winike. Jaꞌ yuꞌun la yal: —Te jkꞌulejetike wokol ya yajwalinik te Diose.

San Mateo 19:21

La sjakꞌ te Jesuse: —Teme ya akꞌan te lek ya xkꞌoate, baan, chona spisil te tutik ay awuꞌune. Kꞌebenbeya te meꞌbaꞌetike. Jich me ay akꞌulejal ta chꞌulchan ya xkꞌoat. Y laꞌ me, tsꞌakliyaon tsꞌiin —xchi te Jesuse.

San Mateo 6:20

Jaꞌ lek tsoba akꞌulejalik ta chꞌulchan te ba makꞌ xjochꞌube sok te ba makꞌ stsaꞌube, sok ba makꞌ xꞌoch jꞌelekꞌetike.

San Lucas 12:39

Naꞌbeyaik me sluwaril to: Jich tutꞌil te yajwal nae te yauk snaꞌ tut ora xtal te jꞌelekꞌe, ma xyakꞌ ta jeꞌel te sna te jichuke, yuꞌun makꞌ xꞌelkꞌanbot bael te stutik yuꞌune.