San Mateo 26:18 - Nuevo Testamento Tzeltal de Amatenango

¹⁸ Te Jesuse la sjak; —Baanik te ba mukꞌul jtejklume. Te ba sna te jtul winike jich me xꞌawalbeyik: “La yal te maestroe: ‘Xnopetix te koraile. Ya me xtalon ta ana yuꞌun teꞌ ya xtal weꞌukon sok a te jnopojeletik kuꞌune ta spasel te kꞌin Pascuae’”, ya me awutik —xchi te Jesuse.

Bible in Tzeltal Bachajón

¹⁸ Hich halbotic yu'un: Ochanic bahel ta pueblo, ta stojol jtuhl winic tey a, hich me ya xc'oht awalbeyic: Hich ya yal te Maestro: Nopolix corahil; ya jpas te Q'uin Pascua ta ana soc te jnopojeletic cu'une, xchi.

Bible in Tzeltal de Oxchuc y Tenejapa

¹⁸ La yal te Jesuse: —Baanic ta bay te muc'ul lume. Tey me ya xc'o ac'oponic a te jtul winique. Jich me xawalbeyic: “La yal tel te Maestroe: ‘Nopolix te coraile. Ya me xtalon ta ana ta we'el soc te jnopojeletic cu'un ta spasel te q'uin Pascuae’ xi' tel te maestroe”, ya me awutic —xi' te Jesuse.

San Mateo 26:18 Referans Kwoze

San Juan 7:6

Te Jesuse la yaltalanbe: —Ma to sta te koraile. Yan te jaꞌexe tutikuk nax orail lek ya awaꞌiyik.

San Juan 17:1

Patil laj yoꞌtan ta yalel to, te Jesuse la skꞌelu moel ta chꞌulchan y la yal: —Tat, kꞌotix yorail te ya awakꞌ ta ilel slekilal aNichꞌane, yuꞌun jich me ya yakꞌ ta ilel euk te alekilale.

San Juan 13:1

Pajel xanix ya xlijk a te kꞌin Pascuae. Te Jesuse snaꞌoj te kꞌotix yorail te ya sjiles te balmilal to, yuꞌun ya sujt bael te ba sTate. Te Jesuse sil tiempo kꞌux a yaꞌiy ta yoꞌtan te machꞌatik ay yuꞌun ta balmilale, y jich lom kꞌux ta yoꞌtan jaꞌto te kꞌalal bajte.

San Juan 7:30

Jich yoꞌtanikuk kꞌan stsakik ta ora, pero maꞌyuk machꞌa yal skꞌab, yuꞌun ma to xkꞌot yorail a.

San Juan 7:8

Te jaꞌexe baanik ba kꞌine. Yan te joꞌone makꞌ xboon, porke ma to xkꞌot te koraile —xchi.

San Juan 12:23

Te Jesuse jich a yaltalanbe: —Kꞌotix yorail te ya xꞌakꞌot ta ilel slekilal te Nichꞌanile.

San Lucas 22:53

Jujun kꞌaal la joyinex ta templo, y maꞌyuk la apikikon teꞌa. Pero la staix yorail te ya xjuꞌ awuꞌunik sok te ijkꞌal kꞌinale —xchi te Jesuse.

San Juan 11:28

Patil te laj yal to, te xMartae ba yikꞌ tal te yijtsꞌine, jaꞌ te xMariae. Jicha kꞌo yalbe ta mukul: —Liꞌiyix to te Maestroe. Baan laj me —xchi.

San Marcos 5:35

Yipal to ta kꞌop a te Jesuse, kꞌotik chaꞌoxtul te ba ay sna te statal yuꞌun te sinagogae. Jich a yalbeyik te stat te achꞌixe: —Te awantsil-nichꞌane chamix. ¿Tuꞌun xan ya awulilan a te Maestroe? —xchiik.

San Mateo 26:2

—Anaꞌojbeyik sluwar te cheb xanix kꞌaal skꞌan te skꞌin Pascuae. Te Nichꞌanile ya me xꞌakꞌot ta entregal, yuꞌun ya me xmilot ta krus —xchi.

San Mateo 23:10

Ma me akꞌanik te “ajwalil” te ya yalbeyex te genteetike, yuꞌun jtul nax te Ajwalil awuꞌunike, jaꞌ bi, joꞌon te Cristoone.

San Mateo 23:8

“Yan te jaꞌexe ma me akꞌanik te “maestro” ya yalbeyex te genteetike, yuꞌun awermano abaik ta apisilik sok jun nax maestro ay awuꞌunik ta apisilik, jaꞌ bi joꞌon te Cristoone.

San Mateo 21:3

Teme ay machꞌa ay tut ya yalbeyex yuꞌune, albeyaik: “Jaꞌ ya xtuun yuꞌun te Kajwaltike. Ya me sujtesbeyat tal ta ora”, ya me awutik —xchi te Jesuse.

San Juan 20:16

La yal te Jesuse: —Maria —xyut. Te antse sujt skꞌelu y la yalbe ta hebreo-kꞌop: —¡Raboni! —xchi. “Maestro”, xchi kꞌoem abi.

San Mateo 26:49

Te Judase tijilaj tal te ba ay te Jesuse. Jicha yal: —Chꞌul ajkꞌubal, maestro —xchi, y la yujtsꞌiy.

San Mateo 26:19

Te jnopojeletike jich a spasik te tuti albot bael ta mantal yuꞌun te Jesuse. Teꞌ kꞌo xchapik a te weꞌelil yuꞌun te kꞌin Pascuae.