San Mateo 26:28 - Nuevo Testamento Tzeltal de Amatenango

²⁸ Jaꞌ to jaꞌ jchꞌichꞌel te ay spuersa ya xkꞌot a te achꞌ tratee te ya yichꞌ malele skuenta xchꞌayil smulik te bayal ta jtule.

Bible in Tzeltal Bachajón

²⁸ ha jch'ich'el ini yu'un te yach'il chapbil-c'op, te ha ya yich' malel scuenta tsobolic yu'un sch'ayojibal mulil.

Bible in Tzeltal de Oxchuc y Tenejapa

²⁸ Ja' jch'ich'el in to, ta swenta te yach'il trato te ya yich' malel swenta perdón yu'un smulic te tsobol ta jtule.

San Mateo 26:28 Referans Kwoze

San Mateo 20:28

Jich tutꞌil te Nichꞌanile ma jaꞌuk a tal yuꞌun teme ay machꞌa ya smantaltese. Jaꞌ a tal yuꞌun te ya yakꞌ sba ta mantaltesel sok te ya yakꞌ sba ta milele. Yuꞌun jich me ya xwejt skolelik a te ipal genteetike —xchi te Jesuse.

Apocalipsis 7:14

La kalbe: —Jaꞌat anaꞌoj, kajwal —xkut. Y jich a yalbon: —Jaꞌlan to te machꞌatik te kꞌaxemik tal ta tulan wokole. Jaꞌlan te machꞌatik sakꞌojik te skꞌuꞌ-spakꞌike y jaꞌ sakutesojik a te xchꞌichꞌel te Chꞌin Karnerae.

1 Corintios 11:25

Jaꞌ nax jich te kꞌalal laj yoꞌtanik ta weꞌele, la stsak ta skꞌab te basoe y la yal: “Te baso to jaꞌ te yachꞌil trate te ay spuersa ya xkꞌot ta skuenta te jchꞌichꞌele. Ta juju-mel te ya awuchꞌike, yuꞌun teꞌ me ya anaꞌikon a —xchi.

1 Juan 2:2

Te Jesucristoe la yakꞌ sba ta smajtan Dios yuꞌun jich la spasbelotikix perdon yuꞌun te jmultike. Y ma joꞌukotik nax, sino ke ta spisil te machꞌatik ayik ta balmilal.

Hebreos 13:20

Te Dios yuꞌun butsꞌan kꞌinal la chaꞌkuxes tal te ba animaetik te Kajwaltik Jesuse, te stukel mukꞌul jkanan yuꞌun te karneraetike, ta skuenta xchꞌichꞌel te la xchap a te trate sbajtel kꞌinal aye.

Hebreos 9:28

jich euk jun nax buelta la yakꞌ sbaix ta milbil smajtan Dios yuꞌun ta xchꞌaybeyel smul bayal genteetik. Patil ya xchiknaj tal ta xchaꞌmelal. Ma yuꞌunuk ya xtal xan ta xchꞌayel mulil, sino ke yuꞌun ya skoltay te machꞌatik ayik ta smaliyele.

Efesios 1:7

Ta skuenta bayal skꞌuxul yoꞌtan, Dios a yakꞌotik ta libre ta skuenta te Xnichꞌan te la smal xchꞌichꞌele. Y la spasbotikix perdon yuꞌun te jmultike.

Colosenses 1:14

te jaꞌ a skoltayotik y la yaꞌbotik perdon yuꞌun te jmultike.

San Lucas 22:19

Patil la stsak ta skꞌab te waje. La yalbe kola yal Dios yuꞌun. La xetꞌ y la yaꞌbe te jnopojeletike. Jich a yal: —Jaꞌ to jaꞌ jtiꞌbalul te ya kakꞌ entregal ta milel ta akuentaike. Pasulanaik me yuꞌun jnaꞌojibal awuꞌunik —xchi.

Colosenses 1:20

Y ta skuenta Cristo jich la skꞌan ya yakꞌ bujtsꞌan kꞌinal ta spisil te tutik aye, spisil te tutik ay ta balmilal sok te tutik ay ta chꞌulchane. La yakꞌ bujtsꞌan kꞌinal ta skuenta te xchꞌichꞌel Cristo te la smal ta kruse.

Romanos 5:19

Jaꞌ xyal te ta xkꞌaxemul nax jtul winik, jmulawiletik a kꞌot spisil genteetik. Pero jich mismo, yuꞌun te la xchꞌuun mantal jtul xan winik, bayal genteetik a kolik ta libre yuꞌun te smulike.

San Marcos 14:24

Y la yaltalanbey: —Jaꞌ te jchꞌichꞌel te ya sta yip a jun yachꞌil trato. Ya yichꞌ malel skuenta skolel bayal ta tul genteetik.

Apocalipsis 7:9

Ta patil la kil bayal genteetik yuꞌun te nasionetik te skajalskaj stsꞌumbale, sok yanetik tutꞌ xkꞌopojik, y sok yanetik slumalik. Tekꞌajtik ta sit te ba ay te mukꞌul naktajibale y ta sit te Chꞌin Karnerae. Lom bayalik, te maꞌyuk machꞌa ya xjuꞌ yuꞌun yajtayele. Sak skꞌuꞌ-spakꞌ yichꞌojik y yichꞌojik bael yaꞌnimal xan ta skꞌabik.

Romanos 5:15

Pero te smul te jꞌAdane ma xjuꞌ spaj sba sok te tut majtanil ya yaꞌbotik te Diose. Yuꞌun ta skaj nax smul jtul winik te bayal machꞌa chamike. Pero te jkoleltik ya yaꞌbotik te Diose majtanil nax ta skuenta nax jtul winik, jaꞌ te Jesucristoe. Jaꞌ mas tsaꞌam stukel, y jaꞌ jlekiltik ta jpisiltik a.

San Marcos 1:4

Jaꞌ tsꞌin te Juane tal yakꞌtalanbey yichꞌik jaꞌ ta tꞌatꞌan luwar te genteetike. Sok jich a yalbe te ya me sujtes yoꞌtanik yuꞌun te smulike sok ya me yakꞌ sbaik ta ichꞌjaꞌ, yuꞌun me jich ya spasbot perdon yuꞌun te smulike.

San Mateo 6:12

Aꞌbotik me perdon yuꞌun te jmultike, jachik tutꞌil te ya jpastik perdon yuꞌun te machꞌa ya sta smul kuꞌuntike.

San Mateo 26:27

Sok la stsak ta skꞌab te basoe, sok la yalbe kolayal Dios yuꞌun te yaꞌlel ubae. Y la yaꞌbe xchol sbaik a. Jich a yal: —Uchꞌaik apisilik te tut ay ta basoe.

San Mateo 26:29

Pero ya kalbeyex awaꞌiyik te makꞌ ya kuchꞌix a te yaꞌlel tsꞌusube jaꞌ to me te tut ora ya joyinex ta yuchꞌel ta achꞌ te ba ay ta pasaw ta mantal te jTate —xchi te Jesuse.

San Lucas 22:20

Jich mismo a spas sok te basoe te kꞌalal lajix yoꞌtanik ta weꞌel ae. Jich a yal: —Te yaꞌlel uba to jaꞌ te jchꞌichꞌel te ya sta yip a te achꞌ tratee. Jaꞌ te jchꞌichꞌele te ya yichꞌ malel ta akuentaik yuꞌun te akolelik te jaꞌexe.

Hebreos 10:29

¿Me yuꞌun ma xkꞌot ta awoꞌtanik te jaꞌexe te mas to xan tulan kastigo ya sta te machꞌatik ya xpuchꞌik ta tekꞌel te Xnichꞌan Dios y te ya spꞌajbeyik te xchꞌichꞌele, sok te machꞌatik ya yixta-kꞌoptay te Espíritu yuꞌun Dios te jaꞌ kꞌuxutaylanbil yuꞌune? Te xchꞌichꞌele jaꞌ te la xchap jil a te tratee, sok te ya slekuteswane.