San Mateo 5:30 - Nuevo Testamento Tzeltal de Amatenango

³⁰ Sok teme jaꞌ ya syalesat ta mulil te sbatsꞌil akꞌabe, boja lokꞌel, chꞌoja bael. Jaꞌ lek te ya xchꞌay jchꞌixuk te akꞌabe. Jaꞌ ma lekuk teme skꞌojtol atiꞌbalul ya xchꞌojot ochel ta kꞌakꞌ te ma xtupꞌ sbajtel kꞌinale.

Bible in Tzeltal Bachajón

³⁰ Teme ha ya ya'bat ale amul te awa'el-c'ab, boja loq'uel, ch'oja bahel, ha lec xan teme ya xch'ay junuc ac'ab te bin ut'il spisil abaq'uetal ya yich' ch'ojel ochel ta infierno.

Bible in Tzeltal de Oxchuc y Tenejapa

³⁰ Soc teme ja' ya syalesat ta mulil te swa'el ac'abe, boja loq'uel, ch'oja bael. Ja' lec ya xc'oat a te ya xch'ay jch'ixuc te ac'abe. Ja' wocol teme scojt'ol abaq'uetal ya xch'ojotat ochel ta yawil c'ajc' ta bay ma xtup' sbajt'el q'uinal.

San Mateo 5:30 Referans Kwoze

San Marcos 9:43

Teme akꞌab ya yakꞌat ta mulile, boja lokꞌel. Jaꞌ mas lek te mokol akꞌab te ya xkꞌo ata te akuxlejale. Jaꞌ mas ma lekuk teme xchebal akꞌab te ya xbaat sok ta kꞌajkꞌ te ma xtupꞌ sbajtel kꞌinale,

San Mateo 5:29

“Jich yuꞌun teme jaꞌ ya syalesat ta mulil te sbatsil asite, lokꞌesa, chꞌoja bael. Jaꞌ lek te ya xchꞌay pꞌejuk asite. Ja ma lek teme skojtol atiꞌbalul te ya xchꞌojat ochel ta kꞌakꞌ te ma xtupꞌ sbajtel kꞌinale.

1 Pedro 2:8

Y jich ay skꞌoplal xan ta Sjun Dios: “Jun mukꞌul ton, te jun ton te ya xkꞌojchin-okol te ya syaleswane”, te xchie. Yuꞌun ya xkꞌojchin yokik a te machꞌatik ma xyakꞌik ta jkuenta te tutꞌil ay skꞌoplal te Jesucristoe. Yuꞌun jich chapal skꞌoplalik a.

1 Corintios 8:13

Jaꞌ yuꞌun, teme ta skaj jweꞌel te ya kakꞌ yaluk ta mulil te kermanoe, jaꞌ lek te makꞌ jweꞌ te weꞌele, yuꞌun jich makꞌ xyal ta mulil ta jkuenta a.

San Lucas 17:2

Te machꞌa ya syales ta mulil jtuluk te machꞌatik chꞌin yakꞌoj sbaike, jaꞌ lek te yauk yichꞌ chukel ta snukꞌ junuk chaꞌ, ya xchꞌojot ochel ta mar.

San Mateo 13:21

Pero komo ma bayaluk ismajem ta yoꞌtanik te skꞌop Diose, jich ma xjalajik. Jaꞌ yuꞌun teme ya xkꞌax swokolik o teme ya xtal ilbajinel ta skꞌaj te skꞌop Diose, ora ya xchꞌay te xchꞌuuunel yoꞌtanik yuꞌun.

San Lucas 12:5

Joꞌon ya kalbeyex te machꞌa ya skꞌan ya axiꞌike: Jaꞌ me xꞌaxiꞌik te machꞌa ya xjuꞌ yuꞌun ya smilate sok te ay yaꞌtel te ya xjuꞌ ya yakꞌex bael ta kꞌajkꞌ te ma xtupꞌ sbajtel kꞌinale. Batsꞌi jich ya kalbeyex: Jaꞌ me xꞌaxiꞌik stukel.

Gálatas 5:11

Te joꞌone, kermanotak, te jaꞌuk to ya kakꞌ ta pasel te ya xchꞌuunik yichꞌel te sirkunsisione, maꞌyukon ta tenel yuꞌun te juriyoetik te jichuke. Sok ma kolauk ya yaꞌiyik te skꞌoplal te laj ta krus te Cristoe.

Romanos 9:33

Jich tutꞌil tsꞌibabil ta Sjun Diose: “Joꞌon ya kakꞌ ta Sion jun mukꞌul ton te ya xkꞌojchin yokik aye. Te machꞌa ya xchꞌuunike, makꞌ xjilik ta kꞌexlal yuꞌun”, xchi me.

San Mateo 26:31

Te Jesuse la yaltalanbe yaꞌiyik: —Ta apisilik te jaꞌexe ya me achꞌojikon jilel te ajkꞌubal to. Yuꞌun jich me tsꞌibabil jilel ta Sjun te Diose: “Ya jmil te jkanan-karnerae, yuꞌun jich me ya xpujke bael a te karneraetike”, xchi me.

San Mateo 22:13

“Te reye la yalbe te machꞌatik ya xchapik te mexae: “Chukbeyaik yok skꞌab, chꞌojaik lokꞌel ta ijkꞌal kꞌinal te ba jwerae. Teꞌ ya xkꞌo yokꞌetay sba a sok teꞌ ya xkꞌo skꞌuxilan ye a”, xyut.

San Mateo 25:20

Jaꞌ nail a kꞌot te machꞌa stsakoj joꞌeb talento-takꞌine, y la yaꞌbe te yajwale joꞌeb talento-takꞌin te jolin yuꞌune. Jich a yal: “Kajwal, jaꞌat la awaꞌbon joꞌeb talento-takꞌin. Liꞌ me ay te joꞌeb xan talento te jolin kuꞌune”, xchi.

San Mateo 16:23

Te Jesuse la sujtes sba, la yalbe te Pedroe: —Kꞌeja aba ta jtojol, Satanas. Ma me xꞌamakon. Maꞌyuk ta awoꞌtan te tut ya skꞌan yoꞌtan te Diose. Jaꞌ nax ay ta awoꞌtan te tut ya skꞌan yoꞌtan te genteetike —xyut.

San Mateo 11:6

Ben tsaꞌam slekil te machꞌa makꞌ xcheꞌbaj yoꞌtan kuꞌune —xyut bael te Jesuse.

San Mateo 5:22

Pero joꞌon ya kalbeyex: Spisil machꞌa ya yilintay te yermanoe, jaꞌ smul ya xkꞌot ta stojol te jmeltsaanwanejetike. Spisil machꞌa ya yixta-kꞌoptay te yermanoe, ya me xmeltsaanot yuꞌun te machꞌa yichꞌoj yaꞌtelike. Sok te machꞌa ya yikꞌtin te yermanoe, ya me xchꞌojot ochel ta kꞌakꞌ te ba ma xtupꞌ sbajtel kꞌinale.

San Mateo 17:27

Pero yuꞌun ma me machꞌa ma lekuk ya yaꞌiy, baan ta tiꞌmar, chꞌoja ochel te awansueloe. Nita lokꞌel te chay te nail ya atsake. Jachꞌbeya te stiꞌe. Teꞌ me ya ata a te sejp takꞌin te ya xlokꞌ a te kuꞌune sok te awuꞌune. Ichꞌa bael, baan toja jilel —xchi te Jesuse.

San Mateo 18:8

“Jaꞌ yuꞌun teme jaꞌ ya syalesat ta mulil te akꞌabe o jaꞌ te awoke, boja lokꞌel sok chꞌoja bael. Jaꞌ lek te yauk xꞌochat ta kuxlejal manchuk me koxoat manchuk me mokol akꞌab. Jaꞌ ma lekuk teme xchebal akꞌab sok teme xchebal awok te ya xchꞌojelat ochel ta kꞌakꞌ te ma xtup sbajtel kꞌinale.