San Mateo 26:63 - Nuevo Testamento Tzeltal de Amatenango

⁶³ Pero te Jesuse ni jpꞌaluik a kꞌopoj. Jich te statal-saserdote la yalbe xan: —Ta sbiil te kuxul Diose ya kalbeyat ya me awal ta jamal teme jaꞌat Cristoat te Xnichꞌanat te Diose —xyut.

Bible in Tzeltal Bachajón

⁶³ Pero te Jesús mayuc bin la sjac'. Ha yu'un hich halbot yu'un te muc'ul sacerdote: Hala ca'iycotic ta scuenta te cuxul Dios teme ha'at nix a te Cristohat, te Snich'anat te Diose, xchi.

Bible in Tzeltal de Oxchuc y Tenejapa

⁶³ Ja'uc me to, te Jesuse jp'al ma c'opoj. Jich yu'un te muc' sacerdote la yalbey xan: —Ya me awal ta melel ta stojol te cuxul Dios teme ja'at Cristoat te Snich'anat te Diose —la yut.

San Mateo 26:63 Referans Kwoze

San Mateo 16:16

La sjakꞌ te Simon Pedroe: —Jaꞌat Cristoat te Xnichꞌanat te kuxul Diose —xchi.

San Mateo 27:12

Pero te kꞌalal yipalik ta yalel te tut smulinej ta skꞌopik te statal-saserdoteetik sok te moletik, ni jpꞌaluk a sjakꞌ te Jesuse.

San Juan 20:31

Pero jaꞌ nax a yichꞌ tsꞌibayel to yuꞌun jich me ya achꞌuunik a te jaꞌ Cristo sok jaꞌ te xNichꞌan Dios te Jesuse. Y teme la achꞌuunike, ay akuxlejalik sbajtel kꞌinal ta skuenta te Jesuse.

San Juan 19:9

Chaꞌoch xan bael te ba spalasioe. Jicha kꞌo sjojkꞌobe xan te Jesuse: —¿Ba talemat? —xyut. Pero te Jesuse ni jpꞌaluk a sjakꞌbe.

San Juan 19:7

Te juriyoetike la sjakꞌtalanik: —Te joꞌotike ay mantaliletik kuꞌuntik te ya yal a te tut ya yichꞌ milele, porke ya yal sba te jaꞌ xNichꞌan Dios ta skꞌope —xchiik.

San Juan 18:37

Jich a sjojkꞌo xan te jPilatoe: —¿Me jich tsꞌiin te jaꞌat reyate? —xchi. Te Jesuse la sjakꞌbe: —Jaꞌat ya awal te Reyone. Jaꞌ sluwar te ayinone y talon ta balmilal yuꞌun tal kal te tut batsꞌi jiche. Ya me yaꞌibikon te jkꞌope spisil te machꞌatik ayix ta skuenta te tut batsꞌi jiche.

San Juan 10:36

Teme Dios a stꞌujon sok teme la stikonon ta balmilale, ¿Tut yuꞌun te ya awalbikon te ya jtoyba-kꞌoptay te Dios te la kal te xNichꞌanon Diose?

San Juan 10:30

Te joꞌone sok te Tatile jun nax ayotik —xchi.

San Juan 10:24

Jich te juriyoetike la sjoyin y la sjojkꞌobeyik: —¿Jayeb xan kꞌaal te ya awakꞌ xꞌaꞌabiyan koꞌtantik awuꞌune? Teme jaꞌat te Cristoate, albotik ta jamal —xchiik.

San Juan 8:25

Jicha sjojkꞌobeyik: —¿Machꞌaat a chee? —xchiik. Te Jesuse la sjakꞌtalanbe: —La kalbeyexix ta slijkibal to tal.

San Juan 6:69

Te joꞌotike la jchꞌuuntikix, y jnaꞌojtik te jaꞌat Cristoat te xNichꞌanat Chꞌul Diose —xchi.

San Juan 1:49

Te jNatanaele la yalbe: —Maestro, jaꞌat te xNichꞌanat te Diose, sok jaꞌat Reyat yuꞌun te Israele —xchi.

San Juan 1:34

Te joꞌon kilojix, y joꞌon testigoon yuꞌun te jaꞌ Xnichꞌan te Diose —xchi te Juane.

San Marcos 14:61

Te Jesuse ni pꞌaluk a kꞌopoj, ni maꞌyuk tuti yal. Jich te statal-saserdote la sjokꞌobe xan: —¿Jaꞌat wan Cristoat te Xnichꞌan Diose te kꞌaxem stsaꞌamule? —xchi.

San Mateo 27:54

Te kapitane sok te soltaroetike te yipalik ta skanantayel te Jesuse la yilik te nijk te balmilale sok spisil te tuti kꞌot ta pasele. Jun xiꞌel a yichꞌik. Jich a yalik: —Jicha nix a te jaꞌ Xnichꞌan Dios te winik to —xchiik yuꞌun.

San Mateo 27:43

Teme jaꞌ xchꞌuunej te ya xkoltayot yuꞌun te Diose, aꞌ me koltayek yuꞌun ora to teme jich ya skꞌan te Diose. Jich a yal te jaꞌ Xnichꞌan Dios ta skꞌope —xchiik.

San Mateo 27:40

La yalik: —Jaꞌat ya awal te ya ajim te temploe sok te oxeb nax kꞌaal ya achaꞌ-apas xan ta akꞌope, koltaya aba atukel kiltik. Teme jich te jaꞌat Xnichꞌanat te Diose, koan tal te ba kruse —xchiik ta yikꞌtinel.

San Mateo 27:14

Pero te Jesuse ni jpaluk a sjakꞌ. Jich bayal a aꞌabiyan yoꞌtan yuꞌun te gobiernoe.

1 Pedro 2:23

Te kꞌalal la yutik ta kꞌope, ni ma sjakꞌ ta utaw. Te kꞌalal la yaꞌbeyik swokole, ni ma tutiꞌ yal. Sino ke jaꞌ a yaꞌbe ta skuenta te Diose, te toj ya xchapawane.

San Mateo 4:3

Jaꞌ yuꞌun te pukuje tal yilbe yoꞌtan te Jesuse. Jich a yal: —Teme jich awal te Xnichꞌanat te Diose, albeya i tonetik to te ya xkꞌajtaj ta waje —xchi te pukuje.

San Mateo 26:62

Jich te statal-saserdotee la stejkꞌan sba y la sjojkꞌobe te Jesuse: —¿Meꞌn maꞌyuk tut ya awal yuꞌun te tut ya yalbelat ta atojole? —xyut.

2 Corintios 1:19

Porke te Cristo Jesuse makꞌ yal “Jich” sok “Ma jichuk” te mismo tiempo ae. Jaꞌ nax te Xnichꞌan Diose te jaꞌ ya kalbeytikex skꞌoplale, joꞌon sok te Silvanoe sok te jTimoteoe. Te Cristoe stukel batsꞌi jich ta stojol Dios,