San Mateo 5:29 - Nuevo Testamento Tzeltal de Amatenango

²⁹ “Jich yuꞌun teme jaꞌ ya syalesat ta mulil te sbatsil asite, lokꞌesa, chꞌoja bael. Jaꞌ lek te ya xchꞌay pꞌejuk asite. Ja ma lek teme skojtol atiꞌbalul te ya xchꞌojat ochel ta kꞌakꞌ te ma xtupꞌ sbajtel kꞌinale.

Bible in Tzeltal Bachajón

²⁹ Ha yu'un teme ha ya ya'bat ale amul te awa'el-sit, loq'uesa, ch'oja bahel, ha lec xan teme ya xch'ay junuc asit te bin ut'il spisil abaq'uetal ya yich' ch'ojel ochel ta infierno.

Bible in Tzeltal de Oxchuc y Tenejapa

²⁹ “Jich yu'un teme ja' ya syalesat ta mulil te swa'el asite, loq'uesa, ch'oja bael. Ja' lec ya xc'oat a te ya xch'ay jp'ijuc te asite. Ja' wocol teme scojt'ol abaq'uetal ya xch'ojotat ochel ta yawil c'ajc' ta bay ma xtup' sbajt'el q'uinal.

San Mateo 5:29 Referans Kwoze

Romanos 8:13

Porke teme jaꞌ kuxulex ta skuenta te tut ya skꞌan te atiꞌbalulike, ya me xlajex. Pero teme jaꞌ ta skuenta te Espiritue ya awakꞌik ta lajel te tut ya skꞌan te atiꞌbalulike, ya me xkuxuyinex.

Colosenses 3:5

Lajinbeyaik skꞌoplal spisil te tutik skuenta te balmilal te ay ta atojolike. Ma me xꞌapasik antsiwejel ni ma me xꞌapasik te tut ma lekuke. Ni ma me xꞌapasik te tut ma tsaꞌamuk ya skꞌan atiꞌbalulike, ni jaꞌuk te ay tut ya skꞌupin awoꞌtanike, sok ma me yuꞌuninbeyex awoꞌtanik te kꞌulejalile, te jaꞌ pajal sok te xchꞌuunel lotil diose.

1 Corintios 9:27

Ma jichuk, ya kaꞌbe swokol te jtiꞌbalule y ya jsuj te ya xchꞌuunbone. Yuꞌun ma me joꞌukon mismo ya xchꞌayon jilel ta patil te tutꞌil la jnojpeslan te yane.

Romanos 6:6

Jnaꞌojtik te tutꞌil ayotik te nail toe jojkꞌaj ta krus sok Cristo, yuꞌun teꞌ jimix jilel a te spoder te jkꞌaꞌ kuxlejaltik te puru mulil aye, y ma ba ya smosoinotik xan te mulile.

Gálatas 5:24

Y te machꞌatik ayix ta skuenta te Jesucristoe yakꞌojikix ta lajel ta krus kꞌoem te stiꞌbalulike. Lajix ta pasel yuꞌunik te tut ma tsaꞌamuk ya skꞌupin spasel te stiꞌbalulike y sok te sbikꞌtal yoꞌtanike.

San Marcos 8:36

¿Tut yax lokꞌ awuꞌun a teme ya awuꞌunin spisil te balmilale teme ya xchꞌay te akuxlejale?

San Mateo 19:12

Ay te winketik te ma xjuꞌ xnujpunike yuꞌun jich a ayin sok stiꞌbalulik. Ay yanetik te jicha pasbot te stiꞌbalulik yuꞌun te winketike. Sok ay yan te makꞌ xnujpunike yuꞌun jich ay ta yoꞌtanik te ya xjuꞌ yuꞌunik te ya yajwalinik te Diose. Aꞌ spas jich te machꞌa ya xjuꞌ yuꞌun te jich ya xkꞌot ta yoꞌtane —xchi te Jesuse.

San Mateo 10:28

Ma me xiꞌanik yuꞌun te machꞌa ya skꞌan smilbeyex te atiꞌbalulike, pero ma xjuꞌ yuꞌunik te ya smilbeyex stukel te achꞌulelike. Jaꞌ me xꞌaxiꞌik te machꞌa ya xjuꞌ yuꞌun te ya yakꞌex ta lajel sok te atiꞌbalulike sok achꞌulel te ba kꞌakꞌ te max tupꞌ sbajtel kꞌinale.

San Mateo 23:15

“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Yuꞌun te jaꞌexe bayuk nax ya xbeenex yuꞌun ya awaꞌbeyik xchꞌuun Dios ta akꞌopik te genteetike. Pero teme ay la ataik jtuluke, kꞌax jich yuꞌun infierno ya xtꞌot a te tutꞌil jaꞌexe.

San Mateo 16:26

¿Tut ya xlokꞌ awuꞌun teme ya awuꞌunin spisil te balmilale teme ya xchꞌay te akuxlejale? ¿Jayeb ya xjuꞌ ya atoj a yuꞌun te akuxlejale?

San Mateo 5:22

Pero joꞌon ya kalbeyex: Spisil machꞌa ya yilintay te yermanoe, jaꞌ smul ya xkꞌot ta stojol te jmeltsaanwanejetike. Spisil machꞌa ya yixta-kꞌoptay te yermanoe, ya me xmeltsaanot yuꞌun te machꞌa yichꞌoj yaꞌtelike. Sok te machꞌa ya yikꞌtin te yermanoe, ya me xchꞌojot ochel ta kꞌakꞌ te ba ma xtupꞌ sbajtel kꞌinale.

San Mateo 23:33

“Jaꞌ pajalex sok chanetik te stsꞌumbal te jtiꞌawal chane. ¿Tutꞌil kꞌan kolanik te ba kastigoe?

San Lucas 12:5

Joꞌon ya kalbeyex te machꞌa ya skꞌan ya axiꞌike: Jaꞌ me xꞌaxiꞌik te machꞌa ya xjuꞌ yuꞌun ya smilate sok te ay yaꞌtel te ya xjuꞌ ya yakꞌex bael ta kꞌajkꞌ te ma xtupꞌ sbajtel kꞌinale. Batsꞌi jich ya kalbeyex: Jaꞌ me xꞌaxiꞌik stukel.

San Mateo 5:30

Sok teme jaꞌ ya syalesat ta mulil te sbatsꞌil akꞌabe, boja lokꞌel, chꞌoja bael. Jaꞌ lek te ya xchꞌay jchꞌixuk te akꞌabe. Jaꞌ ma lekuk teme skꞌojtol atiꞌbalul ya xchꞌojot ochel ta kꞌakꞌ te ma xtupꞌ sbajtel kꞌinale.

San Mateo 11:6

Ben tsaꞌam slekil te machꞌa makꞌ xcheꞌbaj yoꞌtan kuꞌune —xyut bael te Jesuse.

San Mateo 17:27

Pero yuꞌun ma me machꞌa ma lekuk ya yaꞌiy, baan ta tiꞌmar, chꞌoja ochel te awansueloe. Nita lokꞌel te chay te nail ya atsake. Jachꞌbeya te stiꞌe. Teꞌ me ya ata a te sejp takꞌin te ya xlokꞌ a te kuꞌune sok te awuꞌune. Ichꞌa bael, baan toja jilel —xchi te Jesuse.