San Mateo 26:11 - Nuevo Testamento Tzeltal de Amatenango

¹¹ Te meꞌbaetike sil tiempo ajoyinejik stukele; yan te joꞌone ma siluk tiempo ajoyinejikon.

Bible in Tzeltal Bachajón

¹¹ yu'un spisil ora ay ta awohlilic te pobrehetic, yan te ho'one ma spisiluc ora ya joquinex.

Bible in Tzeltal de Oxchuc y Tenejapa

¹¹ Melel te me'baetique spisil ora ay ta awolilic stuquelic. Yan te jo'one ma spisiluc ora te ya joinexe.

San Mateo 26:11 Referans Kwoze

San Marcos 14:7

Te meꞌbaetike sil tiempo ay ta awolilik. Ya xjuꞌ ta kꞌuxutayel awuꞌunik ta sil tiempo. Yan te joꞌone ma siluk tiempo te ya joyinexe.

San Juan 12:8

Te meꞌbaꞌetike sil tiempo ajoyinejik stukel. Pero te joꞌone ma siluk tiempo te joyinejexe —xchi.

San Juan 16:28

Lokꞌemon tal ta sit te Tatile yuꞌun te talon ta balmilale, y te ora to ya jilesix te balmilale. Ya sujtonix bael ta stojol te Tatile —xchi te Jesuse.

San Juan 16:5

Pero te ora to ya xba joyinix te Machꞌa la stikonon tale. Pero ni jtuluk te jaꞌexe ya ajojkꞌobikon te ba ya xboone.

San Juan 14:19

Liꞌ xanix ta jtsꞌine, te machꞌatik ayik ta skuenta balmilale makꞌ me yilbikonix jsit. Pero te jaꞌexe ya to awilikon; y ya xkuxuyinex porke kuxulon.

San Juan 13:33

Jchꞌin kuntikil, ma jalukix kꞌaal te joyinejexe. Te jaꞌexe ya aleikon, pero jich mismo te la kalbe te juriyoetike, ora to jich ya kalbeyex euk: Ma spas ya xbaex te ba ya xboone.

Hechos 3:21

Ya skꞌan te ya to xꞌanin ta chꞌulchan te Jesucristo jaꞌ to teme la sta yorail yuꞌun Dios te ya xchap ta achꞌ spisil te tutik aye, jich tutꞌil te la yal ta skuenta te chꞌul jꞌalwanejetik te kꞌaxik ta balmilal te nameye.

San Juan 17:11

“Te joꞌone makꞌ xꞌanonix ta balmilal. Pero te stukelike ya to xjilik ta balmilal. Yan te joꞌone ya xtalonix ta atojol. Chꞌul jTat, kanantaya sok te apoder te machꞌatik awakꞌojbone, yuꞌun jich me jun nax ya xkꞌotik ta spisilik, jich tutꞌil te jun nax ayotike.

San Mateo 28:20

Sok aꞌbeyaik snopik xchꞌuunel spisil te jmantal te kalojbeyexe. Ma me xchꞌay ta awoꞌtanik te sil tiempo joyinejex ta jujun kꞌaale jaꞌto teme laj te balmilale —xchi te Jesuse. Jichuk.

San Mateo 18:20

Jich te ba ya atsob abaik ta cheb-oxeb teme joꞌon ta jkuentae, ayon me ta awolilik —xchi te Jesuse.

1 Juan 3:17

Yuꞌun teme ay jtuluk te jkꞌuleje y ya yil te yermano te ay tut puersa ya skꞌan koltayele, pero teme makꞌ ya yaꞌbeye, ¿tutꞌil kꞌan ayuk skꞌuxul yoꞌtan Dios ta yoꞌtan?

Gálatas 2:10

Jaꞌ nax a yalbotik bael te ya me jnaꞌtik tutꞌil ay te meꞌbaetike, te jaꞌ koꞌtaninej spasel sil tiempoe.

San Mateo 26:10

La yaꞌi te Jesuse, jicha yaltalanbe: —¿Tuꞌun ya awalbeyik kꞌop te ants to? Ben tsaꞌam te tuti spasbone.