San Mateo 5:20 - Nuevo Testamento Tzeltal de Amatenango

²⁰ Ja yuꞌun ya me kalbeyex, teme ma kꞌaxuk jich ya apasik te tut ya skꞌan yoꞌtan te Diose te tutꞌil ya spasik te maestroetik yuꞌun te mantaliletike sok te fariseoetike, ma xjuꞌ ya xꞌochex te ba ay ta mantal te Diose.

Bible in Tzeltal Bachajón

²⁰ Jamal ya calbeyex, teme ma ba c'ax hich stojil awa'telic a te bin ut'il te ya'telic te escribanohetic soc te fariseohetique, ma ba ya x'ochex te banti ay te cuentahinel yu'un te ch'ulchane.

Bible in Tzeltal de Oxchuc y Tenejapa

²⁰ Jich yu'un ya me calbeyex te ja'exe, teme ma c'axemuc to xan toj awat'el te bit'il ya spasic te jts'ibojometic soc te fariseoetique, ma xju' ya x'ochex tey a ta banti ay ta ajwalinel te Dios ta ch'ulchane.

San Mateo 5:20 Referans Kwoze

Filipenses 3:9

sok te jun nax ya xkꞌoon soke. Ma jaꞌuk ya jle tutꞌil ya xlekubon ta skuenta xchꞌuunel te mantaliletike, sino ke jaꞌ nax ta skuenta xchꞌuunel te Cristoe. Dios a yakꞌonix ta libre yuꞌun jmul ta skuenta te xchꞌuunel koꞌtane.

Hebreos 12:14

Oꞌtaninaik te jun bujtsꞌan kꞌinal ya awaꞌiyik ta apisilike sok te lekuk ay bael te akuxlejalike. Teme ma lekuk te yoꞌtane, maꞌyuk machꞌa ya yilbey sit te Kajwaltike.

2 Corintios 5:17

Jich yuꞌun te machꞌa jun nax ay sok te Cristoe achꞌ genteix. Te tutꞌil ay te nail toe, kꞌaxix bael; te tutꞌ ayix te ora to, achꞌubenix.

San Mateo 7:21

“Te machꞌatik “Kajwal, Kajwal”, ya yutikone, ma spisiluk ya xꞌochik te ba ay ta mantal te jTatik Diose. Jaꞌ nax ya xꞌochik teꞌa te machꞌatik ya spasbey te tut ya skꞌan yoꞌtan te jTat te ay ta chꞌulchane.

Apocalipsis 21:27

Pero ma xjuꞌ ya xꞌoch teꞌa te tut ma lekuke, ni ma xjuꞌ ya xꞌoch teꞌa te machꞌatik ya spasik te tut ma tsaꞌamuke sok te jloꞌlawanejetike. Jaꞌ nax ya xꞌoch teꞌa te machꞌatik ay tsꞌibabil sbiilik te ba libro yuꞌun kuxlejal yuꞌun te Chin Karnerae.

San Lucas 18:17

Jamal ya kalbeyex: Te machꞌa ma jachikuk yoꞌtan te tutꞌil alal to ma xjuꞌ ya yajwalinik te Diose —xchi te Jesuse.

San Lucas 12:1

Jich ora a stsob sbaik tal bayal genteetik te ba ay te Jesuse. Stenten sbaik tal ta stojol. Jich te Jesuse lijk yalbe primero te jnopojeletik yuꞌune: —Ila me abaik sok te levadura yuꞌun te fariseoetike, jaꞌ bi, jaꞌ te tutꞌil ma tsaꞌamuk yoꞌtanike.

San Lucas 11:44

Oꞌol me abaik, maestroetik yuꞌun te mantaliletike, sok jaꞌex fariseoetik, jaꞌex te ma tsaꞌamuk awoꞌtanike. Jich kꞌoemex tutꞌil te sba anima te ma chikanuk ta ilele, jun yoꞌtanik ya xkꞌaxik ta beel teꞌa te genteetike, yuꞌun makꞌ snaꞌ teme sba animae —xchi te Jesuse.

San Marcos 10:25

Jachik tutꞌil te ma xkꞌax ta yit tsꞌisonajib te jkojt kameyoe, jachik te jtul kꞌulej ma xjuꞌ ya yajwalin te Diose —xchi te Jesuse.

San Marcos 10:15

Jamal ya kalbeyex, te machꞌa ma jichuk yoꞌtan tutꞌil te untike ma xjuꞌ ya yajwalin te Diose —xchi te Jesuse.

San Mateo 18:5

Sok te machꞌa joꞌon ta jkuenta te ya yikꞌ ta sna jtuluk jich tutꞌil te chꞌin untik to, joꞌon la yikꞌon ta sna abi.

San Mateo 3:10

Pajalex sok te teꞌetik te chapalix yechejul te ya yichꞌ tsꞌetel kꞌalal ta yisim.

San Mateo 16:12

Jich a snaꞌik te jnopojeletik te ma jaꞌuk a yal te ya yil sbaik yuꞌun te levadura yuꞌun te pane. Jaꞌ a yal te ya skꞌan ya skanantay sbaik yuꞌun te tut ya yakꞌ ta nopel te fariseoetik sok te saduseoetike.

2 Corintios 3:9

Porke teme bayal te stsaꞌamal te mantaliletik te ya xꞌakꞌawan bael ta lajele, ¿me ma wan jichuk xan ta mas tsaꞌamul te Skꞌop Dios te ya yal te libre kꞌoemotik yuꞌun te jmultike?