San Mateo 5:17 - Nuevo Testamento Tzeltal de Amatenango

¹⁷ “Ma me xꞌakuyik te tal jchꞌaybe skꞌoplal te mantaliletik yaloj jilel te jMoisese sok te tut tsꞌibabil jilel yuꞌun te jꞌalwanejetik yuꞌun te Diose. Ma yuꞌunuk tal jchꞌaybe skꞌoplal; yuꞌun tal kakꞌ chiknajuk ta lek te tut sluwarile.

Bible in Tzeltal Bachajón

¹⁷ Ma me xacuyic te tal jin te Ley o te bin yalojic te jalwanejetic; ma ba tal jin, ha tal cac' c'ohtuc ta pasel.

Bible in Tzeltal de Oxchuc y Tenejapa

¹⁷ “Ma me xacuyic te tal jlajinbey sc'oplal te mandalile soc te bila ts'ibubil jilel yu'un te j'alwanejetic yu'un te Diose. Ma ba tal jlajinbey sc'oplal, melel tal cac' c'otuc ta pasel.

San Mateo 5:17 Referans Kwoze

Romanos 10:4

Porke te mantaliletike kꞌo lajuk skꞌoplal ta skuenta Cristo, yuꞌun jaꞌ ya skoltay yuꞌun smul spisil te machꞌatik ay xchꞌuunel yoꞌtanike.

San Lucas 16:17

Ya xjuꞌ ya xlaj te chꞌulchan sok te balmilale, pero ma xchꞌay skꞌoplal ni jpꞌaluk stukel te mantaliletike.

Romanos 8:4

La spas yuꞌun joꞌotik ya xjuꞌ ya jpastik te tut ya yal te mantaliletike. Yuꞌun ma jaꞌukix ya xkuxuyinotik te tut ya skꞌan te jmulawil tiꞌbalultike; jaꞌ ya skꞌan ya xkuxuyinotikix ta skuenta te Espiritue.

Romanos 3:31

¿Me yuꞌun ta skaj te la jchꞌuuntikixe te ma baleuk ya xkꞌot kuꞌuntik te mantaliletike? Ma jichuk. Mas lek xan te ay spuersa te mantaliletik yuꞌune.

San Mateo 7:12

“Jaꞌ yuꞌun spisil te tut ya skꞌan awoꞌtanik ya spasbelex yuꞌun te yane, jich me xꞌapasbey euk. Yuꞌun jich ay te tut ya yal te mantaliletik yuꞌun Moises sok te tut yaloj jilel te jꞌalwanejetik yuꞌun te Diose.

San Mateo 3:15

La yal te Jesuse: —Jich me wakꞌ yichꞌ pasel, yuꞌun ya skꞌan jpastik spisil te tut ya skꞌan yoꞌtan te Diose —xchi. Jich a yaꞌbe ichꞌ jaꞌ te Juane.

Hechos 18:13

La yalbeyix te gobiernoe: —Te winik to yipal ta yaꞌbeyel xchꞌuun Dios te gentee, ma jichuk te tut ya yal te mantaliletike —xchiik.

Hechos 6:13

La spasik presentar te palso testigoetike, la yalik: —Te winik to ma xlaj yoꞌtan ta sbol-kꞌoptayel te chꞌul templo to y ta sbol-kꞌoptayel te mantaliletike.

San Juan 8:5

Te mantaliletik kuꞌunik te la yaꞌbotik te jMoisese yakꞌoj mantal te ya yichꞌ milel ta wolel ta ton spisil te antstik te jich ya spase. ¿Tut xchat yuꞌun te jaꞌate? —xchiik.

Hechos 21:28

Lijk awunikuk: —Israeletik, laꞌ koltayaotik. Te winik to jaꞌ te ya xbeen ta bayuk ta snojpesel te gente te maꞌyuk ta akꞌel ta jkuenta te jlumaltike, sok te mantaliletik yuꞌun te jMoisese, y sok te templo kuꞌuntike. Sok ta ora to la yikꞌix ochel ta templo te jyanlumetik te ma spas ya xꞌochik bael teꞌae. Jich a ixtaꞌajix te chꞌul templo kuꞌuntike —xchiik ta kꞌop.