San Mateo 5:48 - Nuevo Testamento Tzeltal de Amatenango

⁴⁸ Jich te jaꞌexe ya skꞌan te jichuk ay slekil awoꞌtanik te tutꞌil ay slekil yoꞌtan stukel te jTatik te ay ta chꞌulchane.

Bible in Tzeltal Bachajón

⁴⁸ Te ha'exe lecuc me awo'tanic hich te bin ut'il lec yo'tan stuquel te Atatic ay ta ch'ulchane.

Bible in Tzeltal de Oxchuc y Tenejapa

⁴⁸ Jich yu'un te ja'exe ya sc'an te tojuc awo'tanic jich te bit'il toj yo'tan stuquel te Jtatic te ay ta ch'ulchane.

San Mateo 5:48 Referans Kwoze

Santiago 1:4

Pero oꞌtantayaik te ya awichꞌik spuersa awoꞌtanik. Jich me tsꞌakal jun awoꞌtanik ya xkꞌoex a, sok ma me ayukix tut palta awuꞌunik a.

San Lucas 6:36

Jich yuꞌun te jaꞌexe kꞌuxutaywananik me euk, jich tutꞌil ya xkꞌuxutaywan te Atatike.

Colosenses 1:28

Te joꞌotike ya kalbetik skꞌoplal te Cristoe, ya jtsitstik y ya jnojpestik ta spisilik ta spꞌejel pꞌijilil, yuꞌun jich me tojobenikix ya xlaj kꞌot ta skuenta a te Cristoe.

1 Juan 3:3

Y spisil te machꞌa jich yipal ta smaliyele, ya me slekutesik te yoꞌtanike, jich tutꞌil te lek yoꞌtan stukel te Jesucristoe.

2 Corintios 7:1

Jich yuꞌun, kermanotak te ben kꞌuxex ta koꞌtane, jaꞌ to jaꞌ te sjapojbotik Dios ta jtojoltik. Jaꞌ yuꞌun ya me skꞌan te ya sakutes jbajtik yuꞌun spisil te tut ya yijkꞌutesotik sok te jtiꞌbalultike sok te koꞌtantike. Y te tutꞌil ya skꞌan xiꞌel te Diose ya me skꞌan te jmel nax ya kakꞌ jbajtik ta skuentae.

San Lucas 6:40

Sok ni jtuluk eskuelero te ya xkꞌaxintay te yaj-nopeswaneje. Jaꞌ to pajal ya xkꞌot sok teme juꞌ yuꞌun te lek pꞌijutesele.

San Mateo 5:16

Jichex ekꞌ te jaꞌexe, ya skꞌan te ya xtilex ta sit te genteetike. Jich teme lek ya yilik te tut ya apasike, jich me lek skꞌoplal ya xkꞌot yuꞌunik te jTatik te ay ta chꞌulchane.

San Mateo 5:45

Jich me yal-xnichꞌanex ya xkꞌoex te jTatik te ay ta chꞌulchane. Jich pajal ya yakꞌ lokꞌuk tal kꞌajkꞌal ta stojol machꞌatik lek yoꞌtanik sok machꞌatik ma lekuk yoꞌtanik. Sok pajal ya yakꞌ tal jaꞌal ta stojol te machꞌatik toj ta genteile y sok machꞌatik ma tojuke.

Colosenses 4:12

Xkoltanukex laj me yuꞌun euk te Epafras te jtul yaj-aꞌtel te Cristo Jesuse, te lokꞌem tal ta awolilike. Sil tiempo ya skꞌoponbeyex Dios ta akuentaik yuꞌun jich me jun awoꞌtanik a, y sok spisiluk awoꞌtanik ya apasik te tut ya skꞌan yoꞌtan te Diose.

2 Corintios 13:9

Jaꞌ yuꞌun ben jun koꞌtantik te kꞌalal maꞌyuk jpuersatike, teme tulanex te jaꞌexe. Y sigue ya jkꞌopontik Dios yuꞌun te yauk xtojobex ta leke.

2 Corintios 13:11

Ta slajibal, kermanotak, ya jkꞌan te junuk awoꞌtanik ayexe, y te ya aleik te ya xtojob akuxlejalike. Aꞌbeya abaik spuersa awoꞌtanik y junuk awoꞌtan abaik, y bujtsꞌanuk me kꞌinal. Aꞌ me sjoyinex te Dios te ay slekil yoꞌtan y sok te ay bujtsꞌan kꞌinal yuꞌune.

Efesios 3:1

Jaꞌ sluwaril te ayon ta prexo, joꞌon te jPabloone, ta skaj te Cristo Jesuse sok yuꞌun alekilik te jaꞌexe ta ma juriyoukexe.

San Mateo 5:47

Teme jaꞌ nax ya apatbe yoꞌtan te awermanotake, ¿ba xan wan lek tsꞌin a te jich ya apasike? Asta te machꞌatik ma snaꞌbe sba te Diose, jich ya spasbe sbaik euk.