San Mateo 26:41 - Nuevo Testamento Tzeltal de Amatenango

⁴¹ Wikꞌa me asitik, kꞌoponaik me Dios yuꞌun. Jich me makꞌ ya ataik il-oꞌtantayel yuꞌun te pukuje. Porke ay spuersa te awoꞌtanike. Jaꞌ nax te atiꞌbalulik te maꞌyuk yipe —xchi.

Bible in Tzeltal Bachajón

⁴¹ Cuxuluc me awo'tanic soc c'oponahic Dios, scuenta yu'un ma ba yac atahic sujel ta mulil a; melel te espíritu ya sc'an stuquel, pero te baq'uet jteb nax stahel, la yut.

Bible in Tzeltal de Oxchuc y Tenejapa

⁴¹ Wic'a me asitic, c'oponaic Dios, swenta yu'un ma ba ya xyalex yu'un te yiljibal awo'tanique. Melel ay yip stuquel te awo'tanique. Ja' nax te abaq'uetalic te ma'yuc yipe —xi'.

San Mateo 26:41 Referans Kwoze

San Lucas 22:46

La yaltalanbe: —¿Tuꞌun te wayalexe? Jajchanik. Kꞌoponaik Dios yuꞌun makꞌ ya yilbeyex awoꞌtanik a te pukuje —xchi te Jesuse.

San Marcos 14:38

Wikꞌa me asitik, kꞌoponaik Dios, yuꞌun jich me makꞌ stsalex a te loꞌlayele. Te jaꞌexe ben bayal sbujtsꞌ te awoꞌtanike. Jaꞌ nax te atiꞌbalulike te maꞌyuk spuersae —xchi.

Efesios 6:18

Siluk me tiempo kꞌoponaik te Diose. Wokoletanik y kꞌanbeyaik Dios te siluk tiempo ya stojutesex te Espiritue. Kuxuluk me awoꞌtanik. Ma me cheban awoꞌtanik, y kꞌoponbeyaik Dios spisil te machꞌatik xchꞌuunejik Diose.

San Mateo 6:13

Y ma me xaꞌwakꞌ mulawukotik. Koltayaotik me te ba tut ma tsaꞌamuke. Yuꞌun jaꞌat me ya xmantalajat, sok ay bayal apoder, sok ay alekilal ta sbajtel kꞌinal. Jichuk”, xaꞌex ta skꞌoponel te Diose.

San Lucas 21:36

Chapalukex me te jaꞌexe. Kꞌoponaik me Dios ta sil tiempo. Yuꞌun jich me ya xkolex lokꞌel a ta spisil te tutik ya xkꞌot ta pasele, y yuꞌun jich me ya xjuꞌ ya atejkꞌan abaik ta sit te Nichꞌanile —xchi te Jesuse.

Apocalipsis 16:15

“Aꞌiya awaꞌiyik, te joꞌone ya me xtalon, te ma naꞌbiluk tut orae, te jachik tutꞌil jtul jꞌeleke. Ben tsaꞌam slekil te machꞌa xkuxoj yoꞌtane y sok te slapoj skꞌuꞌ-spakꞌe, yuꞌun ma me tꞌaxaluk a y ma me sta kꞌexlal te ya xꞌilot te tꞌaxale”, xchi te Kajwaltike.

1 Corintios 16:13

Kuxa me awoꞌtanik y junuk me awoꞌtanik ta xchꞌuunel te Cristoe. Pasaik me winikil, y ayuk me spuersa awoꞌtanik.

1 Pedro 5:8

Pꞌij me xꞌawakꞌ abaik y kuxuluk me awoꞌtanik. Porke te akontraike, jaꞌ te pukuje, jachik ay tut choj te ya xkꞌuxuxan ye, sok te yipal ta sleel te machꞌa ya sweꞌe.

1 Corintios 10:13

Te jaꞌexe maꞌyuk kꞌaxem awuꞌunik te ilel-awoꞌtanik te ma ba yaꞌiyojik te yanetike. Y te jaꞌexe ya xjuꞌ te ay smukꞌul awoꞌtanik ta stojol Dios te ma xyakꞌ kꞌaxuk awokolik ta ilel awoꞌtanik te lom tulan te ma xkujch awuꞌunike. Pero ma jichuk, te kꞌalal ya xtal te ilel-awoꞌtanike, te Diose ya sle tutꞌ ya skoltayex lokꞌel a, yuꞌun jich ya xjuꞌ awuꞌunik a.

2 Pedro 2:9

Te Kajwaltike snaꞌoj tutꞌil ya skoltay te machꞌatik ya xtal ta sujel ta mulile te jun yoꞌtan xchꞌuunej Diose. Y snaꞌoj tutꞌil ya skꞌej te machꞌatik ma lekikuke te ya yichꞌik kastigo yuꞌun te tut kꞌaalil ya xkꞌot te chapele.

San Mateo 24:42

“Jaꞌ yuꞌun te jaꞌexe, wikꞌa me asitik, yuꞌun ma xꞌanaꞌik tut ora xtalon joꞌon te awajwalonike.

Apocalipsis 3:10

“Apasoj kumplir te mantaliletik kuꞌune te jun awoꞌtan ya atsꞌik awokole, y jaꞌ yuꞌun joꞌon ya jkꞌejat a te tut ora ya xtal te prewa ta stojol ta spisil te balmilale, yuꞌun te ya spasot ta prewa a ta spisil te machꞌatik kuxajtik ta balmilale.

1 Pedro 4:7

Nopolix ya xtal slajibal ta spisil te tutik aye. Jaꞌ yuꞌun, te jaꞌexe naꞌaik me tutꞌ ayex y kuxa me awoꞌtanik ta skꞌoponel Dios.

San Lucas 22:40

Te kꞌalal kꞌotik te ba luware, te Jesuse la yaltalanbe te jnopojeletike: —Kꞌoponaik Dios yuꞌun jich makꞌ yilbeyex awoꞌtanik a te pukuje —xchi.

Gálatas 5:24

Y te machꞌatik ayix ta skuenta te Jesucristoe yakꞌojikix ta lajel ta krus kꞌoem te stiꞌbalulike. Lajix ta pasel yuꞌunik te tut ma tsaꞌamuk ya skꞌupin spasel te stiꞌbalulike y sok te sbikꞌtal yoꞌtanike.

1 Corintios 9:27

Ma jichuk, ya kaꞌbe swokol te jtiꞌbalule y ya jsuj te ya xchꞌuunbone. Yuꞌun ma me joꞌukon mismo ya xchꞌayon jilel ta patil te tutꞌil la jnojpeslan te yane.

San Mateo 25:13

“Jaꞌ yuꞌun te jaꞌexe, kuxuluk me awoꞌtanik, yuꞌun ma xꞌanaꞌik tut ora ni te tut kꞌaalil ya xtal te Nichꞌanile —xchi te Jesuse.

San Mateo 26:38

Jich a yal: —Beno yajtal koꞌtan yuꞌun lajelonix ya kaꞌiy. Jilanik liꞌ to te jaꞌexe. Pajal me xꞌawikꞌ asitik ta jtojol —xchi te Jesuse.

Romanos 8:3

Porke Dios a spasix te tut maꞌ juꞌ yuꞌun spasel te mantaliletik yuꞌun te jMoisese. Yuꞌun maꞌ juꞌ yuꞌun te mantaliletike, ta skaj te maꞌyuk spuersa te stiꞌbalul te mulawil winike. Dios a stikon tal te batsꞌil Xnichꞌan te batsꞌi jachik yilel te tutꞌil jmulawil winike, y la yakꞌ ta milbil majtanil skuenta yuꞌun mulil, yuꞌun jich a yakꞌ ta lajel te mulil te ay ta jtibalultike.

San Lucas 11:4

Aꞌbotik me perdon yuꞌun te jmultike jachik tutꞌil te ya jpasbeytik perdon yuꞌun te machꞌa ya sta smul kuꞌuntike. Y ma me xꞌawakꞌ mulawukotik. Koltayaotik me te ba tut ma tsaꞌamuke, xchaex me, —xchi te Jesuse.

San Lucas 8:13

Te tsꞌunubil te kꞌot ta ba tontikile jaꞌ skꞌoplal te machꞌatik ben jun yoꞌtanik ya xchꞌuunik te skꞌop Diose, pero ma sꞌismaj ta yoꞌtanik. Yal cheꞌoxeꞌ kaal ya xchꞌuunik, te kꞌalal ya xtal ta stojolik te prewae, ora ya xchebaj yoꞌtanik yuꞌun.