San Mateo 4:24 - Nuevo Testamento Tzeltal de Amatenango

²⁴ Pujk skꞌoplal te Jesuse ta spꞌejel estado yuꞌun Siria. La yikꞌtalanik tal ta skuenta te jayeb machꞌatik ayik ta chamele, chikan te tutikuk chamelil te kꞌux ya yaꞌiy ta stiꞌbalulike. Ay machꞌatik ochem pukuj ta yoꞌtanik sok ay machꞌatik staoj tupꞌtupꞌ-ikꞌal sok ay machꞌatik kꞌolbil yok-skꞌabik te la slekuteslan te Jesuse.

Bible in Tzeltal Bachajón

²⁴ Puhc sc'oblal ta spisil sq'uinal Siria; la yiq'uic tal ta stojol spisil mach'atic ay banti c'ux ya ya'iyic soc te yich'ojic bayel ta chahp chamel soc te bayel swocolic, soc te mach'atic ay pucuj ta yo'tanic, te mach'atic ya xtup' yiq'uic, soc mach'atic chamen schihalic; la slecubteslan te Jesús.

Bible in Tzeltal de Oxchuc y Tenejapa

²⁴ Pujc' sc'oplal ta spamal sq'uinal Siria te Jesuse. La yiq'uic tel ta stojol Jesús spisil te mach'atic ayic ta chamele, chican bila chameliluc te yich'ojique soc chican te bila toyol xc'uxul ya yaiyic ta sbaq'uetalique. Ay mach'atic ay pucuj ta yo'tanic, soc ay mach'atic ayic ta tujp'ul ic', soc ay mach'atic lajem xchial te yoc sc'abique. Spisil lecub yu'un te Jesuse.

San Mateo 4:24 Referans Kwoze

San Mateo 17:15

—Kajwal, awokoluk, kꞌuxtaybon te jnichꞌane, yuꞌun sil tiempo ya xtupꞌ yikꞌ. Toj oꞌol sba yuꞌun. Ben ya xchꞌay ta kꞌakꞌ sok ta jaꞌ.

San Mateo 8:6

Jich a yalbe: —Kajwal, ay jtul kaj-aꞌtel te chawal ta swayib ta jna yuꞌun kꞌolbil xchial yok-skꞌab y ben oꞌol sba yuꞌun te skꞌuxule —xchi.

San Lucas 5:15

Jicha pujk ta mas skꞌoplal te Jesuse. Bayal genteetik a laj tal yaꞌibeyik te skꞌope, sok la yakꞌik ta lekutesel te xchamelike.

San Lucas 2:2

Jaꞌ primero senso te la spas te ay yaꞌtel ta gobiernoil ta estado Siria te Cirenio sbiile.

San Mateo 17:18

Te Jesuse la yalbe mantal te pukuje. Jich a lokꞌ ta yoꞌtan te kereme. Tsꞌin a lekub yuꞌun.

San Mateo 15:22

Ay jtul cananea-ants teꞌey sna a, tulan a kꞌopoj ta skꞌanel pawor: —Kajwal, stsꞌumbalat jDavid, kꞌuxtayaon sok te kachꞌixe, yuꞌun ay pukuj ta yoꞌtan. Ben xꞌilbajinot yuꞌun —xchi.

San Mateo 12:22

Ay a yikꞌik bael ta stojol Jesus jtul winik te ay pukuj ta yoꞌtane. Ma xlokꞌ skꞌop y chokuben yuꞌun. Te Jesuse la slekutes. Jicha kꞌopoj te winike sok la yil kꞌinal.

Hechos 10:38

Awaꞌiyejbeyik sluwar skꞌoplal te Jesus te talem ta jtejklum Nazaret. Te Dios a yaꞌbe spoder y la yaꞌbe yikꞌ te Chꞌul Espiritue. Y te Jesuse bayuk nax a been ta spasel te tut leke y ya slekuteslan spisil te machꞌatik ayik ta ilbajinel yuꞌun te pukuje. Jicha juꞌ yuꞌun spasel porke joyinbil yuꞌun te Diose.

Hechos 15:23

Jicha aꞌbot ba yichꞌik te karta te jich a yale: “Joꞌotik apostolotik y sok te ansianoetik te awermanotake, xkoltanuk te kermanotaktik te ma juriyouke, te ayik ta jtejklum Antioquia sok ta Siria y sok ta Cilicia.

San Marcos 2:3

Jich talik chantul winketik skꞌechojik tal jtul winik te jmel nax makꞌ xnijkix te stiꞌbalule.

San Marcos 1:32

Ta yochel ajkꞌubal, kꞌalal chꞌayemix a te kꞌakꞌale, te genteetik la yikꞌik bael te ba ay Jesus spisil te jchameletike sok te ochem pukuj ta yoꞌtanike.

San Mateo 4:23

Been ta spꞌejel estado yuꞌun Galilea te Jesuse. La spꞌijuteslan ta sinagogaetik te ba xkꞌax kꞌael ta beel. La yaltalanbey yaꞌiy te lekil achꞌ kꞌop yuꞌun te mukꞌ Dios te ay ta chꞌulchane. Sok la slekuteslan spisil te tutikuk chamelil te ay ta stiꞌbalul te genteetike sok tutik a te kꞌux ta aꞌiyele.

Hechos 15:41

Kꞌaxik bael ta estado Siria y sok estado Cilicia. Kꞌa yaꞌbeyik spuersa yoꞌtan te juju-tijkꞌ hermanoetike.

San Lucas 4:14

Te Jesuse sujt bael ta Galilea ta skuenta spoder te Chꞌul Espiritue. Pujk skꞌoplal ta sjoylejal ta spisil te estadoe.

San Marcos 1:28

Tsꞌin a aiyot te Jesuse ta spꞌejel estado Galilea.

San Mateo 14:1

Jich mismo tiempo a te Herodese te gobierno yuꞌun Galilea la yaꞌibe sluwaril skꞌoplal te Jesuse,

San Juan 10:21

Pero ay yan ya yalik: —Te machꞌa ay pukuj ta yoꞌtane ma jichuk ya xkꞌopoj jich tutꞌil to. ¿Me ay wan jtuluk pukuj te ya sjambe sit te choketike? —xchiik.

San Mateo 9:35

Te Jesuse la yokliy spisil te mukꞌul jtejklumetike sok te chꞌin kolonyaetike. Nojpeswan ta sinagogaetik ta jujun jtejklum. La yaltalanbe te lek achꞌ kꞌop yuꞌun te ya xlijkix ta mantal te Diose. Sok la slekuteslanbe tutikuk nax chamelil te ay ta stiꞌbalulike sok spisil te tutik kꞌux ta aꞌiyele.

San Mateo 9:26

Ta spꞌejel estado pujk skꞌoplal te tuti kꞌot ta pasel yuꞌun te Jesuse.

San Mateo 8:28

Te Jesuse lokꞌ kꞌoel te ba jejch mar te ba slumik te gadaraetike. Tal taek yuꞌun cheb winketik te lijkik tal ta kampusanoe. Te xchebalik ay pukuj ta yoꞌtanike. Lom bayal spuersaik. Maꞌyuk machꞌa ya xjuꞌ yuꞌun te ya xkꞌaxik te ba bee.

San Mateo 8:33

Te jkanan-chitametike anik ochel ta jtejklum. Lijk spujkutesik ta alel spisil te tuti pasbot te winketik te lokꞌix pukuj ta yoꞌtanike.

San Marcos 2:4

Komo ben bayal te gentee, ma spas a kꞌaxik bael te ba ay te Jesuse. Jich a moik bael ta sba te nae, sok la stochbeyik sba te nae. Y komo jeꞌelix a, la skoesik bael sok swayib te jchamele te ba ay te Jesuse.

San Marcos 2:9

¿Tut a te ma wokoluk ta albeyel te jchamele? ¿Me jaꞌ te “chꞌaybilix amul”, te ya kute? ¿O jaꞌ ma wokoluk ya awaꞌi te: “Jajchan, ichꞌa te awayibe, baan”, te ya kute?

San Lucas 4:38

Lokꞌ tal ta sinagoga te Jesuse, bajt ta sna Simon. Te smeꞌnial te Simone ben tulan tabil ta kꞌajkꞌ. La skꞌambeyik pawor te Jesuse te yauk slekutesbe te skꞌajkꞌe.

San Lucas 5:24

Pero ya me kaꞌbeyex awilik te tutꞌil tulan yaꞌtel yichꞌoj te Nichꞌanil ta spasel perdon yuꞌun mulil ta balmilal —xchi. Jich a yalbe te machꞌa kꞌolbil xchial yok-skꞌabe: —Ya kalbeyat te jaꞌate, jajchan, ichꞌa bael te akꞌabalteꞌale. Baan ta ana —xyut.

Hechos 8:7

Ben bayal machꞌatik ay pukuj ta yoꞌtanik te lekuteslanote. Y te pukujetike xꞌawlajan ya xlaj lokꞌ bael ta stojolik. Sok ay bayal machꞌatik kꞌolbil xchial yok-skꞌab y sok koxoetik a laj lekub yuꞌun.

San Lucas 7:17

Pujk skꞌoplal te sjoylejal estado Judea sok ta bayuk nax te tuti spas te Jesuse.

Hechos 28:9

Yuꞌun te jich a spase, tal xan yan jchameletik te aylan te ba luwar te joybil ta jaꞌe, y lekubik bael ta chamel.