San Mateo 26:24 - Nuevo Testamento Tzeltal de Amatenango

²⁴ Jich te Nichꞌanile puersa me jich ya xkꞌot ta skuenta te tutꞌil tsꞌibabil jilel ta Sjun Diose. Pero oꞌol me sba te winik te ya xꞌakꞌot entregal yuꞌune. Jaꞌ lek te jichuk maꞌ pꞌejkaj ta balmilale —xchi te Jesuse.

Bible in Tzeltal Bachajón

²⁴ Te Nich'anil ay ta scuenta winic hich ya xbaht te bin ut'il ts'ihbabil sc'oblale, pero ¡ay me swocol te winic te ya yac' ta c'abal te Nich'anil ay ta scuenta winic! Ha lec te manchuc ayin te winique, xchi.

Bible in Tzeltal de Oxchuc y Tenejapa

²⁴ Melel te Nich'anile puersa me jich ya xc'ot ta swenta te bit'il ts'ibubil jilel ta Sjun te Diose. Ja'uc me to, ya me yil swocol te winic te ya yac' ta c'abal te Nich'anile. Ja' lec te manchuc ayinuc ta q'uinal te winique —xi' te Jesuse.

San Mateo 26:24 Referans Kwoze

San Lucas 24:46

Y la yaltalanbe: —Jich tsꞌibabil jilel te puersa ya xkꞌax jwokol joꞌon te Cristoone, y ya xchaꞌkuxon tal ta yoxebal kꞌaal.

San Mateo 18:7

Oꞌol sbaik te genteetike skaj te yalesel ta mulile. Puersa ay machꞌatik ya syaleswan ta mulil, pero oꞌol me sbaik te machꞌa jich ya spase.

1 Corintios 15:3

Te tut nail a kaꞌbeyex anaꞌike, jaꞌ te tutiꞌ yaꞌbelon jnope. Jaꞌ a kakꞌ anoptalanik te Cristoe cham ta skaj jmultik, jich tutꞌil ya yal te Sjun Diose.

San Juan 17:12

Te kꞌalal joy jba sok to ta balmilal ae, la jkanantay y la jkoltay ta skuenta apoder te machꞌatik la awaꞌbone. Ni jtuluk a chꞌay kuꞌun. Jaꞌ nax a chꞌay stukel te machꞌa skꞌoplal ya xchꞌaye, yuꞌun jich me ya xkꞌot ta pasel te tut tsꞌibabil jilele.

San Lucas 22:22

Yuꞌun te Nichꞌanile puersa me ya xnel bael yuꞌun te tut albil jilel skꞌoplale. Pero oꞌol me sba te winik te machꞌa ya yakon entregale —xchi te Jesuse.

San Marcos 14:21

Te Nichꞌanile puersa me jich ya xkꞌot ta skuenta te tutꞌil tsꞌibabil jilel ta Sjun te Diose, pero te winik te ya yakꞌ ta kꞌabale oꞌol me sba. Jaꞌ lek te manchuk ayinuk ta balmilal —xchi te Jesuse.

San Mateo 26:54

¿Pero tutꞌil kꞌan kꞌotuk ta pasel te tut tsꞌibabil ta Sjun Dios te ya yal te puersa jich ya xkꞌot ta jkuenta? —xchi te Jesuse.

San Marcos 9:12

La sjakꞌ tsꞌin te Jesuse: —Jich te jaꞌ nail ya xtal te Eliase, yuꞌun stukel ya xchap spisil. Y tsꞌibabil jilel skꞌoplal ta Sjun Dios te Nichꞌanile te ya xkꞌax bayal swokol y ma xkꞌanote.

San Mateo 26:56

Pero jaꞌ ya xkꞌot ta pasel spisil te tut tsꞌibabil jilel yuꞌun te jꞌalwanejetik yuꞌun te Diose —xchi te Jesuse. Mismo tiempo a, spisil te jnopojeletik la xchꞌojik jilel te Jesuse y lokꞌik bael ta anel.

Hechos 28:23

Jich a xchapik jun kꞌaal te ya xtalik bayal ta jtul gente te ba smajanej na te jPabloe. Pajtajel nax a lijk y asta smalel kꞌaal a yal te jPablo tut ay ta ajwalinel te Diose. Yuꞌun yoꞌtanuk te ya yaꞌbe xchꞌuun te Jesuse, jich tutꞌil te tsꞌibabil ta mantaliletik yuꞌun te jMoises sok te tsꞌibabil yuꞌun te jꞌalwanejetike.

Hechos 4:28

Jich a spasik spisil te tut chapal awuꞌun ta primeroe te puersa jich ya xkꞌot ta pasele.

Hechos 2:23

Pero te kꞌalal akꞌot entregal ta akꞌabik te Jesuse, te tutꞌil jich snopoj ta primero te Diose, te jaꞌexe la atsakik y la amilik, yuꞌun la awaꞌbey ta skꞌabik te machꞌatik ma snaꞌbeyik sba te Diose te la sjojkꞌanik ta krus.

San Juan 19:28

Te Jesuse snaꞌoj te spisil a juꞌix yuꞌun ta pasele. Yuꞌun jich ya xkꞌot ta pasel a te tut tsꞌibabil jile, la yal: —Takin koꞌtan —xchi.

San Juan 19:24

Te soltaroetik la yalbe sbaik: —Makꞌ ya jchꞌiꞌtik. Ya kiltik machꞌa ay suerte ya sta bael —xchiik. Jicha kꞌot ta pasel te tut tsꞌibabil jilel ta Sjun te Diose: “La spuk sbaik a te jkꞌuꞌ-jpakꞌe, y la yilik machꞌa ay suerte yuꞌun te ya sta bael te jman najtꞌil kamixe”, te xchie. Jich a spasik te soltaroetike.

San Mateo 26:31

Te Jesuse la yaltalanbe yaꞌiyik: —Ta apisilik te jaꞌexe ya me achꞌojikon jilel te ajkꞌubal to. Yuꞌun jich me tsꞌibabil jilel ta Sjun te Diose: “Ya jmil te jkanan-karnerae, yuꞌun jich me ya xpujke bael a te karneraetike”, xchi me.