San Mateo 27:17 - Nuevo Testamento Tzeltal de Amatenango

¹⁷ Te kꞌalal stsoboj sbaikix a te genteetike, te jPilatoe la sjojkꞌolanbe: —¿Machꞌa ya akꞌanik te ya jkoles bael ta prexoe? ¿Me jaꞌ te Barrabase o jaꞌ te Jesus te Cristo skꞌoplale? —xchi.

Bible in Tzeltal Bachajón

¹⁷ Te c'alal stsobojix sbahic a te ants-winiquetic, hich joc'obotic yu'un te Pilato: ¿Mach'a yac ac'anic te ya jcoltaybeyex bahel, ha bal te Barrabás o ha bal te Jesús, te Cristo sbihil? xchi.

Bible in Tzeltal de Oxchuc y Tenejapa

¹⁷ Te c'alal stsoboj sbaiquix tel ta spisilique, te Pilato la sjojc'obey yaiy: —¿Mach'a ya ac'anic te ya jcoltay bael ta chuquele? ¿Ja' bal te Barrabase, o ja' te Jesús te Cristo xi' sc'oplale? —xi'.

San Mateo 27:17 Referans Kwoze

San Juan 19:15

Pero te juriyoetike lijkik ta aw: —¡Bajtuk ta milel! ¡Bajtuk ta milel ta krus! —xchiik. Te jPilato la sjojkꞌolanbe: —¿Me ya wan spas ya kakꞌ ta milel ta krus te rey awuꞌunike? —xchi. Te stataletik yuꞌun te saserdoteetike la sjakꞌbeyik: —Te joꞌotike maꞌyuk yan rey kuꞌuntik, jaꞌ nax te César te ay ta Romae —xchiik.

San Mateo 1:16

Te xnichꞌan te Jacob Jose, te swinikul xMariae te smeꞌ Jesus te Cristo sbiile.

San Mateo 27:16

Ay jtul jprexojel te pujkem skꞌoplal ta bayuk te Barrabas sbiile.

San Mateo 27:18

Jicha sjojkꞌolanbe yuꞌun snaꞌojbe sluwar te tutꞌil laꞌoꞌtantaybil yuꞌunik te Jesuse te jaꞌ sluwar te la yakꞌik entregale.

San Juan 4:25

Te antse la yalbe: —Ya jnaꞌ te ya xtal te jMesias te Cristo xchi ta alele, y te kꞌalal ya xtale ya me yalbotik spisil stukel —xchi.