San Mateo 26:29 - Nuevo Testamento Tzeltal de Amatenango

²⁹ Pero ya kalbeyex awaꞌiyik te makꞌ ya kuchꞌix a te yaꞌlel tsꞌusube jaꞌ to me te tut ora ya joyinex ta yuchꞌel ta achꞌ te ba ay ta pasaw ta mantal te jTate —xchi te Jesuse.

Bible in Tzeltal Bachajón

²⁹ Ya calbeyex te ma ba ya cuch'ix ha'i ya'lel ts'usub ini ha to ta yorahil te ya joquinex ta yuch'el ta yach'il ta banti ya xcuentahinwan te Jtate, xchi.

Bible in Tzeltal de Oxchuc y Tenejapa

²⁹ Ja'uc me to, ya calbeyex awaiyic te ma ba ya cuch'ix te ya'lel ts'usube ja' to te c'alal ya sta yorail ya joinex ta yuch'el ta banti ay ta ajwalinel te Jtate —xi' te Jesuse.

San Mateo 26:29 Referans Kwoze

Apocalipsis 7:17

Porke te Chꞌin Karnerae, te teꞌey ba yolil te mukꞌul naktajibale, ya skanantaylan jachik tutꞌil ya yichꞌ kanantayel te karneraetike. Y ya yikꞌtalan bael te ba lokꞌi-jaꞌ yuꞌun te kuxlejale. Y Dios ya skustalanbot yuꞌun spisil te yaꞌlel sitike —xchi.

Hebreos 12:2

Ya me jtojlitik ta kꞌeluyel te Jesuse, yuꞌun stukel la yakꞌ ta ilel te tutꞌil ay ta chꞌuunel te Diose, sok tsꞌakal juꞌ yuꞌun xchꞌuunel. Te Jesuse kꞌax swokol ta krus, sok maꞌyuk skꞌoplal ta yoꞌtan te tutꞌil kꞌexlaltik sba te milel ta kruse. Porke snaꞌoj, teme kꞌax te swokole, ta patil ya me sta sbujtsꞌ yoꞌtan y ben kontento. Y kꞌo najkajuk ta sbatsꞌil snaktajib te Diose.

San Marcos 14:25

Jamal ya kalbeyex, te makꞌ ya jkuchꞌix te yaꞌlel tsꞌusube ja to tut ora ya jkuchꞌ ta yachꞌil te ba ay ta mantal te mukꞌ ajwalil te Diose —xchi te Jesuse.

Hechos 10:41

Ma spisiluk a yaꞌbe yil te jtejklume; joꞌotik nax te namey stsaojotik te Diose te jaꞌ testigootik yuꞌune. Te joꞌotike weꞌotik sok y uchꞌaotik sok te kꞌalal chaꞌkuxemix tal a te ba animaetike.

San Juan 17:13

“Te ora to ya xtalonix ta atojol. Pero la kalix jilel spisil to liꞌ ba balmilale, yuꞌun liꞌ to xan ayon to, yuꞌun jich me ya xjunub yoꞌtanik a, jich tutꞌil te joꞌon jun koꞌtane.

San Mateo 13:43

Te machꞌatik lek yoꞌtanik ta stojol te Diose ya me xchiknaj stsaꞌamulik te ba ay ta ajwalil te jTatike, jich me tutꞌil ya xtil xojobil te kꞌajkꞌale. Te machꞌatik ay xchikine, a me yaꞌibe sluwaril ta lek.

Apocalipsis 14:3

Y ya skꞌayojinik jun achꞌ kꞌayoj ta stojol te mukꞌul naktajibale y ta stojol te chaneb te tutik kuxajtike y sok te machꞌatik lom mamalikixe. Ni jtuluk machꞌa ya xjuꞌ yuꞌun snopel te kꞌayoj abi sino ke jaꞌ nax te siento kuarenta y kuatro mil ta jtul te machꞌatik kolemikix lokꞌel ta yolil te machꞌatik aylan ta skuenta balmilale.

San Lucas 15:32

Pero ora to yipalotik nax ta spasel kꞌin yuꞌun ben jun koꞌtantik, porke te awijtsꞌine chamenix a kaꞌiy, pero chaꞌkuxix kꞌoem. Kunta jmel chꞌayemix a kaꞌi, pero la jtajtikix”, xchi te state —xchi ta yalel te Jesuse.

San Lucas 12:32

“Ma me xiꞌanik, karneraetik kuꞌun, jaꞌex te ma bayalukexe. Te Jtatike ben jun yoꞌtan ya yakꞌex teꞌa te ba ya xmantaleje.

San Juan 15:11

“Jich ya kalbeyex to yuꞌun jich me ben jun awoꞌtanik ta jtojol a, y jmel nax me ya awichꞌik te bujtsꞌan kꞌinal ya awaꞌiyike.

San Mateo 28:20

Sok aꞌbeyaik snopik xchꞌuunel spisil te jmantal te kalojbeyexe. Ma me xchꞌay ta awoꞌtanik te sil tiempo joyinejex ta jujun kꞌaale jaꞌto teme laj te balmilale —xchi te Jesuse. Jichuk.

San Mateo 18:20

Jich te ba ya atsob abaik ta cheb-oxeb teme joꞌon ta jkuentae, ayon me ta awolilik —xchi te Jesuse.

San Mateo 16:28

Jamal ya kalbeyex ay machꞌatik te liꞌ ayik to te ma to xchamik ae jaꞌ to teme ya yilik ya xtal te Nichꞌanile jich tutꞌil rey —xchi te Jesuse.

San Juan 16:22

Jich euk te jaꞌexe, ayex ta ajtal-oꞌtan te ora to, pero ya me kilbeyex xan asitik, y jich me ya xjunub awoꞌtanik. Te sbujtsꞌ awoꞌtanike maꞌyuk machꞌa ya spojbeyex.

San Mateo 25:34

“Te ajwalile ya me yalbe te machꞌatik ay ta sbatsꞌil skꞌabe: “Laꞌik te jaꞌexe te ben tsaꞌam alekilik ta stojol te Jtate. Ochanik, ichꞌaik awaꞌtelik ta ajwalil te chapbil ta akuentaik kꞌalal ta slijkibal to tal te balmilal te la spas te Diose.

San Mateo 26:28

Jaꞌ to jaꞌ jchꞌichꞌel te ay spuersa ya xkꞌot a te achꞌ tratee te ya yichꞌ malele skuenta xchꞌayil smulik te bayal ta jtule.

San Mateo 26:30

Te kꞌalal laj yoꞌtanik ta skꞌayojinel te Diose, bajtik ta wits Olivailtik.