San Mateo 4:23 - Nuevo Testamento Tzeltal de Amatenango

²³ Been ta spꞌejel estado yuꞌun Galilea te Jesuse. La spꞌijuteslan ta sinagogaetik te ba xkꞌax kꞌael ta beel. La yaltalanbey yaꞌiy te lekil achꞌ kꞌop yuꞌun te mukꞌ Dios te ay ta chꞌulchane. Sok la slekuteslan spisil te tutikuk chamelil te ay ta stiꞌbalul te genteetike sok tutik a te kꞌux ta aꞌiyele.

Bible in Tzeltal Bachajón

²³ La yocliy spisil sq'uinal Galilea te Jesús, yac ta nohpteswanej ta sinagogahetic yu'unic soc yac ta yalel te lec yach'il c'op yu'un te cuentahinel yu'un Dios, soc yac ta slecubtesel spisil chamel soc banti c'ux ya ya'iyic te ants-winiquetique.

Bible in Tzeltal de Oxchuc y Tenejapa

²³ Been ta spamal sq'uinal Galilea te Jesuse. La yaiy p'ijubteswanej ta sinagogaetic te banti c'ax ta beele. Soc la xcholbey yaiyic te lec yach'il c'op yu'un te bit'il ay ta ajwalinel te Diose. Soc la slamantesbey spisil te bitic chamelil te ay ta sbaq'uetalic te ants-winiquetique soc spisil ta jchajp te bila c'ux ta aiyele.

San Mateo 4:23 Referans Kwoze

San Mateo 9:35

Te Jesuse la yokliy spisil te mukꞌul jtejklumetike sok te chꞌin kolonyaetike. Nojpeswan ta sinagogaetik ta jujun jtejklum. La yaltalanbe te lek achꞌ kꞌop yuꞌun te ya xlijkix ta mantal te Diose. Sok la slekuteslanbe tutikuk nax chamelil te ay ta stiꞌbalulike sok spisil te tutik kꞌux ta aꞌiyele.

San Marcos 1:39

Jich te Jesuse been ta spꞌejel estado yuꞌun Galilea. La yal te skꞌop Dios ta sinagogaetik ta jujun jtejklum, sok la slokꞌeslan pukujetik ta yoꞌtan te genteetike.

Hechos 10:38

Awaꞌiyejbeyik sluwar skꞌoplal te Jesus te talem ta jtejklum Nazaret. Te Dios a yaꞌbe spoder y la yaꞌbe yikꞌ te Chꞌul Espiritue. Y te Jesuse bayuk nax a been ta spasel te tut leke y ya slekuteslan spisil te machꞌatik ayik ta ilbajinel yuꞌun te pukuje. Jicha juꞌ yuꞌun spasel porke joyinbil yuꞌun te Diose.

San Lucas 7:22

Te Jesuse la yaltalanbe: —Baanik, ban albeyaik te Juane spisil te tut la awilike sok te tut la awaꞌibeyik sluware. Kꞌo albeyaik te yipal ta jamel sit te choketike, sok yipal ta lekubel te koxoetike, sok yipal ta lekubel stibalulik te machꞌatik ayik ta kꞌaꞌel-chamele, sok yipal ta jamel xchikin te machꞌatik ma xyaꞌiyik kꞌope, sok yipal ta chaꞌkuxel te animaetike, sok yipalix ta alel ta stojol meꞌbaetik te tutꞌil ayix te skolelike.

San Mateo 11:5

Albeyaik te yipal ta jamel sit te choketike sok te yipal ta lekubel te koxoetike, sok yipal ta lekubel stiꞌbalulik te kꞌaꞌel-chameletike, sok yipal ta jamel xchikin te machꞌatik ma xyaꞌiy kꞌope, sok yipal ta chaꞌkuxel te machꞌatik chamenikixe, sok yipalix ta albeyel sluwaril te meꞌbaꞌetik te tutꞌil ayix skolelike.

San Mateo 13:54

y kꞌot ta slumal. Lijk ta pꞌijuteswanej te ba sinagoga yuꞌunike. Te genteetike bayal a aꞌabiyan yoꞌtanik yuꞌun. Jicha lijk yalbe sbaik: —¿Ba snop tal to te spisil ya snaꞌe? ¿Sok tutꞌil ya xjuꞌ yuꞌun spasel te milagroetike?

San Marcos 1:21

Kꞌotik ta jtejklum Capernaum. Ta skꞌaalel kuxo-oꞌtan te Jesuse och bael ta sinagoga, sok lijk ta pꞌijuteswane.

Romanos 10:15

¿Y machꞌa kꞌan ba yal te skꞌop Diose, teme maꞌyuk machꞌa tikonbile? Jich tut ya yal te Sjun Diose: “Ben tsaꞌam a julik tal te machꞌa yichꞌoj tal te lek achꞌ kꞌope”, xchi me.

San Lucas 8:1

Ta patil te Jesuse been ta jtejklumetik sok ta kolonyaetik. Bayuk nax la yal kꞌael te lek achꞌ kꞌop yuꞌun te ya xlijkix ta mantal te Kajwaltik Diose. Sjoyinej ta beel te lajchaytul apostoletike.

San Marcos 6:2

Kꞌalal kꞌot skꞌaalel te kuxo-oꞌtane, lijk ta pꞌijuteswane te ba sinagogae. Bayal te machꞌa la yaꞌibe te skꞌope y cham a yaꞌiyik yuꞌun. La sjokꞌobe sbaik: —¿Ba snop tal spꞌejel tutik i winik to? —xchiik. ¿Ba sta tal te spꞌijile? ¿Sok ba sta spoder yuꞌun spasel milagroetik to?

San Mateo 24:14

Sok ya me yichꞌ alel ta spisil balmilal te tutꞌil ay ta ajwalinel te Diose, yuꞌun jich me ya yaꞌibe sluwar spisil te genteetik te tutꞌil ay kꞌuxutayel yuꞌun te Diose. Jaꞌ to me ya xtal te slajibal kꞌaale.

San Mateo 12:9

Jich a kꞌax bael te Jesuse. Kꞌot te ba sinagoga yuꞌunike.

San Juan 18:20

Te Jesuse la yalbe: —Jamal a kal ta sitil komon ta stojol spisil te genteetike, bayal buelta a nojpeswanon te ta sinagogaetik sok ta templo te ba ya stsobilan sbaik spisil te juriyoetike. Ma mukuluk a nojpeswanon.

San Lucas 13:10

Te Jesuse ba nojpeswanuk ta sinagoga ta skꞌaalel kuxo-oꞌtan.

San Lucas 9:11

Te kꞌalal la snaꞌbeyik sluwar te genteetike, jicha stsꞌakliyik bael. Te Jesuse la yikꞌ ta stojol, sok la yalbe yaꞌiyik te tutꞌil ay ta ajwalinel te Diose, sok la slekutes te machꞌatik ayik ta chamele.

San Lucas 5:17

Jun kꞌaal te Jesuse yipal ta pꞌijuteswane, teꞌ nakajtik ekꞌa te fariseoetike sok te maestroetik yuꞌun te mantaliletike. Teꞌ talemik ta jtejklumetik ta estado Galilea, sok ta estado Judea, sok ta jtejklum Jerusalen. Te spoder te Diose ya xchiknaj ta skuenta te Jesuse te ya slekutes te jchameletike.

San Marcos 6:6

Te Jesuse bayal yajtal yoꞌtan yuꞌun te tutꞌil ma xchꞌuunot yuꞌun te genteetike. Been ta chꞌin kolonyaetik te tijilik, sok la spꞌijuteslan jilel te genteetike.

San Marcos 3:10

Batsꞌi stenten sbaik yuꞌun skꞌan spikik te Jesuse, yuꞌun bayalix te machꞌatik kolemikix ta chamel yuꞌune.

San Marcos 1:14

Te tut ora otsesot ta prexo te Juane, te Jesuse bajt ta Galilea. Tey kꞌo yalbey a spisil genteetik te lekil kꞌop yuꞌun te Diose.

Hechos 20:25

“Te ora to jnaꞌojix te ni jaymel ya awilbikon xan sit jaꞌex ta apisilik te la kalbeyex te tutꞌil ay ta ajwalinel te Diose.

Hechos 18:4

Ta jujuchoj skꞌaalel te kuxo-oꞌtane, te jPabloe bajtulan ta sinagoga. Teꞌ yalulanbe a y asta la yaꞌbe xchꞌuun te lek achꞌ kꞌop te juriyoetike sok griegoetike.

San Juan 6:59

Te Jesuse la yakꞌ ta nopel spisil to te ba la stsob sbaik ta sinagoga yuꞌun Capernaum.

San Lucas 10:9

Lekutesbeya xchamelik te jayeb ayik ta chamel teꞌ ae. Y jich me xꞌawalbeyik: “Nopol ya xlijkix ta mantal te Kajwaltik Dios te ba ayexe —xchaex me.

San Lucas 6:17

Te Jesuse kojtal te ba wits sok te jnopojeletik yuꞌune, tekꞌel julel ta slomle. Teꞌ stsoboj sbaik bayal a te machꞌatik tsꞌaklibil yuꞌune, sok bayal genteetik te talemik ta estado yuꞌun Judea, sok ta Jerusalen, sok ta jtejklum Tiro sok ta jtejklum Sidon te ayik ta tiꞌmare. Yuꞌun tal yaꞌibeyik sluwaril skꞌop te Jesuse sok tal yakꞌ ta lekutesel te xchamelike.

San Mateo 14:14

Te kꞌalal ko ta barko te Jesuse la yil te bayal genteetik teꞌa. La snaꞌbey yoꞌolil sbaik. Jich a slekutes te jchameletik te yikꞌolanik kꞌale.

San Mateo 13:19

Te machꞌatik ya yaꞌiybe sluwaril te tutꞌil ay ta ajwalinel te Diose sok te ma xkꞌot ta yoꞌtanike, jich kꞌoemik te tutꞌil tsꞌunubil te kꞌot ta bee. Ya xtal te pukuje, ya slokꞌesbey ta yoꞌtanik te skꞌop Dios te tsꞌunbot ta yoꞌtanike.

San Mateo 3:2

Teꞌ lijk yaltalanbe a te genteetike: —Sujtesa me awoꞌtanik yuꞌun te amulike yuꞌun ya me xlijkix ta pasaw ta mantal te Diose —xchi.

San Juan 7:1

Ta patil tsꞌin to te Jesuse been bael ta estado yuꞌun Galilea, yuꞌun ma skꞌan a anin ta Judea porke te juriyoetik te teꞌey ae ya sleik ta milel.

San Lucas 20:1

Ay jun kꞌaal te Jesuse yipal ta spꞌijutesel genteetik ta templo, y jaꞌ yipal ta yalbeyel sluwar te lek achꞌ kꞌop yuꞌun te kolele. Laj kꞌot te statal saserdoteetike y sok te maestroetik yuꞌun te mantaliletike sok euk te moletik yuꞌun te jtejklume,

San Lucas 4:14

Te Jesuse sujt bael ta Galilea ta skuenta spoder te Chꞌul Espiritue. Pujk skꞌoplal ta sjoylejal ta spisil te estadoe.

San Lucas 6:6

Ta yan skꞌaalel kuxo-oꞌtan te Jesuse och bael ta sinagoga. Teꞌ lijk nojpeswanuk a. Ay jtul winik teꞌa te jmel makꞌ snik sba te sbatsꞌil skaꞌbe.

San Lucas 7:21

Te kꞌalal teꞌ ayik ae la yilik te tutꞌil yipal ta slekutesel bayal genteetik te ayik ta chamele sok te ayik ta wokole. Sok yipal ta slokꞌesel pukuj ta yoꞌtanik te machꞌatik ay pukuj ta yoꞌtanike. Sok ya sjambe sit te bayal choketike.

San Lucas 9:60

Te Jesuse la yalbe: —Jaꞌ me aꞌ smuk te machꞌa pajal chamenik soke. Yan te jaꞌate, laꞌ, ban ala te tutꞌil ay ta ajwalinel te Diose —xyut.

San Lucas 16:16

Te mantaliletik yuꞌun te Moisese sok te tuti yalik jilel te jꞌalwanejetik yuꞌun te Diose, jaꞌ nax a spꞌijutesotik stukel jaꞌto te kꞌalal tal te Juane. Jicha lijk ta alel te lek achꞌ kꞌop te tutꞌil ay ta ajwalinel te Diose, y spisil genteetik ya stenten sbaik ochel teꞌa.

Hechos 28:31

Jamal a yalbe yaꞌiy te tutꞌil ay ta ajwalinel te Diose, y la snojpeslan tut ay sluwar te Kajwaltik Jesucristoe. Maꞌyuk machꞌa komot yuꞌun.