San Mateo 27:19 - Nuevo Testamento Tzeltal de Amatenango

¹⁹ Te tutꞌil nakal te ba smeltsaꞌanwan te jPilatoe, te yiname la stikonbe tal mantal: “Ma me achꞌik aba a te winik me to te maꞌyuk smule. Yuꞌun te ajkꞌubeye ben tulan a wayuchejon yuꞌun”, xchi te skꞌope.

Bible in Tzeltal Bachajón

¹⁹ Te c'alal hucul ta chahpajibal te Pilato, ticombot ta halbeyel yu'un te yihnam: Ma me ayuc bin xapasbe te mach'a toj yo'tan, como te naxe c'ax bayel jwocol la jca'iy ta jwayich ta scuenta te winique, xchi.

Bible in Tzeltal de Oxchuc y Tenejapa

¹⁹ Te bit'il nacal ta bay chajbajibal te Pilatoe, la sticun tel aiyej te yiname te manchuc ya yac' sba a, te melel ma'yuc smul te winique. “Yu'un c'ax jwocol ta swaichinel ta ajc'ubal”, xi' tel te sc'ope.

San Mateo 27:19 Referans Kwoze

San Mateo 27:24

Te kꞌalal la yil te Pilato te maꞌyuk tut ya xjuꞌ yuꞌune, sok mas tulan xan alijk ta aw te genteetike, la stikon tal ta ichꞌel jaꞌ, y la spok skꞌab ta sit te genteetike. Jich a yal: —Ya me jpok te jkꞌabe yuꞌun jich me ya awilik te makꞌ jchꞌik jba ta smalel xchꞌichꞌel te winik to te maꞌyuk smule. Jaꞌex me ya amulinik atukelik —xchi.

1 Pedro 2:22

Te Cristoe ni maꞌyuk a sle smul ni maꞌyuk machꞌa a sloꞌlay ni jtuluk.

San Juan 19:13

Kꞌalal la yaꞌi te jPilatoe, la yakꞌ mantal te ya xlokꞌesot tal te Jesuse. Y te nax a ba snajkan sba te ba ya xchapawane, te Gabata sbiil ta hebreo-kꞌop, te “Limbil Pejchel Tonetik”, xchi kꞌoem.

San Lucas 23:47

Te kꞌalal la yil te tuti kꞌot ta pasel, te statal soltaroe ben tsaꞌam skꞌoplal a yalbe te Diose. Jich a yal: —Batsꞌi jich a nix a te winik to maꞌyuk smul —xchi.

1 Juan 2:1

Kuntikil, ya jtsꞌibabeyex te tutik to yuꞌun jich me makꞌ ya xmulawex a. Aunke teme ay machꞌa ya sle smul, ay jtul Machꞌa ya xkꞌopoj kuꞌuntik ta sit te Tatile, jaꞌ te Jesucristoe, te toj ay stukele.

San Mateo 27:4

Jich a yal: —Mulawonix yuꞌun la kakꞌix ta entregal ta milel te winik te maꞌyuk smule —xchi. Pero la sjakꞌtalanik: —Ma kocheltikuk te joꞌotike. Jaꞌat ayix ta akuenta —xyutik.

San Mateo 2:22

Te kꞌalal la yaꞌiy te Josee te jaꞌ gobiernoix a te Arquelaoe te jil ta sjelol te state te Herodes sbiile, xiꞌ yuꞌun te ya xbajt teꞌae. Sok te tuti albot xan ta xwayuch yuꞌun Dios, jicha bajt ta estado yuꞌun Galilea.

San Mateo 2:19

Te kꞌalal chamix a te Herodese, ay jtul chꞌul ángel yuꞌun te Kajwaltike la yil ta xwayuch te Josee te kꞌalal ay to ta Egipto ae. Jich a yalbe:

San Mateo 1:20

Te kꞌalal jich snopoj spasix ae, ta xwayuch la yil jtul chꞌul ángel yuꞌun te Kajwaltike. Jich a albot yuꞌun: —Jose, te stsꞌumbalat te jDavide, ma me xiꞌan te ya awikꞌ awinamin te xMariae. Yuꞌun te xchꞌin yal te yikꞌoje jaꞌ ta skuenta te Chꞌul Espiritue.

San Lucas 23:41

Te joꞌotike ay rason te ayotik ta wokole, porke jaꞌ yipalotik ta stojel te tut ma tsaꞌamuk jpasojtike. Pero te winik to maꞌyuk tut ma tsaꞌamuk spasoj —xchi.

San Mateo 27:18

Jicha sjojkꞌolanbe yuꞌun snaꞌojbe sluwar te tutꞌil laꞌoꞌtantaybil yuꞌunik te Jesuse te jaꞌ sluwar te la yakꞌik entregale.

Hechos 12:21

Jich te jHerodese la xatꞌbe skꞌaalel te ya skꞌopon te genteetike. Kꞌalal la sta skꞌaalele la slapbe skꞌuꞌ-pakꞌalul te mukꞌul reye, y jicha lijk skꞌopon te genteetike.

Hechos 18:12

Pero te kꞌalal ochemix ta gobierno ta estado Acaya te jGalion sbiile, te juriyoetike la stsob sbaik ta skontroinel te jPabloe, y la yikꞌik bael te ba ya smeltsaꞌawan te jGalione.

Hechos 18:16

Y la yakꞌ ta ikꞌel lokꞌel te ba ya smeltsaꞌanwane.

Hechos 18:17

Jicha ba skomon-tsakonik te Sóstenes, te jtul statal yuꞌun te sinagogae, y la smajik teꞌ mismo a te ba ya smeltsaꞌanwan te jGalione. Pero te jGalione ni ma yocheluk.

Hechos 25:6

Te Festoe ay wan waxakeb o lajuneb kꞌaal te ay ta Jerusalene, te nax a sujt bael ta jtejklum Cesarea. Xchebal kꞌaal skꞌoel a, ba nakluk te ba ya xchapawane, y la yal mantal te ya xꞌikꞌot tal te jPabloe.

Hechos 25:10

Te jPabloe la sjakꞌbe: —Liꞌ ayon te ba ya smeltsaanwan te César te mukꞌul rey ta Romae. Teꞌ ya jkꞌan ya kichꞌ meltsaanel a. Anaꞌojbe sluwar te maꞌyuk tut ma tsaꞌamuk jpasoj ta stojol te juriyoetike.

Hechos 25:17

Jaꞌ yuꞌun te kꞌalal laj tal liye, maꞌ jalatesix a, sinoke ta xchebal kꞌaal ba jnajkan jba te ba ya smeltsaanwanone y la kakꞌ tal ta ikꞌel te winike.