San Mateo 28:10 - Nuevo Testamento Tzeltal de Amatenango

¹⁰ Te Jesuse jich a yaltalanbe: —Ma me xiꞌanik. Baanik, albeyaik te kermanotaktike aꞌ me bajtikuk te ba Galileae. Teꞌ me ya xkꞌo yilikon a —xchi te Jesuse.

Bible in Tzeltal Bachajón

¹⁰ Hich halbotic yu'un te Jesús: Ma xiwex. Bahanic, halbeyahic ya'iy te quermanotac te bin yach'il c'ohtix ta pasel. Ac'a bahticuc ta Galilea, tey ya xc'oht yilonic a, xchi.

Bible in Tzeltal de Oxchuc y Tenejapa

¹⁰ Jich la yal te Jesuse: —Ma me xiwex. Baan, albeyaic te quermanotac te bila yach'il c'ot ta pasele, swenta yu'un ya me xbajt'ic ta sq'uinal Galilea. Tey me ya xc'o yilonic a —xi' te Jesuse.

San Mateo 28:10 Referans Kwoze

Romanos 8:29

Jaꞌ te machꞌatik tsabilik ta nail to yuꞌun te Diose, te la snop Dios ta slijkibal to te jich ya xkꞌotik te tutꞌil Xnichꞌane. Yuꞌun jich ya xkꞌot te Xnichꞌan te jaꞌ bankilal yuꞌun te bayal yijtsꞌinabe.

San Juan 20:17

Te Jesuse la yalbe: —Ma me apikon, porke ma to moemukon bael ta ba ay te jTate. Pero baan, ban albeya te kermanotake yuꞌun ya xboon te ba ay te jTate, te aTatik euk te jaꞌexe, te Dios kuꞌune, sok te Dios awuꞌunik euk te jaꞌexe —xchi.

San Mateo 28:7

Baanik ta ora, baan albeyaik te jnopojeletike te chaꞌkuxemix baele. Y ya me xnalaj bael awuꞌunik te ba Galileae. Teꞌ me ya xkꞌo awilik a. Jaꞌ me te tut ya kalbeyex to —xchi te chꞌul ángele.

San Marcos 16:7

Baan, albeyaik te jnopojeletik sok euk te Pedroe te ya xnailaj bael awuꞌunik te ba Galilea te Jesuse. Teꞌ me ya xkꞌo awilik a, jich te tutꞌil la yalbeyexe —xchi.

San Mateo 28:5

Te chꞌul ángele la yalbe te antstike: —Ma me xiꞌanik. Ya jnaꞌ te jaꞌ ya aleik te Jesus te milot ta kruse.

San Mateo 14:27

Te Jesuse la skꞌoponlan ta ora: —Ayuk spuersa awoꞌtanik. Joꞌon ya awile, ma xiꞌanik —xchi.

San Juan 6:20

Te Jesuse la yaltalanbe: —Joꞌon me. Ma me xiꞌanik —xchi.

San Mateo 25:45

“Te ajwalile ya me yalbe: “Jamal ya kalbeyex te tutꞌil ma jichuk la apasbeyik jtuluk te machꞌatik chꞌin yakꞌoj sbaike, joꞌonix ma jichuk la apasbikon abi”, ya me yut.

San Mateo 25:40

“Ya me yalbe te ajwalile: “Jamal ya kalbeyex te tutꞌil jich la apasbeyik jtuluk te kermanotake te ben chꞌin yakꞌoj sbaike, joꞌon la apasbikon abi”, ya me yut.

San Mateo 26:32

Pero te tut ora ya xchaꞌkuxon tale, ya me xnalajon awuꞌunik ta Galilea —xchi te Jesuse.

San Mateo 28:9

Pero te Jesuse la stajtalan ta be y la spatbe yoꞌtanik. Te antstike laj tijilajik tal te ba ay te Jesuse, la skejan sbaik y la skꞌechbeyik te yoke.

San Mateo 28:16

Jich te buluchtul jnopojeletik yuꞌun te Jesuse laj bajtik ta slum Galilea te ba wits te altalanbile.