San Mateo 5:14 - Nuevo Testamento Tzeltal de Amatenango

¹⁴ “Te jaꞌexe lusex yuꞌun te genteetik ta balmilale. Jun jtejklum teme ay ta jol witse ma xjuꞌ ta nakꞌel.

Bible in Tzeltal Bachajón

¹⁴ Ha'ex sacal q'uinalex ta bahlumilal. Ma xhu' ta naq'uel te pueblo ay ta ba wits.

Bible in Tzeltal de Oxchuc y Tenejapa

¹⁴ “Te ja'exe, luz c'oemex yu'un te balumilale, jich bit'il teme ay muc'ul lum ta sba te witse, ma xju' ta naq'uel.

San Mateo 5:14 Referans Kwoze

Filipenses 2:15

Jich me maꞌyuk machꞌa ay smul sok maꞌyuk palta ay awuꞌunik a. Jich me ya xꞌanex tutꞌil yal-xnichꞌan Dios ta yolil te gente te ma lekuk sok te ma tsaꞌamuk yoꞌtanike. Yuꞌun jich kꞌoemex ta yolilik tutꞌil ekꞌetik te ya xtil ta ijkꞌal kꞌinal ta balmilale.

San Juan 8:12

Te Jesuse chaꞌsujt xan bael te ba ay te gentee. Jich a yal: —Joꞌon sakil kꞌinalon yuꞌun te genteetik ta balmilale. Te machꞌa ya stsꞌakliyone yichꞌojix te sakil kꞌinal te ya yakꞌ kuxlejale, y ni makꞌ xbeenix ta ijkꞌal kꞌinal —xchi te Jesuse.

1 Tesalonicenses 5:5

Apisilik te jaꞌexe sakil kꞌinalex yuꞌun te kꞌaale. Ma joꞌukotikix ta skuenta te ajkꞌubale ni te ijkꞌal kꞌinale.

San Juan 12:36

Chꞌuunaik me te sakil kꞌinale yuꞌun liꞌ to xan me ay awuꞌunik to, yuꞌun jich me yuꞌun ya xkꞌoex te sakil kꞌinale —xchi te Jesuse. Ta patil kꞌalal laj yoꞌtan te yalel to, bajt te Jesuse. Ma yilik ba bajt.

2 Corintios 6:14

Ma me pajaluk ayukik sok te machꞌa ma xchꞌuunejuk Diose. Te machꞌa toj yoꞌtane, ¿tutꞌil jun kꞌan anuk sok te machꞌa ma tojuk yoꞌtane? O jich tutꞌil sakil kꞌinal, ma spas te ya sta sba sok te ijkꞌal kꞌinale.

San Juan 5:35

Te Juane jich a kꞌot tutꞌil lampara te ya xtil y ya sakutes kꞌinale; y te jaꞌexe kꞌan junubuk awoꞌtanik jun chebuk kꞌaal yuꞌun te sakil kꞌinal yuꞌune.

Apocalipsis 1:20

Jaꞌ to jaꞌ skꞌoplal te jukeb ekꞌetik te la awil te ay ta jbatsꞌil kꞌabe, y sok te jukchꞌix yawil kꞌajkꞌ te pasbil ta oroe. Te jukeb ekꞌetike jaꞌ xyal te juktul angeletik ta stojol te juktijkꞌ hermanoetike. Y te jukchꞌix yawil kꞌajkꞌe jaꞌ xyal te juktijkꞌ hermanoetike —xchi.

San Juan 9:5

Te tutꞌil liꞌto ayon ta balmilale, joꞌon sakil kꞌinalon yuꞌun te genteetik ta balmilale —xchi.

Apocalipsis 2:5

Jaꞌ yuꞌun, naꞌame te ba ay te chꞌayemate. Sujtesa awoꞌtan ta stojol Dios, y pasa me xan jich tutꞌil te la apas ta nail toe. Teme maꞌuke, ya xtalon ta ora ta atojol y ya jpojbeyat te yawil akꞌajkꞌ te ba ay awuꞌune, teme max asujtes awoꞌtan ta stojol Diose.