San Mateo 27:54 - Nuevo Testamento Tzeltal de Amatenango

⁵⁴ Te kapitane sok te soltaroetike te yipalik ta skanantayel te Jesuse la yilik te nijk te balmilale sok spisil te tuti kꞌot ta pasele. Jun xiꞌel a yichꞌik. Jich a yalik: —Jicha nix a te jaꞌ Xnichꞌan Dios te winik to —xchiik yuꞌun.

Bible in Tzeltal Bachajón

⁵⁴ Te capitán-soldado soc te mach'atic sjoquinejic ta scanantayel te Jesús, c'alal la yilic te nihquel soc te bin c'oht ta pasel, bayel xiw yo'tanic yu'un, hich la yalic: ¡Ta mero melel ha Snich'an Dios ini! xchihic.

Bible in Tzeltal de Oxchuc y Tenejapa

⁵⁴ Te centurión yu'un soldadoe soc te mach'atic sjoineje te yacalic ta scanantayel Jesús soque, bayal xiwic yu'un te la yilic te bit'il nijc' te balumilale soc te bayal bila c'ot ta pasele. Jich la yalic: —Melel nix a te ja' Snich'an Dios in winic to —xiic yu'un.

San Mateo 27:54 Referans Kwoze

San Marcos 15:39

Te statal-soltaro te tekꞌel a ba jokꞌol te Jesuse, te kꞌalal la yil te tutꞌil chamixe, jich a yal: —Batsꞌi jich a nix a te jaꞌ Xnichꞌan Dios te winik to —xchi.

San Mateo 27:36

Y la snajkan sbaik ta skanantayel te ba yanil skruse.

San Mateo 27:43

Teme jaꞌ xchꞌuunej te ya xkoltayot yuꞌun te Diose, aꞌ me koltayek yuꞌun ora to teme jich ya skꞌan te Diose. Jich a yal te jaꞌ Xnichꞌan Dios ta skꞌope —xchiik.

Hechos 27:43

Pero te statal yuꞌun te soltaroetike kꞌan skoltay te jPabloe, jich maꞌ yakꞌ te jich ya spasike. Sinoke la yal mantal te machꞌa ya snaꞌba jaꞌe aꞌ xchꞌoj sba ochel nailuk ta jaꞌ yuꞌun nail ya xlokꞌ kꞌoel a ba luware.

Hechos 27:1

Te kꞌalal nojp yuꞌunik te ya stikonotik bael ta estado yuꞌun Italiae, te jPablo sok te yan jchukeletike akꞌot bael entregal ta skꞌab jtul statal soltaro te Julio sbiile te ay ta aꞌtel ta skuenta jtijkꞌ soltaroetik yuꞌun te César Augustoe.

Hechos 23:23

Te statal soltaro te ay tulan yaꞌtele la yikꞌ tal chaꞌtul te stataletik yuꞌun te juju-tijkꞌ soltaroe, y la yakꞌ mantal te ya xba xchap dosiento ta jtul soltaroetik te ya xbeen ta yokike, y setenta ta jtul te moemik ta kawu, y dosiento ta jtul te yichꞌoj slansaike, yuꞌun ya xlaj bajt ta jtejklum Cesarea ta las noebe ajkꞌubal.

Hechos 21:32

Te statal soltaroe la stsob te soltaroetike y sok te stataletike y xyalajan kꞌael te ba ay te gentee. Te kꞌalal la yilik te statal soltaro sok te soltaroetike, te gente la skom sbaik ta smajel te jPabloe.

San Mateo 8:5

Kꞌalal yipal ochel bael ta jtejklum Capernaum a te Jesuse, tijilaj tal ta stojol jtul statal-soltaro yuꞌun Roma. Tal skꞌambey pawor te Jesuse.

San Mateo 4:3

Jaꞌ yuꞌun te pukuje tal yilbe yoꞌtan te Jesuse. Jich a yal: —Teme jich awal te Xnichꞌanat te Diose, albeya i tonetik to te ya xkꞌajtaj ta waje —xchi te pukuje.

Apocalipsis 11:13

Y mismo tiempo ya xtal tulan jikichab, y ta skaj te jikichabe ya xjem koel xejtꞌ ta slajunxejtꞌel te mukꞌul jtejklume, y siete mil ta jtul gente ya xcham. Te machꞌatik kuxajtik to jilele, ben xlaj xiꞌik sok ya la yalbeyik slekilal te Dios te ay ta chꞌulchane.

Romanos 1:4

Pero te kꞌalal chaꞌkux tal te ba animaetike ta skuenta te Chꞌul Espíritu, jamal a akꞌot ta ilel te jaꞌ Xnichꞌan Dios te aꞌbot bayal spodere.

Hechos 23:17

Te jPabloe la yikꞌ tal te jtul statal jtijk soltaroe y la yalbe: —Ikꞌa bael te kerem to ta stojol te statal soltaro te ay tulan yaꞌtele, yuꞌun ay tut ya yal —xchi.

Hechos 10:1

Ay jtul winik te ay ta jtejklum Cesarea te jCornelio sbiile, te jaꞌ statal yuꞌun sien soltaroetik te Italiano sbiilike.

Hechos 2:37

Te kꞌalal la yaꞌiyik te machꞌatik te tsobolik ae, lom kꞌux a yaꞌiyik kꞌot kꞌalal ta yoꞌtanik, y la sjojkꞌobeyik te jPedroe y sok te yanetik xan apostoletike: —Kermanotak, ¿tut lek ya skꞌan jpastik? —xchiik.

San Juan 19:7

Te juriyoetike la sjakꞌtalanik: —Te joꞌotike ay mantaliletik kuꞌuntik te ya yal a te tut ya yichꞌ milele, porke ya yal sba te jaꞌ xNichꞌan Dios ta skꞌope —xchiik.

San Lucas 22:70

Te nax a spisilik a sjojkꞌobeyik: —¿Meꞌn jaꞌat te Xnichꞌanat te Diose? —xyutik. Te Jesuse la sjakꞌtalanbe: —Jich tutꞌil ya awalike, joꞌon nanix a —xchi.

San Mateo 27:40

La yalik: —Jaꞌat ya awal te ya ajim te temploe sok te oxeb nax kꞌaal ya achaꞌ-apas xan ta akꞌope, koltaya aba atukel kiltik. Teme jich te jaꞌat Xnichꞌanat te Diose, koan tal te ba kruse —xchiik ta yikꞌtinel.

San Mateo 26:63

Pero te Jesuse ni jpꞌaluik a kꞌopoj. Jich te statal-saserdote la yalbe xan: —Ta sbiil te kuxul Diose ya kalbeyat ya me awal ta jamal teme jaꞌat Cristoat te Xnichꞌanat te Diose —xyut.

San Mateo 27:51

Mismo tiempo a te spakꞌal templo te makal aye chꞌiꞌ koel ta sba kꞌalal ta yeꞌtal. Nijk te balmilale, sok laj jat te chꞌentikile.