San Mateo 6:13 - Nuevo Testamento Tzeltal de Amatenango

¹³ Y ma me xaꞌwakꞌ mulawukotik. Koltayaotik me te ba tut ma tsaꞌamuke. Yuꞌun jaꞌat me ya xmantalajat, sok ay bayal apoder, sok ay alekilal ta sbajtel kꞌinal. Jichuk”, xaꞌex ta skꞌoponel te Diose.

Bible in Tzeltal Bachajón

¹³ Ma me xawac'otcotic ta sujel ta mulil, ac'awotcotic ta libre yu'un te bin chopol, como ha'at awu'un te cuentahinwanej, te ay awu'el soc awutsilal sbahtel q'uinal. Hichuc.

Bible in Tzeltal de Oxchuc y Tenejapa

¹³ Ma me xawac' yalucotic yu'un te yiljibal co'tantique. Coltayawotic loq'uel ta bay te bila amene. [Melel te ja'ate muc' ajwalilat atuquel, soc ay awu'el, soc ay awutsilal sbajt'el q'uinal. Jichuc]”, xaex me ta sc'oponel te Diose.

San Mateo 6:13 Referans Kwoze

1 Corintios 10:13

Te jaꞌexe maꞌyuk kꞌaxem awuꞌunik te ilel-awoꞌtanik te ma ba yaꞌiyojik te yanetike. Y te jaꞌexe ya xjuꞌ te ay smukꞌul awoꞌtanik ta stojol Dios te ma xyakꞌ kꞌaxuk awokolik ta ilel awoꞌtanik te lom tulan te ma xkujch awuꞌunike. Pero ma jichuk, te kꞌalal ya xtal te ilel-awoꞌtanike, te Diose ya sle tutꞌ ya skoltayex lokꞌel a, yuꞌun jich ya xjuꞌ awuꞌunik a.

San Juan 17:15

Ma jaꞌuk ya jkꞌambeyat te ya alokꞌesbon ta balmilale. Jaꞌ ya jkꞌambeyat te ma xꞌawakꞌ ta tsalel yuꞌun te pukuje.

San Mateo 26:41

Wikꞌa me asitik, kꞌoponaik me Dios yuꞌun. Jich me makꞌ ya ataik il-oꞌtantayel yuꞌun te pukuje. Porke ay spuersa te awoꞌtanike. Jaꞌ nax te atiꞌbalulik te maꞌyuk yipe —xchi.

Apocalipsis 19:1

Ta patil la kaꞌiy yipalik ta tulan kꞌop te bayalik ta chꞌulchan, te jich la yalik: —¡Ay ta albeyel ta ichꞌel ta mukꞌ te Kajwaltike! Te kolele jaꞌ yuꞌun te Dios kuꞌuntike. Ay slekilal sok ay spoder.

2 Tesalonicenses 3:3

Pero te Kajwaltike jun yoꞌtan, y stukel ya yaꞌbeyex apuersaik y ya skoltayex te ba tut ma lekuke.

San Mateo 6:10

Aꞌ me staix skꞌaalel te ya xꞌochat ta ajwalil. La me pas a tut ya skꞌan awoꞌtan ta balmilal jachik tutꞌil ta chꞌulchane.

2 Pedro 2:9

Te Kajwaltike snaꞌoj tutꞌil ya skoltay te machꞌatik ya xtal ta sujel ta mulile te jun yoꞌtan xchꞌuunej Diose. Y snaꞌoj tutꞌil ya skꞌej te machꞌatik ma lekikuke te ya yichꞌik kastigo yuꞌun te tut kꞌaalil ya xkꞌot te chapele.

1 Tesalonicenses 1:10

Sok ya yalik xan te tutꞌil yipalex ta smaliyel te ya sujt tal ta chꞌulchan te Jesus te Xnichꞌan Diose. Jaꞌ te Jesus te la yichꞌ xchaꞌkusesel yuꞌun Dios te ba ay animaetike, sok te stukel ya skoltayotik yuꞌun te tulan kastigo ya xtale.

Apocalipsis 21:4

Ya me skustalanbot yaꞌlel sitik yuꞌun. Y ma me ayukix lajel a, ni okꞌel, ni ajtal-oꞌtan, ni tut kꞌux. Porke spisil te tut ay ta nail toe, chꞌayix bael”, xchi.

Apocalipsis 3:10

“Apasoj kumplir te mantaliletik kuꞌune te jun awoꞌtan ya atsꞌik awokole, y jaꞌ yuꞌun joꞌon ya jkꞌejat a te tut ora ya xtal te prewa ta stojol ta spisil te balmilale, yuꞌun te ya spasot ta prewa a ta spisil te machꞌatik kuxajtik ta balmilale.

1 Juan 3:8

Pero te machꞌa ya yaꞌtelin sleel smule, jaꞌ yuꞌun te pukuje. Porke te pukuje la sle smul desde ta slijkibal to tal. Jaꞌ yuꞌun te puersa a tal te Xnichꞌan Diose yuꞌun tal sjimbey te tut ya spas te pukuje.

1 Pedro 5:8

Pꞌij me xꞌawakꞌ abaik y kuxuluk me awoꞌtanik. Porke te akontraike, jaꞌ te pukuje, jachik ay tut choj te ya xkꞌuxuxan ye, sok te yipal ta sleel te machꞌa ya sweꞌe.

Gálatas 1:4

Te Jesucristoe la yakꞌ sba ta lajel yuꞌun te jmultike, yuꞌun ya skoltayotik te ayotik ta balmilal te ma tsaꞌamuke. Jich tutꞌil la skꞌan yoꞌtan te Tatik Dios kuꞌuntike.

2 Corintios 1:20

yuꞌun stukel ya skꞌoes ta spasel spisil te tutik yaloj te Diose. Jaꞌ yuꞌun te kꞌalal ya kalbetik slekil te Diose, ya kaltik “Jichuk” ta skuenta te Cristo Jesuse.

Apocalipsis 2:10

“Ma me xiꞌan yuꞌun te tut ya xkꞌax awokol yuꞌune. Yuꞌun te pukuje ya me xchꞌikex ta prexo yuꞌun ya me spaselex ta prewa ta apisilik. Y ya me xkꞌax awokolik lajunebuk kꞌaal. Jmel nax me junuk awoꞌtan asta ba kꞌalal ya xchamat. Y joꞌon ya kꞌabeyat te akuxlejal jachik tutꞌil majtanile.

Apocalipsis 1:18

Jtalel kuxulon. Chamon, pero te ora to kuxulonix sbajtel kꞌinal. Joꞌon kichꞌojbe te syaweal te lajele y sok te yawil te ba ya stsobot te animaetike.

San Mateo 5:37

Teme ay tut ya sjojkꞌobelexe, “Jichuk”, xchaex me teme jiche. Teme ma jichuke, “Maꞌuk”, xchaex me. Yan teme kꞌax jich te tut ya awalike, jaꞌix yuꞌun te pukuje.

1 Corintios 14:16

Porke teme yipalat ta skꞌoponel Dios, jaꞌ nax sok te achꞌulele. Y teme ay jtul gente te jich to nax ay te yipal ta yaꞌiyele, ma spas ya sjoyinat ta yalel kola yal, yuꞌun ma xyaꞌi te tut ya awale.

San Mateo 28:20

Sok aꞌbeyaik snopik xchꞌuunel spisil te jmantal te kalojbeyexe. Ma me xchꞌay ta awoꞌtanik te sil tiempo joyinejex ta jujun kꞌaale jaꞌto teme laj te balmilale —xchi te Jesuse. Jichuk.

Apocalipsis 19:4

Y te beintikuatro ta tul te lom mamalikixe y sok te chaneb te tut kuxajtike la skejan sbaik kꞌalal ta lum, y la yichꞌik ta mukꞌ te Diose te nakal te ba ay te smukꞌul snaktajibe. Y la yalik: —Jichuk. Ay ta albeyel ta ichꞌel ta mukꞌ te Kajwaltike —xchiik.

Apocalipsis 5:13

Y jich a kaꞌiybe skꞌop ta spisil te tutik pasbil yuꞌun Dios ta chꞌulchane sok ta balmilale sok ta yeꞌtal te balmilale sok ta mar. Jich la yalik: “Te Machꞌa nakal ta mukꞌul naktajibale y sok te Chꞌin Karnerae, a me yichꞌ albeyel te slekilal, te akꞌel ta jkuenta, te stsaꞌamul, y te spoder ta sbajtel kꞌinale”, xchiik.

Apocalipsis 3:14

Sok la yalbon: —Tsꞌibabeya xan ta sjun te ángel ta stojol te jtijkꞌ hermanoetik te aylan ta Laodiceae: “Jich ya yal te Machꞌa batsꞌi jiche, te stukel jun yoꞌtan ay ta testigo yuꞌun ta yalel te tut batsꞌi jiche. Jaꞌ ta skuenta te Dios la xchiknates spisil te tutik ay.

Hebreos 11:36

Ay yan te kꞌax swokolik ta ikꞌtinel y ta majel y ta chukel ta kadena y ta prexo.

1 Timoteo 1:17

¡Jaꞌ aꞌ kakꞌtik ta akꞌel ta jkuenta sok aꞌ kaltik slekilal sil tiempo te Ajwalil yuꞌun sbajtel kꞌinale, te stalel ay, sok ma chikanuk ta ilel, y stukel nax Diose! Jichuk.