San Mateo 6:12 - Nuevo Testamento Tzeltal de Amatenango

¹² Aꞌbotik me perdon yuꞌun te jmultike, jachik tutꞌil te ya jpastik perdon yuꞌun te machꞌa ya sta smul kuꞌuntike.

Bible in Tzeltal Bachajón

¹² Pasbotcotic perdón yu'un jmulcotic, hich te bin ut'il ya jpasbecotic perdón te mach'atic ay smulic ta jtojolcotic.

Bible in Tzeltal de Oxchuc y Tenejapa

¹² Pasbotic perdón yu'un te bila amen jpasojtique, jich te bit'il ya jpasbeytic perdón uuc te mach'atic amen bila spasojbotique.

San Mateo 6:12 Referans Kwoze

Efesios 4:32

Ya skꞌan te ayuk me slekil awoꞌtanik sok skꞌuxul awoꞌtanik ta juju-tulex. Sok aꞌbeya abaik perdon ta juju-tulex jich tutꞌil te Dios la yaꞌbeyexix perdon ta skuenta te Cristoe.

San Marcos 11:25

Te tut ora ya akꞌoponik te Diose, pasbeyaik perdon nailuk te machꞌa ay sla awoꞌtanik soke. Yuꞌun jich me ya spasbeyex perdon yuꞌun amulik euk te jTatik te ay ta chꞌulchane.

Efesios 1:7

Ta skuenta bayal skꞌuxul yoꞌtan, Dios a yakꞌotik ta libre ta skuenta te Xnichꞌan te la smal xchꞌichꞌele. Y la spasbotikix perdon yuꞌun te jmultike.

Colosenses 3:13

Yauk me xkujch awuꞌunik ta juju-tul, y aꞌbeya abaik perdon teme ay tut ma lekuk la apasbe abaik. Jich tutꞌil te Kajwaltike la yaꞌbeyex perdon, aꞌbeya abaik perdon euk te jaꞌexe.

San Lucas 11:4

Aꞌbotik me perdon yuꞌun te jmultike jachik tutꞌil te ya jpasbeytik perdon yuꞌun te machꞌa ya sta smul kuꞌuntike. Y ma me xꞌawakꞌ mulawukotik. Koltayaotik me te ba tut ma tsaꞌamuke, xchaex me, —xchi te Jesuse.

San Lucas 6:37

Ma me xꞌawichꞌbe jkuenta yaꞌtel te yane. Jich me makꞌ yichꞌbeyex jkuenta euk te Diose. Ma me xꞌalebe smul te yane. Jich me makꞌ stabeyat amul euk te Diose. Akꞌaik perdon. Jich me ya yaꞌbeyex perdon euk te Diose.

Hechos 13:38

Jaꞌ yuꞌun, kermanotak, naꞌbeyaik me sluwar te jaꞌexe, te perdon yuꞌun te mulile yipalix ta alel ta atojolik ta skuenta te Jesuse.

San Mateo 9:2

Ay jtul winik teꞌa te kꞌolbil xchial yok-skꞌabe xchoyojik tal ta kꞌabal-teꞌ ta stojol te Jesuse. Te kꞌalal la yil Jesus te tutꞌil xchꞌuunej yoꞌtanik te ya xlekuteswane, jich a yalbe te jchamele: —Junuk awoꞌtan, jnichꞌan. Chꞌaybilix te amule —xchi.

San Mateo 26:28

Jaꞌ to jaꞌ jchꞌichꞌel te ay spuersa ya xkꞌot a te achꞌ tratee te ya yichꞌ malele skuenta xchꞌayil smulik te bayal ta jtule.

San Lucas 13:4

¿Akuyojik wan te mas ay smulik te machꞌatik ayik ta Jerusalen te ay diesiocho ta jtul chamik ta tentalanel te kꞌalal jimta koel te torre yuꞌun te Siloee?