San Mateo 27:35 - Nuevo Testamento Tzeltal de Amatenango

³⁵ Te kꞌalal jokꞌolix ta krus yuꞌunik ae, te soltaroetike lijk stsal sbaik ta tajmal yuꞌun ya yilik machꞌa ya xkꞌot ta suerte te skꞌuꞌ-spakꞌ te Jesuse.

Bible in Tzeltal Bachajón

³⁵ Te c'alal jipilix ta cruz yu'unic a, la spuc sbahic te sc'u' spac', la spasbeyic seña ta na'el te mach'a ya xc'oht ta scuenta, scuenta yu'un hich ya xc'oht ta pasel a te bin yaloj te jalwanej: La spuc sbahic a te jc'u' jpac', la spasic seña ta na'el ta scuenta te jc'u', te xchihe.

Bible in Tzeltal de Oxchuc y Tenejapa

³⁵ Te c'alal la sjijp'aniquix ta cruz, te soldadoetic caj spasic ta número yilic te bila ya xc'ot ta swentaic juju-jtul yu'un te sc'u'-spac' te Jesuse. Jich c'ot ta pasel te bila yaloj jilel te j'alwanej yu'un te Diose: “La spucbey sbaic te jc'u'-jpaq'ue. La spasic ta número yilic te mach'a ya xc'ot ta swenta te jc'u'e”, te xie.

San Mateo 27:35 Referans Kwoze

San Lucas 23:34

Te Jesuse la yal: —Jtat, pasbeya perdon, porke ma snaꞌik te tut ya spasike —xchi. Te soltaroetike lijkik ta tajmal yuꞌun ya yilik te machꞌa ya xkꞌot ta skuenta te skꞌuꞌ-spakꞌ te Jesuse.

Hechos 4:10

Lek ay, ya kaltik ta jamal ta atojolik, yuꞌun jich ya snaꞌik a spisil te jtejklum israele. Te winik te liꞌiyix ta atojolike, ta skuenta te Jesucristo te talem ta Nazarete jich lekubenix. Jaꞌ mismo te jaꞌex la ajojkꞌanik ta kruse, y te Dios a chaꞌkusesot tal yuꞌun te ba ay te animaetike.

San Juan 20:27

Te nax a la yalbe te jTomase: —Otsesa liꞌ te yal akꞌab y ila awil te jkꞌabe. Y akꞌa tal te akꞌabe, otsea liꞌ ba jkostiyae. Ma me jichukat te tutꞌil machꞌa ma xchꞌuune. Chꞌuuna me —xchi.

San Juan 20:20

Te kꞌalal jich a yaltalanbeye, la yakꞌtalanbe yil te skꞌabe sok te skostiyae. Te jnopojeletike junub yoꞌtanik yuꞌun te la yilik te Kajwaltike.

San Juan 20:25

Ta patil te yan xan jnopojeletike la yalbeyik: —La kiltikix te Kajwaltike —xchiik. Pero te jTomase la sjakꞌtalanbe: —Teme maꞌ kilbe te skꞌab te ba ejchenajemik yuꞌun te lawuxe sok teme ma kotses yal jkꞌab a ba ejchenajemik yuꞌun te lawuxe, sok te ba skostiyae, ma xjuꞌ ya jchꞌuun —xchi.

Hechos 2:23

Pero te kꞌalal akꞌot entregal ta akꞌabik te Jesuse, te tutꞌil jich snopoj ta primero te Diose, te jaꞌexe la atsakik y la amilik, yuꞌun la awaꞌbey ta skꞌabik te machꞌatik ma snaꞌbeyik sba te Diose te la sjojkꞌanik ta krus.