San Mateo 4:11 - Nuevo Testamento Tzeltal de Amatenango

¹¹ Jich te pukuje la sjiles te Jesuse. Jaꞌ a tal te chꞌul angeletike, y lijk yakꞌ sbaik ta abatinel.

Bible in Tzeltal Bachajón

¹¹ Hich ihquitayot yu'un te pucuje, tal te ch'ul a'batetic, ha la yac' sbahic ta a'batinel yu'un.

Bible in Tzeltal de Oxchuc y Tenejapa

¹¹ Jich te Jesuse, ijq'uitayot yu'un te pucuje. Ja' tal yac' sbaic ta abatinel yu'un te ch'ul abatetique.

San Mateo 4:11 Referans Kwoze

San Mateo 26:53

¿Meꞌn ma xꞌanaꞌ te ya xjuꞌ kuꞌun te ya jkꞌanbey te jTat te ya skoltayone? Ya me stikonbon tal ta ora mas ta lajchaytijkꞌ te chꞌul angeletik te jichuke.

Hebreos 1:14

Porke spisilik te angeletike abatetik ta spasel yaꞌtel te Diose. Tikonbil ta skoltayel te machꞌatik ya xꞌaꞌbot smajtanin te kolele.

San Lucas 22:43

Y teꞌ chiknaj jtul chꞌul ángel a ta chꞌulchan yuꞌun tal yaꞌbe spuersa yoꞌtan.

San Lucas 4:13

Kꞌalal ma sta tut ya yilbe xan yoꞌtan te Jesus te pukuje, jich a yijkitay jilel jun chebuk kꞌaal.

Hebreos 1:6

Pero te kꞌalal la yakꞌ ta ilel ta balmilal te sba nichꞌane, la yal: “A me skejan sbaik ta skuenta spisil te angeletik yuꞌun Dios”, xchi me.

San Juan 14:30

“Ma spasix te jal ya xꞌaꞌabiyanotike, porke talix te machꞌa ya spas mantal liꞌ ba balmilale. Maꞌyuk tut ya xjuꞌ te ya spasbon ta jtojole.

San Lucas 22:53

Jujun kꞌaal la joyinex ta templo, y maꞌyuk la apikikon teꞌa. Pero la staix yorail te ya xjuꞌ awuꞌunik sok te ijkꞌal kꞌinale —xchi te Jesuse.

San Marcos 1:13

Kuarenta kꞌaal teꞌey a, yuꞌun akꞌot ta prewa yuꞌun a te pukuje. Jaꞌ nax teꞌey sok a te teꞌtikil chambalametike, sok tal yakꞌ sbaik ta abatinel te angeletike.

San Mateo 4:6

y la yalbe: —Teme jich te Xnichꞌanat Diose, chꞌoja aba koel, yuꞌun jich tsꞌibabil ta Sjun Dios: “Te Diose ya yalbe mantal te chꞌul angeletik yuꞌune ya xtal skanantayat. Ya me xchoyat ta skꞌabik, jich makꞌ xꞌejchꞌenajat yuꞌun te tone”, xchi me —xchi te pukuje.

1 Timoteo 3:16

Jamal chikan te lom mukꞌ te tut jchꞌuunejtik te mukul aye: Dios la yichꞌ stiꞌbalul, chiknaj ta ilel. Akꞌot ta naꞌel te toj yoꞌtan yuꞌun te Espiritue. Ilot yuꞌun te chꞌul angeletike. La yichꞌ alel ta stojol te nasionetike. La yichꞌ chꞌuunel ta balmilal. Sok ikꞌot bael ta lekilal.