San Mateo 25:6 - Nuevo Testamento Tzeltal de Amatenango

⁶ Nopolix ol-ajkꞌubal a la yaꞌiyik tulan kꞌop: “Talix te jnujpunele. Laꞌ me taꞌaik bael”, xchi te kꞌope.

Bible in Tzeltal Bachajón

⁶ Ta ohlil ahc'abal ay chicnaj aw: ¡Tal me ix te mach'a ya xnuhpun! ¡La' me, tahahic bahel! xchi ta aw la ya'iyic.

Bible in Tzeltal de Oxchuc y Tenejapa

⁶ “Ta olil ajc'ubal la yaiyic stojol aw: “Talix te winic ya xnujbine. La'ic me ta stael bael”, xi' te awe.

San Mateo 25:6 Referans Kwoze

2 Pedro 3:10

Pero te tut kꞌaalil ya xtal te Kajwaltike, ya xtal jichuk jꞌelekꞌ ta ajkꞌubal. Jich ora ya xlaj te chꞌulchane, te xiꞌxiꞌtik ta aꞌiyele. Te tutik pasbile ya me xlaj ta kꞌajkꞌ, y te balmilale sok spisil te tutik ay ae ya me xlaj ta chikꞌel.

San Mateo 25:1

Sok la yal xan te Jesuse: —Te tutꞌil ay ta ajwalinel te Diose, jaꞌ pajal sok te ay lajuntul aꞌchetik te la yichꞌik bael skantilik ta smaliyel ta be te jnujpunele.

San Mateo 24:44

Jaꞌ yuꞌun te jaꞌexe, chapalukex me ta maliwanej, yuꞌun kꞌalal ma chapalukex ae, jich ora ya xtal te Nichꞌanile.

San Mateo 24:31

Te kꞌalal ya xꞌokꞌ tulan te kornetae, ya me stikon bael te chꞌul angeletik yuꞌune, ya me xba stsobik ta xchanmejchel balmilal te machꞌatik tꞌujbil yuꞌune.

Apocalipsis 16:15

“Aꞌiya awaꞌiyik, te joꞌone ya me xtalon, te ma naꞌbiluk tut orae, te jachik tutꞌil jtul jꞌeleke. Ben tsaꞌam slekil te machꞌa xkuxoj yoꞌtane y sok te slapoj skꞌuꞌ-spakꞌe, yuꞌun ma me tꞌaxaluk a y ma me sta kꞌexlal te ya xꞌilot te tꞌaxale”, xchi te Kajwaltike.

1 Tesalonicenses 4:16

Porke ya me kaꞌitik jun tulan kꞌop ta mantal, sok skꞌop te statal angeletik, y sok te yokꞌel korneta yuꞌun te Diose. Y jaꞌ ya xkoj tal ta chꞌulchan te Kajwaltike. Y te machꞌatik xchꞌuunej Cristo a chame, primero ya xchꞌakuxik tal.

San Lucas 12:46

Ja skꞌaalel a te makꞌ smaliye, sok te tut ora chꞌayem yoꞌtan ta smaliyel aye, ya xkꞌot te yajwale. Ya me yaꞌbe kastigo. Teꞌ me ya xbajt a te ba ya xbajt te machꞌatik te ma xchꞌuunejuk te Diose.

San Lucas 12:20

Pero albot yuꞌun te Diose: “Ma xꞌanaꞌ kꞌinal. Mismo ajkꞌubal to ya me xchamat. Spisil te tut kꞌejbil awuꞌune, ¿machꞌa me ya yichꞌbeyat jilel?” xchi te Diose.

San Mateo 25:31

“Sok te kꞌalal ya xtal te Nichꞌanile, joyinbil ya xtal yuꞌun te chꞌul angeletike sok xojobil sok stsaꞌamul. Sok ya xjul snajkan sba ta ajwalil te ba ay te smukꞌul naktajibe.

San Mateo 25:5

“Pero jalaj te jnujpunele. Lijkik ta nikubajel ta spisilik y och swayelik.

San Mateo 25:7

“Spisil te aꞌchetik laj jajch. Lijk xchapik te skantilike.