San Mateo 26:55 - Nuevo Testamento Tzeltal de Amatenango

⁵⁵ Jich a sjojkꞌolanbe te genteetik te talemik ta tsakawe: —¿Me yuꞌun jꞌelekꞌon te tal atsakikon sok apuñalik sok ateꞌike? Jujun kꞌaal ayon ta pꞌijuteswane ta templo y ma la atsakikon teꞌa.

Bible in Tzeltal Bachajón

⁵⁵ Ta hich ora te Jesús hahch yalbe te winiquetic: ¿Talex bal soc espadahetic soc ate'ic yu'un yac atsaconic hich te bin ut'il jtuhl j'elec'? Jujun c'ahc'al la juhcan jba ta awohlilic ta p'ijubteswanej ta Templo, ma ba la atsaconic.

Bible in Tzeltal de Oxchuc y Tenejapa

⁵⁵ Jich la sc'opon te mach'atic te talemic ta tsacawe: —¿Yu'un bal j'elec'on te tal atsaconic soc apuñalic soc ate'ic? Melel jujun c'aal nacalon ta p'ijubteswanej ta templo ta awolilic te jo'one. Ma la atsaconic tey a.

San Mateo 26:55 Referans Kwoze

San Juan 8:2

Te yan kꞌaal sakubix ta kꞌinal a chaꞌsujt bael ta templo. Te gentee laj tijilaj bael. La snajkan sba te Jesuse, lijk spꞌijuteslan.

San Marcos 12:35

Te kꞌalal yipal ta pꞌijuteswanej ta templo te Jesuse, jich a yal to: —¿Tuꞌun te ya yalik te maestroetik yuꞌun te mantaliletik te jaꞌ stsꞌumbal David te Cristoe?

San Juan 7:28

Te Jesuse la yaꞌi te tut yipalik ta yalele. Yipal ta nojpeswanej ta templo ae, sok tulan a kꞌopoj: —¿Me jich awalik te ya anaꞌbikon jbae y te ya anaꞌik te ba talemone? Pero te joꞌone ma skꞌanojeluk nax koꞌtan te talemone. Jaꞌ tikonbilon tal yuꞌun te Machꞌa stalel jun yoꞌtan te ma xꞌanaꞌbeyik sbae.

San Juan 7:14

Chꞌin ma oliluk a te kꞌine, te Jesuse och bael ta templo y lijk nojpeswanuk.

San Mateo 21:23

Och bael ta templo te Jesuse. Yipal ta pꞌijuteswanej a, tal ta kꞌoponel yuꞌun te statal-saserdoteetike sok te moletik yuꞌun te jtejklume. La sjojkꞌobeyik: —¿Tuti awaꞌtel awichꞌoj ta spasel spisil to? ¿Machꞌa yaꞌbeyat awaꞌtel? —xchiik.

San Mateo 26:47

Yipal to ta kꞌop a te Jesuse, tal te Judase, te jtul ta xlajchaytulul te jnopojeletik yuꞌun te Jesuse. Sjoyinej tal bayal genteetik te chapajtik sok spuñalik sok steꞌik. Jaꞌ tikonlanbil tal yuꞌun te statal-saserdoteetik sok te moletik yuꞌun te juriyoetike.

San Marcos 10:1

Te Jesuse lokꞌ bael te ta Capernaume y bajt ta estado yuꞌun Judea sok ta lum te ba ya xlokꞌ tal kꞌajkꞌal ta jechjaꞌ Jordan. Te stsob sba xan tal a te genteetike. Te Jesuse lijk nojpeswanuk xan jachik tutꞌil ya spasulan ae.

San Lucas 4:20

La stsꞌus te jun te la yile, la yaꞌbey te machꞌa skanantayej te junetik yuꞌun te sinagogae, y la snajkan sba. Spisilik te machꞌatik ayik ta sinagogae la skꞌelubeyik sit te Jesuse.

San Lucas 19:47

Jujun kꞌaal te Jesuse nojpeswan ta templo. Te statal saserdoteetike sok te maestroetik yuꞌun te mantaliletike sok euk te stataletik yuꞌun te jtejklume yipalik ta sleel tutꞌil ya smilik te Jesuse.

San Lucas 20:1

Ay jun kꞌaal te Jesuse yipal ta spꞌijutesel genteetik ta templo, y jaꞌ yipal ta yalbeyel sluwar te lek achꞌ kꞌop yuꞌun te kolele. Laj kꞌot te statal saserdoteetike y sok te maestroetik yuꞌun te mantaliletike sok euk te moletik yuꞌun te jtejklume,

San Juan 8:20

Te Jesuse jich a yal te kꞌalal yipal ta pꞌijuteswane ta templo te ba luwar ba yawil smajtan Diose. Pero ni jtul maꞌyuk machꞌa yal skꞌab ta stsakel, yuꞌun ma to xkꞌot yorail a.