San Mateo 3:17 - Nuevo Testamento Tzeltal de Amatenango

¹⁷ Sok ay machꞌa kꞌopoj tal ta chꞌulchan: —Jaꞌ i to jaꞌ jNichꞌan te lom bayal kꞌux ta koꞌtane. Ben jun koꞌtan yuꞌun —xchi.

Bible in Tzeltal Bachajón

¹⁷ Ay c'op chicnaj ta ch'ulchan te hich la yal: Ha Jnich'an ini te c'ux ta co'tan, te bayel yutsil co'tan ta stojol, xchi.

Bible in Tzeltal de Oxchuc y Tenejapa

¹⁷ Soc ay mach'a c'opoj tel ta ch'ulchan: —Ja' in to, ja' te Jnich'an te bayal c'ux ta co'tane, bin nax co'tan yu'un —xi'.

San Mateo 3:17 Referans Kwoze

San Mateo 17:5

Te kꞌalal yipal to ta kꞌop a te jPedroe ora mukot ta tokal te xlemet nax xojobile. Ta yolil te tokale ay machꞌa kꞌopoj teꞌa, jich a yal: —Jaꞌ to jaꞌ te jNichꞌan te ben kꞌux ta koꞌtane. Ben jun koꞌtan yuꞌun. Aꞌiybeyaik sluwar te skꞌope —xchi.

2 Pedro 1:17

La kiltik te kꞌalal te Dios Tatil la yakꞌ ta akꞌel ta jkuenta sok te stsaꞌamule. Te kꞌalal kꞌopoj te Diose, jaꞌ a yal sok stsaꞌamule: “Jaꞌ to jaꞌ Jnichꞌan te lom kꞌux ta koꞌtane. Ben jun koꞌtan yuꞌun”, xchi me.

San Lucas 9:35

Jich ay machꞌa kꞌopoj tal ta tokal, jich a yal: —Jaꞌ to jaꞌ Jnichꞌan te tꞌujbil kuꞌune. Aꞌibeyaik te tut ya yale —xchi.

San Mateo 12:18

“Teꞌ ay te kabat te tꞌujbil kuꞌune. Jaꞌ te kꞌux ya kaꞌi ta koꞌtan sok ben jun koꞌtan yuꞌun. Ya me kaꞌbe ta yoꞌtan te Espíritu kuꞌune. Jich me ya spuk ta alel ta stojol spisil nasionetik te tutꞌil toj ta pasele.

San Marcos 9:7

Y teꞌ nax koj tal tokal, jul axintesek yuꞌun. Y teꞌ ta tokale ay machꞌa kꞌopoj, jich a yal: —Jaꞌ me jNichꞌan to te ben xpich ta koꞌtane. Aꞌiybeyaik me te tut ya yale —xchi.

San Lucas 3:22

Jicha koj tal te Chꞌul Espíritu ta stojol te Jesuse, chiknaj ta ilel jich tutꞌil te palomae. Sok ay a aꞌiyot kꞌop ta chꞌulchan te jich a yale: —Jaꞌat Jnichꞌanat te ben kꞌuxat ta koꞌtane. Ben tsaꞌam koꞌtan awuꞌun —xchi.

San Marcos 1:11

Sok ay machꞌa kꞌopoj ta chꞌulchan. Jich a yal: —Jaꞌat jnichꞌanat te jkꞌanojate. Ben tsaꞌam koꞌtan awuꞌun —xchi.

Colosenses 1:13

Dios la yakꞌotik ta libre yuꞌun te spuersa te ijkꞌal kꞌinale. Y la yikꞌotik bael te ba ay ta ajwalil te Xnichꞌan te ben kꞌux ta yoꞌtane,

Efesios 1:6

Jich yuꞌun, sil tiempo ya jkꞌayojintik te slekilal te Diose, yuꞌun jich a yaꞌbotik bendision ta skuenta te Xnichꞌan te ben bayal skꞌanoje.

San Juan 5:37

Y jich te Tatil te la stikonon tale jaꞌ ya yakꞌon ta naꞌel stukel. Manchuk teme maꞌyuk awaꞌiyejbeyik te skꞌope, sok te ni maꞌyuk awilojike,

Apocalipsis 14:2

Te nax a la kaꞌiy te ay tut ya xkꞌopoj ta chꞌulchan. Jachik tutꞌil skꞌop jun nojel jaꞌ te ya xchꞌay koel ta xchꞌenale, jachik tutꞌil ya xtꞌom jun tulan ay tut xpumumete. Jachik tutꞌil jun skꞌop te bayal arpistaetik te yipalik ta stijel te yarpaike.

San Juan 5:20

Yuꞌun te Tatile ben skꞌanoj te Nichꞌanile. Ya yaꞌbe yil spisil te tutik ya spase, y ya to yaꞌbe yil te mas mukꞌ te ya xkꞌot ta pasele te lom cham ya awaꞌiyik yuꞌune.

1 Juan 5:9

Teme ya kichꞌtik te testigo-kꞌop yuꞌun te genteetike, mas to ya kichꞌtik te testigo-kꞌop yuꞌun te Diose te mas bale stukel. Porke te testigo-kꞌop yuꞌun te Diose, jaꞌ a yalbe skꞌoplal te Xnichꞌane.