San Mateo 5:37 - Nuevo Testamento Tzeltal de Amatenango

³⁷ Teme ay tut ya sjojkꞌobelexe, “Jichuk”, xchaex me teme jiche. Teme ma jichuke, “Maꞌuk”, xchaex me. Yan teme kꞌax jich te tut ya awalike, jaꞌix yuꞌun te pukuje.

Bible in Tzeltal Bachajón

³⁷ Pero hich me ya xc'opojex: Hich, teme hiche, o: Ma'uc, teme ma'uque, como teme c'ax hich ya xc'opojat ini, ma lecuc banti ya xloc' tal te c'ope.

Bible in Tzeltal de Oxchuc y Tenejapa

³⁷ Te c'alal ya awalic: “Yac”, teme xaexe, yu'unix jich abi. “Ju'u”, teme xaexe, yu'unix jich abi. Yan teme c'ax jich te bila ya awalique, ja' me mulil abi.

San Mateo 5:37 Referans Kwoze

Santiago 5:12

Kermanotak, tulan skꞌoplal te ma me tutiꞌ awakꞌik ta testigo, ni te chꞌulchane, ni te balmilale, ni tutikuk xan yan. Te kꞌalal ya awalik: “Jichuk”, yuꞌun batsꞌi jich. Y te kꞌalal ya awalik: “Ma jichuk”, yuꞌun batsꞌi ma jichuk. Yuꞌun jich me mak ya yakꞌex ta chꞌayel te Diose.

Colosenses 4:6

Lekuk me ya xkꞌopojex siluk me tiempo, ya skꞌan te tsaꞌamuk ta aꞌiyele. Y ya me skꞌan ya anaꞌik tutꞌil ya asujtesbeyik skꞌop juju-tul.

Colosenses 3:9

Ma me ale abaik ta lot. Yuꞌun la ajilesikix te akꞌaꞌ kuxlejalike y sok te tutik la apasik te nail toe.

San Juan 8:44

Te atatik te jaꞌexe jaꞌ te pukuje; te jaꞌexe jaꞌ ya apasbeyik te tut ya skꞌan yoꞌtane. Te pukuje ja jmilaw kꞌalal ta slijkibal to tal. Makꞌ xtuun yuꞌun te tut batsꞌi jiche; maꞌyuk ya yal te tut batsꞌi jiche. Te kꞌalal ya sle lote, jaꞌ ya yal te tut stalel ay ta yoꞌtane. Porke loꞌlawane stukel y jaꞌ tatil yuꞌun te le-lote.

Efesios 4:25

Jaꞌ yuꞌun jilesaik me te le-lote. Jaꞌ lek te jaꞌ ya awalik ta juju-tulex te tut batsꞌi jich ta stojol te ajoy ta genteile. Porke jpisiltik jun nax ayotik.

2 Tesalonicenses 3:3

Pero te Kajwaltike jun yoꞌtan, y stukel ya yaꞌbeyex apuersaik y ya skoltayex te ba tut ma lekuke.

San Mateo 13:19

Te machꞌatik ya yaꞌiybe sluwaril te tutꞌil ay ta ajwalinel te Diose sok te ma xkꞌot ta yoꞌtanike, jich kꞌoemik te tutꞌil tsꞌunubil te kꞌot ta bee. Ya xtal te pukuje, ya slokꞌesbey ta yoꞌtanik te skꞌop Dios te tsꞌunbot ta yoꞌtanike.

San Mateo 13:38

Te triwualtike jaꞌ te genteetik ta balmilale. Te lekil tsꞌunubile jaꞌ te machꞌatik yajwalinejik te Diose. Te ak te ma tsaꞌamuke jaꞌ te machꞌa yajwalinejik te pukuje.

1 Juan 5:18

Jnaꞌojtik te machꞌa yal-xnichꞌan te Diose, makꞌ ya sleix smul. Porke ya me xkanantayot yuꞌun te Xnichꞌan Diose, y te pukuje ma xjuꞌ ya xpikot yuꞌun.

San Mateo 6:13

Y ma me xaꞌwakꞌ mulawukotik. Koltayaotik me te ba tut ma tsaꞌamuke. Yuꞌun jaꞌat me ya xmantalajat, sok ay bayal apoder, sok ay alekilal ta sbajtel kꞌinal. Jichuk”, xaꞌex ta skꞌoponel te Diose.

1 Juan 2:13

Meꞌil-tatiletik, la jtsꞌibabeyex ta akuentaik porke la anaꞌbeyikix sba te Machꞌa ayix a desde ta slijkibale. Bikꞌtal kermetik, la jtsꞌibabeyex ta akuentaik porke la atsalikix te pukuje. La jtsꞌibabeyex ta akuentaik, kuntikil, porke la anaꞌbeyikix sba te Tatile.

1 Juan 3:12

Ma me jachikukotik tutꞌil te jCaine, te jaꞌ yuꞌun te pukuje y la smil te yijtsꞌine. ¿Y tuꞌun te la smile? Porke ma lekuk te tut a te la spas te jCaine, y puru lek ay te tut la spas te yijtsꞌine.

San Juan 17:15

Ma jaꞌuk ya jkꞌambeyat te ya alokꞌesbon ta balmilale. Jaꞌ ya jkꞌambeyat te ma xꞌawakꞌ ta tsalel yuꞌun te pukuje.

San Mateo 15:19

Porke ta awoꞌtanik ya xlijk anopik te tut ma tsaꞌamuk ta pasele: jaꞌ te milawe, sok te antsiwejele, sok te lokoubele, sok te elekꞌe, sok te le-kꞌope, sok te aꞌabiyanwaneje.

San Mateo 5:36

Sok ma me awakꞌ ta testigo te ajole yuꞌun ma xjuꞌ awuꞌunik skꞌajtatesel ta sak niuk ta ijkꞌ jlijkuk te stsotsil ajole.

Efesios 6:16

Sok jaꞌ tulan skꞌoplal te xchꞌuunel awoꞌtanike, te jaꞌuk me amajkilik te ya skoltayex yuꞌun te skꞌajkꞌal sniꞌ yaꞌtajib te pukuje.