San Mateo 28:18 - Nuevo Testamento Tzeltal de Amatenango

¹⁸ Te Jesuse tijilaj tal te ba ayike. Jicha yal: —Dios a yaꞌbonix ta jkuenta spisil te chꞌulchan sok te balmilale.

Bible in Tzeltal Bachajón

¹⁸ Nohpoj tal te Jesús, hich la yalbe: A'botonix quich' tulan ca'tel ta ch'ulchan soc ta bahlumilal.

Bible in Tzeltal de Oxchuc y Tenejapa

¹⁸ Te Jesús noptsaj tel tey a ta banti ayique. Jich la yal: —Spisil ac'botonix tulan cat'el ta swentainel ch'ulchan soc balumilal.

San Mateo 28:18 Referans Kwoze

San Juan 3:35

Te Tatile kꞌux ta yoꞌtan te xNichꞌane; jaꞌ yakꞌojbe ta skꞌab spisil te tutik aye.

1 Pedro 3:22

Jaꞌ te machꞌa mo bael ta chꞌulchane, y te ayix ta sbatsꞌil te Diose, sok te jaꞌ ya xchꞌuunbot smantal yuꞌun te angeletike y sok te yanetik te ay yaꞌtelik y ay spoderike.

San Mateo 11:27

Sok la yal xan: —Te jTate yakꞌojbon ta jkꞌab spisil te tutik aye. Maꞌyuk machꞌa ya snaꞌbon jba joꞌon te Nichꞌanilone, jaꞌ nax ya snaꞌbon jba te jTate. Sok maꞌyuk machꞌa ya snaꞌbe sba te jTate, joꞌon nax jtukel te ya jnaꞌbe sbae, sok euk te machꞌa jayeb ya kaꞌbe snaꞌbeyik sbae.

Hebreos 2:8

Spisil la awaꞌbey spas ta mantal”, xchi me. Jich yuꞌun te la yaꞌbey spas ta mantal spisil aye, maꞌyuk tut maꞌ yakꞌ Dios te ma xchꞌuunbot mantal ta skuentae. Pero ma to ya kiltik teme spisil ya xchꞌuunbot smantal yuꞌune.

1 Corintios 15:27

Porke Dios yakꞌojbeyix te spisil ya spuchꞌ ta tekꞌele. Pero te kꞌalal jich ya yal te spisil ya xꞌaꞌbot ta skuentae, jich chikan ta jamal a te ma aꞌbiluk ta jkuenta a te Diose. Jaꞌ nax Dios te la yakꞌ ta skuenta Cristo spisil te tutik aye.

San Juan 17:2

Yuꞌun la awaꞌbonix kaꞌtel ta stojol spisil te genteetike, yuꞌun jich me ya kakꞌ kuxuyinuk sbajtel kꞌinal spisil te machꞌa la awaꞌbon ta jkꞌabe.

Hebreos 1:2

Te ora to, jaꞌ te slajibal kꞌaal, la skꞌoponotik ta skuenta te Xnichꞌane. Ta skuenta te Xnichꞌane, Dios la spas chꞌulchan balmilal, y jaꞌ a yaꞌbe yuꞌunin spisil te tutik aye.

Colosenses 2:10

Y te jaꞌexe tsꞌakal awichꞌojbeyik slekilal te Diose yuꞌun jun nax ayex sok te Cristoe, te jaꞌ jolol yuꞌun spisil te chꞌul angeletik te ay spoderik sok te ay yaꞌtelike.

San Lucas 10:22

Y la yal xan: —Te Jtate la yaꞌbonix entregal ta jkꞌab spisil te tutik aye. Maꞌyuk machꞌa ya snaꞌbe sluwar te machꞌa a te Nichꞌanile; jaꞌ nax ya snaꞌbe sluwar te Jtate, Sok maꞌyuk machꞌa ya snaꞌbe sluwar te machꞌa ekꞌa te Jtate; jaꞌ nax stukel te Nichꞌanil te ya snaꞌbe sluware. Sok euk te jayeb machꞌa ya yaꞌbe snaꞌbe sbae —xchi te Jesuse.

Apocalipsis 19:16

Te ba spalala kamixe y sok te ba yaꞌ tsꞌibabil a te jich ya yale: “Mukꞌul Rey yuꞌun reyetike, y Mukꞌul Ajwalil yuꞌun ajwaliletike”, xchi te sbiile.

Romanos 14:9

Jaꞌ yuꞌun ito cham te Cristoe y chaꞌkux tal. Jaꞌ ajwalil yuꞌun te machꞌatik chamenike y sok te machꞌatik kuxajtike.

Apocalipsis 17:14

Ya me yaꞌbe sbaik sok ta skontrainel te Chꞌin Karnerae, pero te Chin Karnerae ya me stsaltalan. Porke jaꞌ stukel Ajwalil yuꞌun te ajwaliletike y Rey yuꞌun te reyetike. Y te machꞌatik ay ta skuentae jaꞌ ikꞌtalanbil y tꞌujtalanbil yuꞌun Dios y jun yoꞌtanik ta stojol —xchi.

Apocalipsis 11:15

Te sjukebal ángele la yokꞌesin te skornetae. Y la kaꞌiy tulan kꞌop ta chꞌulchan, te jich la yalike: “Te machꞌa ay ta skuenta te ya xꞌoch ta ajwalil ta sba te balmilale jaꞌ japubil yuꞌun te Kajwaltike y sok te Cristo yuꞌune. Y ya xꞌoch ta ajwalil ta sbajtel kꞌinal”, xchiik.

San Mateo 26:64

La sjakꞌ te Jesuse: —Joꞌon abi, jich te tut ya awale. Y joꞌon ya kalbeyex: Ya me awilik te Nichꞌanile, nakal ta sbatsꞌil kꞌab te Dios te spisil ya xjuꞌ yuꞌune, sok te ya xtal ta stokalul chꞌulchan —xchi.

Hechos 2:36

Naꞌaik me te jaꞌexe jtejklum israel te tut batsꞌi jiche, te jaꞌ mismo ya kalbeyex skꞌoplal te Jesuse te la ajojkꞌanik ta kruse. Te Diose la yakꞌix ta ilel te jaꞌ te Cristoe sok te jaꞌ Kajwaltik stukele —xchi te jPedroe.

Hechos 10:36

Dios a stikon ta alel ta stojol te stsꞌumbal israeletik te jaꞌ ay bujtsꞌan kꞌinal ta skuenta te Jesucristoe te jaꞌ Ajwalil yuꞌun spisil te genteetike.

San Mateo 16:28

Jamal ya kalbeyex ay machꞌatik te liꞌ ayik to te ma to xchamik ae jaꞌ to teme ya yilik ya xtal te Nichꞌanile jich tutꞌil rey —xchi te Jesuse.

San Juan 3:31

Te machꞌa talem ta ajkꞌole jaꞌ mas mukꞌ stukel ke te spisil tutik aye. Te machꞌa skuenta nax balmilale ay nax ta skuenta balmilal, sok jaꞌ nax ya snaꞌ yalel te tut skuenta nax balmilale. Pero te machꞌa talem ta chꞌulchane, jaꞌ mas mukꞌ ke te tutik aye.