San Mateo 3:6 - Nuevo Testamento Tzeltal de Amatenango

⁶ Te machꞌatik la yalik ta jamal te smulike, akꞌtalanbot yichꞌik jaꞌ ta ukꞌum Jordan yuꞌun te Juane.

Bible in Tzeltal Bachajón

⁶ Jamal la yal smulic, hich ac'ticlambot yich'ic ha' yu'un ta muc'ul-ha' Jordán.

Bible in Tzeltal de Oxchuc y Tenejapa

⁶ Te mach'atic la yalic ta jamal te smulique, jich ac'bot yich'ic ja' ta bay muc'ja' Jordán yu'un te Juane.

San Mateo 3:6 Referans Kwoze

Hechos 19:18

Bayal te machꞌatik xchꞌuunejikix te Jesuse tal yalik ta jamal spisil te tut ma tsaꞌamuk a spasik te nail toe.

1 Juan 1:9

Pero teme ya kaltik ta jamal te jmultike, ya xjuꞌ ya xchꞌuun koꞌtantik te jaꞌ ya yaꞌbotik te Diose te tut stojil aye: jaꞌ ya yaꞌbotik perdon yuꞌun te jmultike y ya spokbotik spisil te tut ma lekuke.

Hebreos 9:10

Skuenta nax xkuxlejalik ta balmilal te tut ya spasike, jich tutꞌil te tut ya sweꞌike, sok te ya yuchꞌike, y te tutik ya spok skꞌabik te skuenta nax slekuteselike. Yuꞌun jaꞌ nax tulan ay skꞌoplal ta pasel jaꞌ to te Dios ya sjelontes te tutꞌil aye.

San Mateo 3:11

Spisil te teꞌetik te ma bujtsꞌanuk te site ya me yichꞌ tsꞌetel sok ya me yichꞌ chikꞌel. Te joꞌone ya kaꞌbeyex awichꞌik jaꞌ yuꞌun te sujtemix awoꞌtanik ta stojol Dios. Pero te machꞌa patil ya xtal kuꞌune, jaꞌ me ya yaꞌbeyex awikꞌik te Chꞌul Espíritu sok kꞌakꞌ. Jaꞌ mas tulan stukel; yan te joꞌone mas pekꞌ ayon. Ni ya kujan jba ta slikel bael te swawe.

Hebreos 6:2

sok te nojpesel yuꞌun skꞌoplal ichꞌjaꞌe, sok te kajanel kꞌabal ta sjol te hermanoetike, sok te chaꞌkuxel yuꞌun te animaetike, sok te kastigo sbajtel kꞌinale.

Colosenses 2:12

Yuꞌun la awichꞌik mukel sok Cristo te la awichꞌik jaꞌe. Y la awichꞌik chaꞌkusesel sok, porke la achꞌuunik te tutꞌil Dios la xchaꞌkuses ta skuenta spoder.

1 Corintios 10:2

Spisilik la yichꞌik jaꞌ kꞌoem te tutꞌil jun nax a laj kꞌotik sok te jMoises te axinteslanot ta tokal sok te kꞌaxik ta mare.

Hechos 22:16

Y te ora to, ¿tut xan a te ya amaliye? Jajchan, kꞌana ichꞌjaꞌ. Kopojan ta skuenta te Kajwaltike, yuꞌun jich me ya spokbeyat lokꞌel a te amule”, xyuton te jꞌAnaniase.

Hechos 11:16

Jich a jnaꞌ te tut yaloj te Kajwaltike: “Te Juane la yakꞌ ichꞌjaꞌ ta jaꞌ, pero te jaꞌexe ya me yaꞌbelex awikꞌik te Chꞌul Espíritu”, xchi me.

Hechos 1:5

Jich te Juane la yaꞌbe yichꞌ jaꞌ te gente ta jaꞌ nax. Pero ma jalukix kꞌaal te jaꞌexe te ya yaꞌbelex awichꞌik te Chꞌul Espiritue —xchi te Jesuse.

San Lucas 3:16

Pero te Juane la yaltalanbe spisil te genteetike: —Te joꞌon jaꞌ nax ya kaꞌbeyex awichꞌik jaꞌ ta jaꞌ nax. Yan te machꞌa ya xtale jaꞌ me ya yaꞌbeyex awikꞌik te Chꞌul Espiritue sok kꞌajkꞌ. Mas tulan yaꞌtel yichꞌoj stukel ke te joꞌone. Jichon ma xjuꞌ te ay tut ya jpas chꞌinuk ta skuentae, ni ya jkujan jba ta spolbeyel te yakꞌil swawe.

San Marcos 1:5

Te genteetik talik ta spꞌejel estado yuꞌun Judea sok ta jtejklum Jerusalen, tal yaꞌiyik tut ya yal te Juane. La me yalik ta jamal te smulike, jich aꞌbot yichꞌik jaꞌ ta ukꞌum Jordan yuꞌun te Juane.

1 Pedro 3:21

Y te skꞌoplal jaꞌ abi, ja xyal te ichꞌjaꞌe, te jaꞌ ta skuenta te kolemotikix te ora to. Ma yuꞌunuk ya spokbotik lokꞌel te yijkꞌal jtiꞌbalultike, sino ke jaꞌ kꞌanbeyel te Diose te ya slekutes te koꞌtantike. Jich ya skoltayotik te tutꞌil chaꞌkux tal te Jesucristoe.

Santiago 5:16

Jaꞌ yuꞌun, albeya abaik ta jamal ta juju-tul te amulike. Y kꞌoponbeya abaik Dios ta juju-tul, yuꞌun jich me ya xlekubex a. Bayal tut ya xkꞌot ta pasel teme jun yoꞌtan ya skꞌopon Dios te machꞌa toj yoꞌtane.

San Lucas 1:16

Ya me sujtesbe yoꞌtan bayal ta jtul te alumal Israel ta stojol te Kajwaltik Dios awuꞌunike.