San Mateo 28:19 - Nuevo Testamento Tzeltal de Amatenango

¹⁹ Jich yuꞌun baanik, benanik ta bayuk. Albeyaik te ya xꞌochik ta jnopojel kuꞌune spisil ta jkaj te genteetik ta balmilale. Aꞌbeyaik yichꞌ jaꞌ ta sbiil te jTate sok ta jkuenta euk te Nichꞌanilone, sok ta skuenta te Chꞌul Espiritue.

Bible in Tzeltal Bachajón

¹⁹ Ha yu'un bahanic, otsesahic ta jnopojel spisil te nacionetic, ac'ticlambeyahic yich'ic ha' ta scuenta te Tatil, te Nich'anil soc te Ch'ul Espíritu,

Bible in Tzeltal de Oxchuc y Tenejapa

¹⁹ Jich yu'un, baanic, soc albeyaic te ya x'ochic ta jnopojel cu'un spisil ta jchajp te nacionetic, soc ac'beya yich'ic ja' ta swenta te Tatile, soc ta swenta te Nich'anile, soc ta swenta te Ch'ul Espiritue.

San Mateo 28:19 Referans Kwoze

Hechos 1:8

Pero te kꞌalal ya xtal te Chꞌul Espíritu te ya xjul ta akuentaike ya me awichꞌik apoderik. Jich me testigo ya xkꞌoex kuꞌun ta Jerusalen, sok spisil ta estado yuꞌun Judea, sok ta estado yuꞌun Samaria, y sok ta spisil te balmilale —xchi.

Gálatas 3:27

Porke ta apisilik te la awichꞌikix jaꞌe jich jun nax a kꞌoex sok a te Cristoe, y jich jelonemexix ta skuenta a te Cristoe.

Romanos 10:18

Pero te joꞌone ya jojkꞌoy: “¿Me yuꞌun wan maꞌ yaꞌiybeyik sluwar te skꞌop Diose?” xchion. Puersa ay a yaꞌiyik, porke te Sjun Diose jich ya yal: “Ta spisil te balmilale pujkix bael ta alel yuꞌunik, y asta ta último srinkonal te balmilale kꞌotix te skꞌopike”, xchi me.

Efesios 2:18

Yuꞌun ta skuenta te Cristoe, jpisiltik ta xchebal jtejklum ya xjuꞌ xtijilajotik ta stojol te Tatile ta skuenta jun nax te Espiritue.

Hechos 28:28

“Jaꞌ yuꞌun, naꞌbeyaik me sluwar: Te ora to sok pajel chabe baele te kolel yuꞌun te Diose jaꞌ me ya xkꞌot ta skuenta te machꞌa ma juriyouke. Jaꞌ ya yaꞌibe sluwar stukelik —xchi te Pabloe.

Hechos 2:41

Jich te machꞌatik la yakꞌik ta jkuenta te skꞌop Dios te la yal te jPedroe, akꞌtalanbot yichꞌjaꞌ. Te kꞌaal abi ay wan tres mil ta jtul a pꞌolik te hermanoetike.

1 Pedro 3:21

Y te skꞌoplal jaꞌ abi, ja xyal te ichꞌjaꞌe, te jaꞌ ta skuenta te kolemotikix te ora to. Ma yuꞌunuk ya spokbotik lokꞌel te yijkꞌal jtiꞌbalultike, sino ke jaꞌ kꞌanbeyel te Diose te ya slekutes te koꞌtantike. Jich ya skoltayotik te tutꞌil chaꞌkux tal te Jesucristoe.

1 Corintios 15:29

Teme makꞌ xchaꞌkux te animaetike, lom nax te ay machꞌatik la yichꞌik jaꞌ yuꞌun te machꞌatik chamenikixe. Teme makꞌ xlaj chaꞌkuxe te machꞌatik chamenik, ¿tuꞌun te la yakꞌ sbaik ta ichꞌjaꞌ yuꞌun teme jichte?

Hechos 14:21

Patil la yalik te lek achꞌ kꞌop te ba jtejklum Derbee, te ba bayal a yaꞌbeyik xchꞌuun Jesus te genteetike. Ta patil sujtik xan bael ta jtejklum Listra, sok ta Iconio, sok ta jtejklum Antioquia.

Colosenses 1:23

Pero yuꞌun te jich aye ya skꞌan te jmel nax jun awoꞌtanik sok te xchꞌuunel awoꞌtanike. Ma me xtal xbajtukex ta smaliyel te tut ya awichꞌik yuꞌun te skꞌoplal kolel te la awaꞌiyike. Jaꞌ to jaꞌ skꞌoplal te la yichꞌix alel ta bayuk nax ta balmilale, jaꞌ te ay kaꞌtel ta yalel ekꞌae, joꞌon te jPabloone.

2 Corintios 13:14

A me kꞌotuk ta akuentaik te slekil yoꞌtan te Kajwaltik Jesucristoe sok te xkꞌuxul yoꞌtan te Diose, sok a me sjoyinex sil tiempo te Chꞌul Espiritue. Jichuk.

Hechos 9:18

Y ora nax a chꞌay koel ta sit te Sauloe pajal yilel sok te tutꞌil sulil chaye, y jich a yil kꞌinal. Jicha jajch te Sauloe y aꞌbot yichꞌja.

San Mateo 13:52

La yal te Jesuse: —Te maestroetik yuꞌun te mantaliletike te snaꞌojbe sluwaril te tutꞌil ay ta ajwalinel te Diose jaꞌ pajal kꞌoem sok te tutꞌil ay te jtul yajwal nae. Te tutik skꞌejoje ya snaꞌ slokꞌesel tal te achꞌ toe sok te tuuntesbilixe —xchi.

1 Juan 5:7

Oxeb te testigoetik ta chꞌulchane: jaꞌ te Tatile, sok te machꞌa Skꞌop Diose, y sok te Chꞌul Espiritue. Y te yoxebal to jun nax te tut ya yalike.

San Mateo 25:32

Spisil ta jkaj te genteetike ya me stsobtalanot tal ta stojol. Y ya me xatꞌalan bael jich tutꞌil te jkanan-karnerae. Jtijk ya yakꞌ te karnerae y jtijk ya yakꞌ te chiboetike.

Hechos 1:2

jaꞌ to te kꞌalal ikꞌot moel ta chꞌulchane. Te kꞌalal ma to xbajt ta chꞌulchan ae, la stꞌuj te apostoletike. Ta skuenta te Chꞌul Espiritue la spas jilel ta mantal te tut ya skꞌan spasike.