San Mateo 5:19 - Nuevo Testamento Tzeltal de Amatenango

¹⁹ Jich yuꞌun te machꞌa ya xchꞌaybe skꞌoplal pꞌaluk te mantaliletike, manchuk me chꞌin nax ay skꞌoplal, sok teme jich ya yaꞌbey snop te genteetike, jich me maꞌyuk skꞌoplal ta ilel ya xkꞌot te ba ay ta mantal te Diose. Pero te machꞌa ya xchꞌuun spasel sok teme jich ya snojpꞌeswane, jaꞌ me aꞌbil ta jkuenta ya xkꞌot te ba ay ta mantal te Diose.

Bible in Tzeltal Bachajón

¹⁹ Ha yu'un mach'ayuc a te ya sc'axuntay junuc te tut mandariletic ini soc teme hich ya ya'be snop spasel te yantique, peq'uel sc'oblal ya xc'oht te banti ay te cuentahinel yu'un te ch'ulchane. Yan te mach'a ya spas soc hich ya ya'be snop, ha me toyol sc'oblal ya xc'oht stuquel te banti ay te cuentahinel yu'un te ch'ulchane.

Bible in Tzeltal de Oxchuc y Tenejapa

¹⁹ Jich yu'un te mach'a ya xc'axintay jp'aluc te mandalile, manchuc teme ch'in jteb nax sc'oplale, soc teme jich ya yac'bey snop te ants-winiquetique, ch'in jxujt' me ya x'ilot ta banti ay ta ajwalinel te Dios ta ch'ulchane. Ja'uc me to, te mach'a ya xch'uun spasel soc teme jich ya yac' ta nopele, muc' me ya x'ilot ta banti ay ta ajwalinel te Dios ta ch'ulchane.

San Mateo 5:19 Referans Kwoze

San Mateo 28:20

Sok aꞌbeyaik snopik xchꞌuunel spisil te jmantal te kalojbeyexe. Ma me xchꞌay ta awoꞌtanik te sil tiempo joyinejex ta jujun kꞌaale jaꞌto teme laj te balmilale —xchi te Jesuse. Jichuk.

San Mateo 11:11

Jamal ya kalbeyex: Ta spisilik te winketike te kꞌaxix ta balmilale maꞌyuk jtuluk te pajal yaꞌtel sok te Juan Akꞌichꞌjaꞌe. Pero te machꞌa chꞌin ay teꞌa te ba ay ta mantal te Diose, jaꞌ me mukꞌ ay yuꞌun te Juane.

Tito 3:8

Jaꞌ to batsꞌi lom jich. Sok ya jkꞌan te jaꞌ ya awaꞌtelin yalel sil tiempo, skuenta yuꞌun jich ya me yoꞌtanin spasel te tut lek te machꞌatik ya xchꞌuunik te Diose. Lek ta spasel spisil to, sok jaꞌ ya xlekub yuꞌun ta spisilik.

Apocalipsis 2:20

Pero ay tutiꞌ amulinej ta jtojol te maꞌyuk tut ya awalbey te ants Jezabele, te ya yal te jꞌalwanej yuꞌun Dios ta skꞌope, pero ya sloꞌlay te jꞌaꞌteletik kuꞌun yuꞌun te tut ya yakꞌ ta nopele. Sok te ya yakꞌtalanbe spas antsiwejel, y ta sweꞌel weꞌeliletik te milbil smajtanin te lotil diosetike.

Romanos 6:15

¿Tutꞌil ay teme jich te? ¿Me ya xmulawotik xan porke maꞌba kuxulotik ta skuenta te mantaliletike, jaꞌ kuxulotik ta skuenta te slekil yoꞌtan te Diose? Batsꞌi ma jichuk.

1 Timoteo 6:11

Pero te jaꞌate, te swinikat te Diose, xiꞌan me yuꞌun ta spisil to. Tojuk me xbaat sok te akuxlejale ta snaꞌel te Diose. Ayuk xchꞌuunel awoꞌtan, sok xkꞌuxul awoꞌtan, sok jun awoꞌtan, sok chꞌin me xꞌawakꞌ aba.

Romanos 6:1

¿Tut ya kaltik yuꞌun? ¿Me sigue ya jpastik te mulile yuꞌun ya yakꞌ ta ilel xan slekil yoꞌtan a te Diose?

1 Pedro 5:4

Jich te kꞌalal ya xchiknaj te Statal jKanane, te jaꞌexe ya me awichꞌik te korona yuꞌun te lekilale, te jun korona te maꞌyuk tut ora ya xlaje.

San Lucas 11:42

“Te jaꞌex fariseoexe, oꞌol me abaik, porke ya awaꞌbeyik smajtanin Dios jun ta slajunebal te atulpimilike, sok te alutaike, y spisil ta jkaj te abokike. Yan te tutik lek ta pasel ta stojol te yane, sok te ya skꞌan te kꞌux ya kaꞌitik ta koꞌtantik te Diose, chꞌayem ta awoꞌtanik stukel. Jaꞌ to jaꞌ ya skꞌan ya apasik, sok euk te tut yipalex ta spasele.

San Mateo 19:28

Te Jesuse la yaltalanbe: —Jamal ya kalbeyex, te tut ora ya yichꞌ pasel ta achꞌ spisil te tutik aye, te kꞌalal ya snajkan sba te ba ay jlekil jnaktajib te Nichꞌanile, jich euk te jaꞌexe te atsꞌakliyejikone ya me yaꞌbelex anaktajibinik te lajchayeb naktajibaletik, yuꞌun ya ameltsaanik te lajchaytijk israeletike.

Romanos 3:8

Jich ya kaltik yaꞌiyel: ¿Tuꞌun makꞌ jpastik te tut ma leke, yuꞌun jich me ya xtal a te tut leke? Ay chaꞌoxtul te ya yalik te joꞌon jich ya kakꞌ ta nopel, pero te machꞌa jich ya yalike, ya me staik kastigo yuꞌun.

Hechos 1:1

Jaꞌat Teófilo, te ben lek awoꞌtane, te primero jun te la jpasbeyate la jtsꞌibaj teꞌa spisil te tuti spas te Jesuse y tuti nojpeswan kꞌalal ta slijkibal

San Lucas 9:48

Jich a yaltalanbe: —Te machꞌa ya yikꞌ ta sna jich tut alal to, teme joꞌon ta jkuentae, joꞌon a yikꞌon abi. Y te machꞌa ya yikꞌon ta snae, jaꞌ a yikꞌix ta sna euk te machꞌa la stikonon tale. Jaꞌ yuꞌun te machꞌa chꞌin ay ta awolilike, jaꞌ me mukꞌ stukel —xchi te Jesuse. Te machꞌa makꞌ skontrainotike, joytik me abi —xchi.

San Lucas 1:15

Yuꞌun te anichꞌane mukꞌ me ya xkꞌot ta sit te Diose. Makꞌ me yuchꞌ bino sok te yanetik uchꞌbalile. Nojelix ta yoꞌtan te Chꞌul Espíritu te tut ora ya xꞌayine.

San Mateo 20:26

Ma me ayuk machꞌa jich ay ta awolilik te jaꞌexe. Yan teme ya akꞌan te ya yakꞌelex ta jkuentae, akꞌa me abaik ta abatinel yuꞌun te yane.

1 Juan 3:4

Pero spisil te machꞌa ya sle smule, jaꞌ ya skꞌaxintaybe smantal te Diose, yuꞌun te le-mulile jaꞌ te ya yichꞌ kꞌaxintayel te smantale.