San Mateo 26:64 - Nuevo Testamento Tzeltal de Amatenango

⁶⁴ La sjakꞌ te Jesuse: —Joꞌon abi, jich te tut ya awale. Y joꞌon ya kalbeyex: Ya me awilik te Nichꞌanile, nakal ta sbatsꞌil kꞌab te Dios te spisil ya xjuꞌ yuꞌune, sok te ya xtal ta stokalul chꞌulchan —xchi.

Bible in Tzeltal Bachajón

⁶⁴ La sjac' te Jesús: Ha'at nix la awal. Soc ya calbeyex te ta patil ya me awilic te Nich'anil ay ta scuenta winic hucul ta swa'el-c'ab te Dios te ay yu'el soc yac ta talel ta stocalil ch'ulchan, xchi.

Bible in Tzeltal de Oxchuc y Tenejapa

⁶⁴ La sjac' te Jesuse: —Jich te bit'il la awale. Soc ya calbat, ta ora bael to ya me awil te Nich'anil nacal ta swa'el sc'ab Dios te ay yu'ele, soc te ya xtal ta tocal ta sjamalul ch'ulchan —xi'.

San Mateo 26:64 Referans Kwoze

San Marcos 14:62

La yal te Jesuse: —Joꞌon abi. Y te jaꞌexe ya me awilik te Nichꞌanil te nakal ta sbatsꞌil skꞌab te Dios te ay bayal spodere, y te ya xtal ta stokalul te chꞌulchan —xchi.

Hebreos 1:3

Stukel yichꞌojbey stsaꞌamul slekil te Diose, sok jaꞌ mismo ya yakꞌ ta naꞌel tut yilel te Diose. Ta skuenta skꞌop te bayal spodere, jaꞌ te yipajtesej spisil te tutik aye. Ta patil te la spokotik yuꞌun te jmultike, la snajkan sba ta chꞌulchan ta sbatsꞌil te ba nakal te Diose.

Apocalipsis 1:7

¡Ila me awilik, te Cristoe ya me xtal ta tokal! Ta spisilik ya me yilik ta sitik, sok euk te machꞌatik la slowike. Y ta spisil te jtejklumetik ta balmilale ya me yokꞌetaylan sbaik ta stojol. Jichuk me xkꞌot ta pasel. Jichuk.

Hebreos 12:2

Ya me jtojlitik ta kꞌeluyel te Jesuse, yuꞌun stukel la yakꞌ ta ilel te tutꞌil ay ta chꞌuunel te Diose, sok tsꞌakal juꞌ yuꞌun xchꞌuunel. Te Jesuse kꞌax swokol ta krus, sok maꞌyuk skꞌoplal ta yoꞌtan te tutꞌil kꞌexlaltik sba te milel ta kruse. Porke snaꞌoj, teme kꞌax te swokole, ta patil ya me sta sbujtsꞌ yoꞌtan y ben kontento. Y kꞌo najkajuk ta sbatsꞌil snaktajib te Diose.

San Lucas 21:27

Jich me ya xchiknaj ta ilel te Nichꞌanile, te ya xtalix ta tokale sok jpoder sok xojobil te stsaꞌamule.

San Mateo 24:30

Jich me ya xchiknaj ta chꞌulchan te seña te Nichꞌanile. Spisil ta jkaj te genteetik te ayik ta balmilale ya me xkꞌo yokꞌetay sbaik, y ya me yilik te Nichꞌanile. Ya me yilik te yipal ta talel ta tokal ta yolil te chꞌulchane sok jpoder sok bayal xojobil te stsaꞌamule.

San Mateo 26:25

Kꞌopoj euk te Judase, te machꞌa ya xꞌakꞌawan ta entregale y la sjojkꞌoy: —Maestro, ¿Meꞌn joꞌon ya kakꞌat entregal? —xchi. La yal te Jesuse: —Jaꞌat a nix a —xyut.

San Mateo 25:31

“Sok te kꞌalal ya xtal te Nichꞌanile, joyinbil ya xtal yuꞌun te chꞌul angeletike sok xojobil sok stsaꞌamul. Sok ya xjul snajkan sba ta ajwalil te ba ay te smukꞌul naktajibe.

San Mateo 16:27

Jich te Nichꞌanile ya me xtal sok slekilal te jTate sok te xchꞌul angeletik yuꞌune. Ya me xtal kaꞌbe stojol juju-tul chikan te tut spasojike.

Apocalipsis 20:11

La kil jun mam mukꞌul sakil naktajibal, y te machꞌa teꞌ nakal aye. Ta sit lokꞌ bael ta anel ta stojol te chꞌulchan sok te balmilale, y ni maꞌ ba staikix sluwarik a.

1 Tesalonicenses 4:16

Porke ya me kaꞌitik jun tulan kꞌop ta mantal, sok skꞌop te statal angeletik, y sok te yokꞌel korneta yuꞌun te Diose. Y jaꞌ ya xkoj tal ta chꞌulchan te Kajwaltike. Y te machꞌatik xchꞌuunej Cristo a chame, primero ya xchꞌakuxik tal.

Hechos 1:11

Altalanbot yuꞌun: —Galileo winketik, ¿tuꞌun te sigue ya akꞌeluyik moel te chꞌulchane? Jaꞌ mismo te Jesus te anin ta awolilike te ikꞌotix moel ta chꞌulchane, jich me ya xchaꞌtal xan te tutꞌil la awilik a bajt ta chꞌulchane —xchiik te winketike.

San Juan 18:37

Jich a sjojkꞌo xan te jPilatoe: —¿Me jich tsꞌiin te jaꞌat reyate? —xchi. Te Jesuse la sjakꞌbe: —Jaꞌat ya awal te Reyone. Jaꞌ sluwar te ayinone y talon ta balmilal yuꞌun tal kal te tut batsꞌi jiche. Ya me yaꞌibikon te jkꞌope spisil te machꞌatik ayix ta skuenta te tut batsꞌi jiche.

San Lucas 22:70

Te nax a spisilik a sjojkꞌobeyik: —¿Meꞌn jaꞌat te Xnichꞌanat te Diose? —xyutik. Te Jesuse la sjakꞌtalanbe: —Jich tutꞌil ya awalike, joꞌon nanix a —xchi.

San Mateo 27:11

Te Jesuse ikꞌot bael ta stojol te gobiernoe. Jich jojkꞌobot: —¿Me jaꞌat te reyat yuꞌun te juriyoetike? —xchi. La yal te Jesuse: —Jaꞌat te jich ya awale —xyut.

Romanos 14:10

Pero te jaꞌate, ¿Tuꞌun te ya awichꞌ jkuenta te awermanoe? ¿Tuꞌun te ya apꞌaje? Porke jpisiltik ya xkꞌootik ta sit Dios yuꞌun jaꞌ ya yichꞌotik jkuenta.

San Mateo 8:20

La sjakꞌ te Jesuse: —Te soroetike ay snaik ta chꞌen, sok te teꞌtikil mutetike aylan xpechechik stukelik. Yan te Nichꞌanile ma sta ba ya xway kꞌael —xchi te Jesuse.

San Mateo 16:28

Jamal ya kalbeyex ay machꞌatik te liꞌ ayik to te ma to xchamik ae jaꞌ to teme ya yilik ya xtal te Nichꞌanile jich tutꞌil rey —xchi te Jesuse.

San Mateo 22:44

“Te Kajwaltik Dios la yalbe te Kajwale: ‘Naklan ta jbatsꞌil jkꞌab jaꞌ to teme la kaꞌbeyat apuchꞌ ta tekꞌel te akontratake,’ xchi te Diose”, xchi me.

San Mateo 28:18

Te Jesuse tijilaj tal te ba ayike. Jicha yal: —Dios a yaꞌbonix ta jkuenta spisil te chꞌulchan sok te balmilale.

San Lucas 22:69

Pero te ora bael to te Nichꞌanile ya me xkꞌo najkajuk ta sbatsꞌil kꞌab te Dios te lom bayal spodere —xchi.