San Mateo 28:2 - Nuevo Testamento Tzeltal de Amatenango

² Tal tulan jikichab ta balmilal, yuꞌun jtul chꞌul ángel yuꞌun te Kajwaltike koj tal ta chꞌulchan. Tijilaj tal te ba mukule, la slokꞌes te mam mukꞌul ton te makbil aye y la snajkan sba ta sba te tone.

Bible in Tzeltal Bachajón

² Tal tulan nihquel, yu'un co tal ta ch'ulchan jtuhl ch'ul a'bat yu'un te Cajwaltic, baht ta muquenal, la sbalch'un loq'uel te ton, la shuhcan sba tey a.

Bible in Tzeltal de Oxchuc y Tenejapa

² Tal tulan nijq'uel, melel coj tel ta ch'ulchan jtul ch'ul abat yu'un Cajwaltic te c'ot ta muquenale. La stsel loq'uel te muc'ul ton macal sti' a. Tey la snajc'an sba ta sba te tone.

San Mateo 28:2 Referans Kwoze

Hechos 16:26

Y ora nax a tal ben tulan jikichab y la snikbe yipajib te prexoe. Y ora nax a jeꞌ spisil te puertaetike, y la jpol te kadenaetik te chukajtik a te jprexojeletike.

1 Timoteo 3:16

Jamal chikan te lom mukꞌ te tut jchꞌuunejtik te mukul aye: Dios la yichꞌ stiꞌbalul, chiknaj ta ilel. Akꞌot ta naꞌel te toj yoꞌtan yuꞌun te Espiritue. Ilot yuꞌun te chꞌul angeletike. La yichꞌ alel ta stojol te nasionetike. La yichꞌ chꞌuunel ta balmilal. Sok ikꞌot bael ta lekilal.

San Juan 20:1

Te primero kꞌaal yuꞌun te semanae, te xMaria Magdalenae ben sab a bajt te ba mukule. Ijkꞌ to kꞌinal a. La yil te lokꞌesbilix a te ton te makbil a te stiꞌile.

Apocalipsis 11:19

Jich a jeꞌ te templo yuꞌun Dios te ay ta chꞌulchane, y te ba temploe chikan ta ilel te xkaxaul te trate yaloje. Y tal sansewal, xixixet, xpumumet, jun tulan jikichab, y jun tulan bat.

1 Pedro 1:12

Pero akꞌtalanbot snaꞌ yuꞌun Dios te ma stukelikuk yuꞌunik te tut ya yaltalanike. Sino ke jaꞌ ya xkꞌot ta akuentaik te jaꞌexe. Jaꞌix te skꞌoplal kolel te la yalbeyex awaꞌiyik te machꞌatik la yalik te lekil achꞌ kꞌop ta skuenta spoder te Chꞌul Espiritue te tikonbil tal ta chꞌulchane. Spisil to yoꞌtanik euk te chꞌul angeletik te ya skꞌan xꞌaꞌbot yilik ekꞌae.

San Mateo 27:60

y ba yotses jilel ta achꞌ chꞌen te yakꞌoj ta jutel jpꞌej ton te ba slume. La smakbe jilel te stiꞌil xchꞌenale ta jpꞌej mam mukꞌul ton y bajt.

San Mateo 27:66

Jicha ba yakꞌik ta kanantayel. La smakik lek te ba mukule y la yaꞌbeyik seyo te smajkile, sok la yakꞌik jilel ta skanantayel te soltaroetike.

Hechos 5:19

Pero jtul chꞌul ángel yuꞌun te Kajwaltike ta ajkꞌubal a tal sjeꞌ te puerta yuꞌun prexoe, y la yiktalan lokꞌel, y la yaltalanbe: