San Mateo 27:1 - Nuevo Testamento Tzeltal de Amatenango

¹ Sakubix kꞌinal a te statal saserdoteetik sok te moletik yuꞌun te juriyoetike ba snop skꞌopik te ya yakꞌik ta milel te Jesuse.

Bible in Tzeltal Bachajón

¹ C'alal sacub q'uinal, spisil te principal sacerdotehetic soc te mamaletic yu'un te pueblo la schapbeyic sc'oblal te Jesús yu'un ya yaq'uic ta lajel.

Bible in Tzeltal de Oxchuc y Tenejapa

¹ C'alal sacubix tel q'uinal a, spisil te jwolwanej-sacerdoteetic soc te principaletic yu'un te lume la xchap sc'opic te ya yaq'uic ta lajel te Jesuse.

San Mateo 27:1 Referans Kwoze

San Marcos 15:1

Sakubix tal kꞌinal a tal stsob sbaik ta xchapel skꞌopik te statal-saserdoteetike sok te moletike sok te maestroetik yuꞌun te mantaliletike sok taspisil te machꞌatik yichꞌojik yaꞌtelike. Jich la xchukik bael te Jesuse. Ba yaꞌbeyik ta skꞌab te Pilatoe.

San Juan 18:28

La yikꞌik lokꞌel te ba sna jCaifas te Jesuse, sok teꞌ ikꞌot bael te ba spalasio te gobierno romanoe. Ya sakubix tal a te kꞌinale. Te juriyoetike ma ochik bael te ba palasioe, yuꞌun la snaꞌik te ya xꞌixtaꞌa skꞌoplalik teme ya xꞌochike, y jich ma spas ya sweꞌik te weꞌelil yuꞌun te kꞌin Pascuae.

San Lucas 22:66

Te kꞌalal sakubix tal a te kꞌinale, la stsob sbaik tal te moletik yuꞌun te juriyoetike sok te statal saserdoteetike sok te maestroetik yuꞌun te mantaliletike. La yikꞌik bael te Jesuse te ba stsobo sbaik, y la sjojkꞌobeyik:

San Mateo 23:13

“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Yuꞌun te jaꞌexe atsꞌusojikix ta yawe kꞌoem ta stojol te genteetik te spuertaul te ba ay ta mantal te Diose. Ni makꞌ xꞌochex teꞌa te jaꞌexe, sok ma xꞌawakꞌik te ay machꞌa ya skꞌan ya xꞌochik teꞌae.

Hechos 5:21

Te tutꞌil jicha altalanbote, ta yan kꞌaal ben sab a laj och bael ta templo, y lijkik ta pꞌijuteswanej. Te tutꞌil ayikix ta templo ae, te statal saserdotee y te machꞌatik teꞌeyik sok ae, la yikꞌik tal spisil te moletik yuꞌun te israeletike yuꞌun tal stsob sbaik sok te machꞌatik ay yaꞌtelike. Y la yakꞌik mantal te ya xlokꞌesot tal ta prexo te apostoletike.

San Lucas 13:1

Mismo tiempo a, ay machꞌatik a tal yalbe te Jesuse te tutꞌil ay te Galileaetik te ba miltalanek yuꞌun te jPilatoe. Teꞌ malbot xchꞌichꞌel a te ba yipalik ta smilbeyel smajtan te Diose.