San Mateo 4:17 - Nuevo Testamento Tzeltal de Amatenango

¹⁷ Jaꞌix yorail a te Jesuse lijk yal ta bayuk nax ta skuenta te genteetike te lek yachꞌil kꞌop yuꞌun te jkoleltike. Jich a yal: —Sujtesa awoꞌtanik yuꞌun te amulike yuꞌun ya xlijkix ta pasaw ta mantal te Diose —xchi te Jesuse.

Bible in Tzeltal Bachajón

¹⁷ Ta hich ora hahch ta yalel sc'op Dios te Jesús, hich la yal: Suhtesa awo'tanic, como nopolix yorahil te cuentahinel yu'un te ch'ulchane, xchi.

Bible in Tzeltal de Oxchuc y Tenejapa

¹⁷ Jich yorail te Jesús jajch' yal ta bayuc ta stojol ants-winiquetic te lec yach'il c'op yu'un te jcoleltique. Jich la yal: —Sujt'esa awo'tanic ta stojol te Diose, yu'un nopol ya xjajch'ix ta ajwalinel te Dios ta ch'ulchane —xi' te Jesuse.

San Mateo 4:17 Referans Kwoze

San Mateo 3:2

Teꞌ lijk yaltalanbe a te genteetike: —Sujtesa me awoꞌtanik yuꞌun te amulike yuꞌun ya me xlijkix ta pasaw ta mantal te Diose —xchi.

Hechos 2:38

Te jPedroe la sjakꞌtalanbe: —Sujtesa awoꞌtanik ta stojol Dios y akꞌa abaik ta ichꞌjaꞌ juju-tul ta skuenta te Jesucristo. Yuꞌun jich me ya spasbeyex perdon yuꞌun amulik te Diose, sok amajtanik ya yaꞌbelex te Chꞌul Espiritue.

San Lucas 5:32

Ma jaꞌuka tal kikꞌ te machꞌatik lek ayik ta skꞌopike. Jaꞌa tal kikꞌ te jmulawiletike yuꞌun ya sujtes yoꞌtanik yuꞌun te smulike —xchi.

San Lucas 24:47

Sok te joꞌon ta jkuenta te ya xlijk ta alel kꞌalal ta Jerusalen sok ta spisil nasionetik te ya sujtes yoꞌtanik ta stojol Diose, yuꞌun jich me ya spasbot perdon yuꞌun a te smulike.

Hechos 17:30

Te Diose maꞌyuk tuti yal yuꞌun te jich yipal kꞌaal ayikix tal ta spasel te gente te ma snaꞌbe sluware. Yan te ora to ya spasix ta mantal spisil genteetik ta bayuk te ya sujtes yoꞌtanik ta stojole.

San Mateo 9:13

Baan, nopaik te tut ya yal te Sjun Diose: “Jaꞌ ya jkꞌan te ya xkꞌuxutaywanexe. Ma jaꞌuk ya jkꞌan te milbil jmajtane”, te xchie. Ma jaꞌuk a tal kikꞌ te machꞌatik lek ta winikil ta skꞌopike. Jaꞌ a tal kikꞌ te jmulawiletike, jich me ya sujtes yoꞌtanik yuꞌun te smulike —xchi te Jesuse.

Hechos 26:20

Yuꞌun primero a kalbey te skꞌop Dios te machꞌatik aylan ta Damascoe, sok te nax ta Jerusalen, y sok spisil te estado yuꞌun Judeae, y sok te machꞌatik ma juriyouke. La kaltalanbe te yauk sjilesik te smulike, sok te yauk sujtes yoꞌtanik ta stojol Diose, sok yauk xchiknaj ta yaꞌtelik te sujtemix yoꞌtanike.

San Lucas 15:7

Ya kalbeyex: Jich me ay ben jun yoꞌtan yuꞌun te machꞌatik ay ta chꞌulchane yuꞌun teme ya sujtes yoꞌtan yuꞌun smul jtul jmulawile. Mas ben jun yoꞌtan yuꞌun te tutꞌil te nobenta y noebe ta jtul te toj yoꞌtanik ta stojol Dios te ma puersauk ya sujtes yoꞌtanik yuꞌun te smulike —xchi te Jesuse.

Hechos 3:19

Jaꞌ yuꞌun sujtesa awoꞌtanik ta stojol Dios te jaꞌexe y sujtesa awoꞌtanik yuꞌun te amulike. Jich me ya xchꞌaybeyex te amulike. Jich me ya sta yorail yuꞌun te Kajwaltik te ya slekutesexe,

San Lucas 15:10

Ya kalbeyex, jich me ben jun yoꞌtan yuꞌun te chꞌul angeletik yuꞌun Dios ta chꞌulchane teme ya sujtes yoꞌtan yuꞌun smul te jtul jmulawile —xchi te Jesuse.

Hechos 20:21

Jamal a kalbe te juriyoetike sok te machꞌatik maꞌ juriyouke te ya skꞌan ya sujtes yoꞌtanik yuꞌun smulik ta stojol Dios, sok te ya xchꞌuunik te Kajwaltik Jesucristoe.

Hebreos 6:1

Jich yuꞌun sigueukotik bael jaꞌ to te mukꞌul gente ya xkꞌootike. Ya skꞌan te ya xkꞌaxotik bael a te tut primero nojpesel yuꞌun te Cristoe. Ma me yauk xchaꞌsujtotik xan ta snopilanel te tutik ay ta slijkibale: jich tutꞌil te ya sujtes koꞌtantik te tut a jpastik te ya yakꞌotik bael ta lajele, o jich tutꞌil te ya skꞌan chꞌuunel te Diose,

Hechos 11:18

Te kꞌalal jich a yaꞌiyik te hermanoetik ta Jerusalene, ma tuti yalikix a y la yalbeyik slekilal te Diose. Jich a yalik: —Yuꞌun Dios a yaꞌbe sujtes yoꞌtanik yuꞌun smulik te machꞌatik ma juriouke. Jich me ya xkolik sbajtel kꞌinal euk —xchiik.

San Mateo 25:1

Sok la yal xan te Jesuse: —Te tutꞌil ay ta ajwalinel te Diose, jaꞌ pajal sok te ay lajuntul aꞌchetik te la yichꞌik bael skantilik ta smaliyel ta be te jnujpunele.

San Mateo 13:47

“Te tutꞌil ya xkꞌot ta ajwalinel te Diose, jaꞌ pajal kꞌoem sok te stsajkil-chay te ya xchꞌojot ochel ta mare yuꞌun ya stsak lokꞌel spisil ta kaj te chaye.

San Mateo 10:7

Baanik, alaik bael: “Nopol ya xlijkix ta mantal te jTatik Diose”, xchaex me.

San Lucas 9:2

La stikonlan bael ta yalel te tutꞌil ay ta ajwalinel te Jtatik Diose, sok ta slekutesel jchameletik.

San Mateo 11:12

“Jaꞌ to te kꞌalal tal te Juan Akꞌichꞌjaꞌe asta ora to, sok sfuersa lijkix ta pasaw ta mantal te Diose. Te genteetik sok yipik ya sten sbaik ochel.

San Mateo 13:24

Te Jesuse lijk yalbe yaꞌiyik yan seña kꞌop. Jich a yal: —Te tutꞌil ya xkꞌot ta ajwalinel te Diose, jachik tutꞌil jtul winik te la stsꞌun lekil stsꞌunubil ta slume.

San Mateo 13:9

Te machꞌa ay xchikine a me yaꞌibe sluwar —xchi te Jesuse.

San Mateo 13:11

Te Jesuse la yaltalanbe: —Te jaꞌexe Dios me ya yaꞌbeyex anaꞌik sluwar te tutꞌil ay ta ajwalinel te Diose, te maꞌyuk ta naꞌel ta nail toe. Yan te yanetike ma xꞌaꞌbot snaꞌbeyik sluwaril stukel.

San Mateo 6:10

Aꞌ me staix skꞌaalel te ya xꞌochat ta ajwalil. La me pas a tut ya skꞌan awoꞌtan ta balmilal jachik tutꞌil ta chꞌulchane.

San Lucas 3:23

Kꞌalal ayix treinta jaꞌbil yaꞌbilal a te Jesuse, lijk ta aꞌtel. Kuybil te jaꞌ xnichꞌan te Josee. Jich skajalskaj te stsꞌumbale: