San Mateo 5:25 - Nuevo Testamento Tzeltal de Amatenango

²⁵ “Teme ay machꞌa ya xba slebeyat amul ta stojol te jmeltsaanwanejetike, chapa aba sok ta ora antes ke ma to xkꞌot ta skuenta te alkale. Porke te maꞌuke, te alkale ya me yakꞌat ta skꞌab mayol, ya me yotsesat ta prexo.

Bible in Tzeltal Bachajón

²⁵ Ora me xachahpan te c'op awu'un soc te acontra te ayat to ta be soc, scuenta yu'un ma ba ya yac'at ta sc'ab te juez, soc te juez ya yac'at ta sc'ab te jcanan-cárcel, hich ya x'ochat ta cárcel yu'un.

Bible in Tzeltal de Oxchuc y Tenejapa

²⁵ “Chajbana aba soc ta ora te acontroe, swenta yu'un ma ba ya yac'at ta sc'ab te juez. Melel te juez ya me yac'at ta sc'ab te comandante. Jich ya x'ochat ta chucjibal.

San Mateo 5:25 Referans Kwoze

Hebreos 3:13

Jaꞌ ya skꞌan yoꞌtik to talel bael xꞌatsits abaik ta jujun kꞌaale, skuenta yuꞌun ni jtuluk a te jaꞌex te ya ataik loꞌlayel yuꞌun te mulile te ya yakꞌ xtulanub te awoꞌtanike.

Hebreos 3:7

Jaꞌ yuꞌun, jich tutꞌil te ya yal te Chꞌul Espíritu ta Sjun Diose: “Te ora to teme ya awaꞌiyik te jaꞌex te tut ya yal te Diose,

Hebreos 12:17

Y te jaꞌexe anaꞌojik te ta patil te kꞌalal kꞌan yichꞌ te bendision yuꞌun te state, pꞌajbil a kꞌot. Manchuk me bayal a okꞌ, maꞌ pasix tut ya yut sba a yuꞌun te tutiꞌ kꞌotix ta pasele.

2 Corintios 6:2

Porke jich yaloj ta Sjun: “La staix yorail te ya kaꞌitik te akꞌope. Ta skꞌaalel te kolel la jkoltayat”, xchi me. Y te ora to, jaꞌix yorail te kꞌuxutayele; te ora to, jaꞌ skꞌaalel te kolele.

San Mateo 26:58

Te jPedroe jakal jakal ay kꞌael ta stsꞌakliyel asta kꞌot te ba yamakꞌul sna te statal-saserdotee. Teꞌ och bael ekꞌa, kꞌo sjoyin ta naklej te jkananetik yuꞌun te temploe, yuꞌun ya yil te tutik ya spasbot te Jesuse.

San Lucas 18:3

Mismo te ba jtejklum ay jtul meꞌbaꞌ ants teꞌa te ay spletoe. Ba skꞌopon te alkale yuꞌun ya skꞌan meltsaꞌanel sok te skontrae.