San Mateo 27:24 - Nuevo Testamento Tzeltal de Amatenango

²⁴ Te kꞌalal la yil te Pilato te maꞌyuk tut ya xjuꞌ yuꞌune, sok mas tulan xan alijk ta aw te genteetike, la stikon tal ta ichꞌel jaꞌ, y la spok skꞌab ta sit te genteetike. Jich a yal: —Ya me jpok te jkꞌabe yuꞌun jich me ya awilik te makꞌ jchꞌik jba ta smalel xchꞌichꞌel te winik to te maꞌyuk smule. Jaꞌex me ya amulinik atukelik —xchi.

Bible in Tzeltal Bachajón

²⁴ C'alal la yil te Pilato te mayuc bin ya xchapaj, te yac ta behbe tohyel sc'opic, la yich' tal ha', la spoc sc'ab ta stojol te ants-winiquetic, hich la yal: Te ho'one ma ba ya jmulimbe sch'ich'el te winic ini. Ila me abahic atuquelic, xchi.

Bible in Tzeltal de Oxchuc y Tenejapa

²⁴ Te bit'il ma'yuc bi ya xju' yu'un la yil te Pilatoe, soc te bit'il bayal yac ta toyel yawic te lume, jich la sc'an tel ja' spoc sc'ab ta stojolic. Jich la yal ta spoquel te sc'abe: —Ma xju' ya jmulinbey smalel xch'ich'el in winic te toje. Ja'ex me ya amulinic atuquelic —xi'.

San Mateo 27:24 Referans Kwoze

San Mateo 27:4

Jich a yal: —Mulawonix yuꞌun la kakꞌix ta entregal ta milel te winik te maꞌyuk smule —xchi. Pero la sjakꞌtalanik: —Ma kocheltikuk te joꞌotike. Jaꞌat ayix ta akuenta —xyutik.

2 Corintios 5:21

Te Cristoe maꞌyuk a sle smul stukel. Pero joꞌotik ta jkajtik, te Diose la yaꞌbe skuch te jmultike, yuꞌun jich ta skuenta Cristo ya xkolotik yuꞌun te jmultike.

1 Pedro 3:18

Porke te Cristoe kꞌax swokol ta milel yuꞌun te jmultik te jun nax buelta ta sbajtel kꞌinale. Lek yoꞌtan stukel, pero kꞌax swokol yuꞌun te machꞌatik ma lekuke, yuꞌun ya yikꞌex bael ta stojol Dios te jaꞌexe. Jich tutꞌil winik cham te stiꞌbalule; pero chaꞌkux sok te xchꞌulele.

San Mateo 26:5

Pero la yalik: —Ma me jaꞌuk ya jtsaktik a ta skꞌaalel te kꞌine, yuꞌun me jich makꞌ xlijk kꞌop yuꞌun a te jtejklume —xchiik.

Hechos 3:14

Ma la akꞌanik te ya xkol te machꞌa lek y toje; te jaꞌexe jaꞌ la akꞌanbeyik skolel te machꞌa beno smule.

San Juan 19:4

Chaꞌlokꞌ xan tal te jPilatoe, y la yaltalanbe: —Ila awilik, ya jlokꞌes tal te winike. Ya me anaꞌik a te ni maꞌyuk a jtabe smule —xchi.

San Mateo 27:54

Te kapitane sok te soltaroetike te yipalik ta skanantayel te Jesuse la yilik te nijk te balmilale sok spisil te tuti kꞌot ta pasele. Jun xiꞌel a yichꞌik. Jich a yalik: —Jicha nix a te jaꞌ Xnichꞌan Dios te winik to —xchiik yuꞌun.

San Mateo 27:9

Jich a kꞌot ta pasel te tut yaloj te jꞌalwanej yuꞌun Dios te Jeremias sbiile, te jicha yale: “La yichꞌik te treinta ta sejp te plata-takꞌine te jicha kꞌot ta nopel yuꞌun te jꞌisraeletike.

San Mateo 27:19

Te tutꞌil nakal te ba smeltsaꞌanwan te jPilatoe, te yiname la stikonbe tal mantal: “Ma me achꞌik aba a te winik me to te maꞌyuk smule. Yuꞌun te ajkꞌubeye ben tulan a wayuchejon yuꞌun”, xchi te skꞌope.

San Mateo 27:23

Te Pilato la yal: —¿Tut a te ma lekuk spasoje? —xchi. Pero mas tulan a lijkik ta aw: —¡Mila ta krus! —xchiik.

San Juan 13:9

La yal te Simon Pedroe: —Teme jich Kajwal, ma me jaꞌuk nax ya apokbon te koke, ya me apokbon jkꞌab sok jol —xchi.