San Mateo 6:10 - Nuevo Testamento Tzeltal de Amatenango

¹⁰ Aꞌ me staix skꞌaalel te ya xꞌochat ta ajwalil. La me pas a tut ya skꞌan awoꞌtan ta balmilal jachik tutꞌil ta chꞌulchane.

Bible in Tzeltal Bachajón

¹⁰ Ac'a taluc te cuentahinel awu'un; ac'a yich' pasel ta bahlumilal te bin ya sc'an awo'tan, hich te bin ut'il yac ta pasel ta ch'ulchan.

Bible in Tzeltal de Oxchuc y Tenejapa

¹⁰ Ac'a c'otuquix yorail te ya awich' ajwalinele. Ac'a pasuc sc'anjel awo'tan ta balumilal, jich bit'il te yac ta pasel ta ch'ulchane.

San Mateo 6:10 Referans Kwoze

Hebreos 10:36

Te jaꞌexe puersa ya skꞌan xjuꞌ awuꞌunik te wokole, yuꞌun jaꞌ ya apasik te tut ya skꞌan yoꞌtan te Diose y jich ya awichꞌik te tut a te stukel yaloje.

San Juan 4:34

Pero te Jesuse la yaltalanbe: —Te jweꞌele jaꞌ te ya jpasbe sboluntar te machꞌa la stikonon tale, y jaꞌ to teme juꞌ kuꞌun te yaꞌtele.

San Mateo 26:42

Jicha bajt xan ta xchaꞌmelal ta skꞌoponel te Diose. Jich a yal xan: —Tat, teme puersa ya xkꞌax jwokole, a me pasuk te tut ya skꞌan awoꞌtane —xchi.

San Mateo 12:50

Porke machꞌauk a te ya spas te tut ya skꞌan yoꞌtan te jTat te ay ta chꞌulchane, jaꞌ kitsꞌinab sok jaꞌ jmeꞌ kꞌoem —xchi te Jesuse.

1 Tesalonicenses 5:18

Albeyaik kola yal Dios yuꞌun ta spisil, porke jich ya skꞌan yoꞌtan stukel te Diose te tutꞌil achꞌuunejik te Cristo Jesuse.

Romanos 12:2

Ma me jichuk ya xkuxuyinex jich tutꞌil te machꞌatik kuxajtik te ora to. Jaꞌ lek akꞌa me ta jelontesel te tut ya anopike, yuꞌun jich me ya xjelon te tutꞌ kuxulexe. Jich me ya anaꞌbeyik sluwar te tut ya skꞌan yoꞌtan te Diose, jaꞌ bi, jaꞌ te tut lek ta pasele, sok te tut ben tsaꞌame, sok te tut ben toje.

San Juan 6:40

Porke te sboluntar jTate jaꞌ te ay skuxlejalik sbajtel kꞌinal spisil machꞌa ya yil sok ya xchꞌuun te Nichꞌanile. Y joꞌon ya jchaꞌkuseslan tal ta slajibal kꞌaal —xchi te Jesuse.

Colosenses 1:9

Ja yuꞌun te joꞌotike, jaꞌ to kꞌalal la kaꞌiytik te akꞌoplale, maꞌyuk ya jkom jbajtik ta skꞌoponel Dios ta akuentaik. Ya jkꞌanbeytik Dios te ya yaꞌbeyex anaꞌik te tut ya skꞌan yoꞌtane, sok te ya yaꞌbeyex spisil ta jkaj pꞌijilil y ta snaꞌel te tut skuenta te Espiritue.

Efesios 6:6

Atꞌejanik ta stojol te awajwale, ma me jaꞌuk nax a te kꞌalal ya yilex ae, swuenta lek akꞌoplal ya xkꞌoex yuꞌun. Jichukex me te tutꞌil yaj-aꞌtel te Cristoe. Pasaik ta spꞌejel awoꞌtanik te tutꞌ ya skꞌan yoꞌtan te Diose.

San Mateo 7:21

“Te machꞌatik “Kajwal, Kajwal”, ya yutikone, ma spisiluk ya xꞌochik te ba ay ta mantal te jTatik Diose. Jaꞌ nax ya xꞌochik teꞌa te machꞌatik ya spasbey te tut ya skꞌan yoꞌtan te jTat te ay ta chꞌulchane.

1 Pedro 2:15

Porke Dios ya skꞌan te lek te tut ya apasik te jaꞌexe, yuꞌun te machꞌatik maꞌyuk tut ya snaꞌike y sok te machꞌatik maꞌyuk spꞌijilike ma xwejt tut ya yalbeyex te ya skontrainex te jaꞌexe.

Hebreos 13:21

Jaꞌ me ya stojutesex ta spasel spisil te tut lek ya apasike, jich tutꞌil ya skꞌan yoꞌtan stukele. Sok jaꞌ a spasbotik te tut ya skꞌan stukele, ta skuenta te Jesucristoe. ¡Ay slekilal sbajtel kꞌinal stukel te Cristoe! Jichuk.

San Mateo 3:2

Teꞌ lijk yaltalanbe a te genteetike: —Sujtesa me awoꞌtanik yuꞌun te amulike yuꞌun ya me xlijkix ta pasaw ta mantal te Diose —xchi.

San Lucas 22:42

La yal: —Jtat, teme jich ya skꞌan awoꞌtane, ya xjuꞌ ya akꞌej bael te wokol to. Pero ma me jaꞌuk ya jpas te tut ya skꞌan koꞌtane. Ja me aꞌ pasuk te tut ya skꞌan awoꞌtane —xchi.

San Juan 7:17

Teme ay machꞌa ya skꞌan spasbe te sboluntar Diose, jich me ya snaꞌbe sluwar te tut ya kakꞌ ta nopele me talem ta stojol Dios o joꞌon nax ya jnop te tut ya kale.

Apocalipsis 19:6

Jich a kaꞌiy xan te jachik yaꞌiyel tutꞌil skꞌop bayal gente, jachik tutꞌil skꞌop nojel-jaꞌ y sok te lom tulan xpumete. Ya yalik: —Ay ta albeyel ta ichꞌel ta mukꞌ te Kajwaltike, porke lijkix ta pasaw ta mantal te Kajwaltike, te Dios kuꞌuntik te spisil ya xjuꞌ yuꞌune.

1 Tesalonicenses 4:3

Te tut ya skꞌan te Diose jaꞌ te maꞌyuk amulik ya xkuxuyinex ta skuentae, sok te ma me ayuk machꞌa ya sꞌantsiweje.

Hechos 21:14

Te tutꞌil ma juꞌ kuꞌuntik skomele, ma tuti kalbetikix a. La kaltik: —Jaꞌ a pasuk te skꞌanojel yoꞌtan te Kajwaltike —xchotik yuꞌun.

Hechos 13:22

Pero ta patil te Diose la slokꞌes ta reyil te Saule, y jaꞌ a yakꞌ ta reyil te jDavide, te jich a yalbe skꞌoplale: “La jtaix te jDavid te xnichꞌan Isai te ben kꞌux ta koꞌtane. Jaꞌ me ya spas spisil te tut ya jkꞌane”, xchi me.

San Mateo 4:17

Jaꞌix yorail a te Jesuse lijk yal ta bayuk nax ta skuenta te genteetike te lek yachꞌil kꞌop yuꞌun te jkoleltike. Jich a yal: —Sujtesa awoꞌtanik yuꞌun te amulike yuꞌun ya xlijkix ta pasaw ta mantal te Diose —xchi te Jesuse.

Apocalipsis 12:10

Jich a kaꞌiy jun tulan kꞌop ta chꞌulchan, te ya yale: “Te ora to la staix yorail kolel yuꞌun te Kajwaltik Diose. Ay spoder y jaꞌ ayix ta ajwalil, y sok ayix yaꞌtel te Cristo yuꞌune. Porke la yichꞌix chꞌojel lokꞌel te machꞌa ya sleulanbe smul te kermanotaktike ta stojol Dios kuꞌuntik ta kꞌajkꞌal ajkꞌubal.

1 Pedro 4:2

Yuꞌun jich ya xkuxuyin te jayeb xan kꞌaal kuxul jich tutꞌil ya skꞌan yoꞌtan te Diose, y ma jaꞌuk te tut ya skꞌan te stiꞌbalule.

Hebreos 10:7

Jich a kal: ‘Liꞌ ayon to, jich tutꞌil tsꞌibabil jkꞌoplal ta june, yuꞌun ya jpas te tut skꞌanojel awoꞌtan, te jaꞌat Diosate’, xchion”, xchi me.

San Lucas 19:38

y ya yalik: —Ben me tsaꞌam slekil te rey te talemix ta stojol te Kajwaltike. Butsꞌanix kꞌinal ta chꞌulchan, y ben me tsaꞌam slekil te Chꞌul Dios te ay ta chꞌulchane —xchiik ta kꞌop.

San Marcos 3:35

Machꞌauk a te ya spas te tut ya skꞌan te Diose, jaꞌ kitsꞌin sok jaꞌ jmeꞌ —xchi te Jesuse.

San Mateo 16:28

Jamal ya kalbeyex ay machꞌatik te liꞌ ayik to te ma to xchamik ae jaꞌ to teme ya yilik ya xtal te Nichꞌanile jich tutꞌil rey —xchi te Jesuse.

San Marcos 11:10

¡Ben me tsaꞌam te machꞌa xlijk ta mantale te stsꞌumbal te jtatik Davide! ¡Bayal slekilal te Chꞌul Dios te ay ta chꞌulchane! —xchiik ta aw.

Apocalipsis 11:15

Te sjukebal ángele la yokꞌesin te skornetae. Y la kaꞌiy tulan kꞌop ta chꞌulchan, te jich la yalike: “Te machꞌa ay ta skuenta te ya xꞌoch ta ajwalil ta sba te balmilale jaꞌ japubil yuꞌun te Kajwaltike y sok te Cristo yuꞌune. Y ya xꞌoch ta ajwalil ta sbajtel kꞌinal”, xchiik.

Apocalipsis 20:4

La kil mukꞌul naktajibaletik, y te machꞌatik nakajtik teꞌ ae, jaꞌ te machꞌatik yichꞌoj yaꞌtelik ta chapawe. Sok la kil xan te xchꞌulelik te machꞌatik te setꞌalanbot sjol yuꞌun te jun yoꞌtanik a yalik ta jamal te skꞌoplal Jesuse y sok te skꞌop Diose. Te stukelike maꞌyuk a yichꞌik ta mukꞌ te chanbalam te xiꞌbentik sbae ni te slokꞌole. Ni maꞌ skꞌan a yichꞌbeyik te smarka ta stiꞌsbaike o ta skꞌabike. Y la kil te chꞌakuxik xane, y la sjoyinik ta ajwalil jmil jaꞌbil te Cristoe.

Hebreos 1:14

Porke spisilik te angeletike abatetik ta spasel yaꞌtel te Diose. Tikonbil ta skoltayel te machꞌatik ya xꞌaꞌbot smajtanin te kolele.

Colosenses 1:13

Dios la yakꞌotik ta libre yuꞌun te spuersa te ijkꞌal kꞌinale. Y la yikꞌotik bael te ba ay ta ajwalil te Xnichꞌan te ben kꞌux ta yoꞌtane,

San Lucas 19:11

Te genteetike yipalik ta yaꞌibeyel sluwar skꞌop te Jesuse. Jicha lijk yalbe jun seña-kꞌop yuꞌun tijilix ay bael a ba Jerusalene, y skuyojik te genteetike te ya xchiknaj ta ora te ya xlijkix ta mantal te Diose.

Hechos 22:14

Te nax a la yalbon xan: “Te Dios yuꞌun te jmeꞌ-jtatike, la stꞌujat yuꞌun ya yakꞌ anaꞌ te tut snopoj ta yoꞌtane, yuꞌun jich me ya awil te Machꞌa toj yoꞌtane y ya awaꞌibe skꞌop te ya xlok ta stie.