San Mateo 25:42 - Nuevo Testamento Tzeltal de Amatenango

⁴² Yuꞌun te tutꞌil ya xwiꞌnajon la awile ma la awaꞌbikon jweꞌel, sok te tutꞌil ben takin koꞌtan aye ma la awaꞌbikon kuchꞌ jaꞌ.

Bible in Tzeltal Bachajón

⁴² como te c'alal ayon ta wi'nal, ma ba la awa'bonic jwe'el; c'alal ayon ta taquinti'il, ma ba la awa'bonic bin la jcuch';

Bible in Tzeltal de Oxchuc y Tenejapa

⁴² Melel te bit'il ayon ta wi'nal la awile, ma la awac'bon jwe'el. Soc te bit'il ayon ta taquinti'il la awile, ma la awac'bon ja' cuch'.

San Mateo 25:42 Referans Kwoze

2 Tesalonicenses 1:8

Yuꞌun ya xtal yaꞌbe kastigo te machꞌatik maꞌ snaꞌbeyik sba Dios ni maꞌ xyakꞌik ta jkuenta te skꞌoplal kolel yuꞌun te Kajwaltik Jesuse.

1 Corintios 16:22

Teme ay machꞌa ma kꞌuxuk ta yoꞌtan te Kajwaltik Jesucristoe, ay me ta skuenta chꞌayel abi. ¡Te Kajwaltike, ya me xtal!

San Juan 5:23

Yuꞌun me spisilik ya yakꞌik ta jkuenta a te Nichꞌanile, jich tutꞌil te aꞌbil ta jkuenta te Tatile. Te machꞌa ma xyakꞌ ta jkuenta te Nichꞌanile, jich ma xyakꞌ ta jkuenta a te Tatil te la stikon tale.

San Mateo 12:30

“Te machꞌa ma junuk yoꞌtan kuꞌune, yuꞌun nanix skontraon abi. Te machꞌa makꞌ sjoyinon ta tsobawe, ja jimaw abi.

1 Juan 4:20

Teme ay machꞌa ya yal: “Te joꞌone kꞌux ya kaꞌiy te Diose”, teme xchie, y mismo tiempo a ya spꞌaj te yermanoe, jaꞌ jun jle-lot abi. Yuꞌun teme ay jtuluk te ma kꞌuxuk ya yaꞌiy te yermano te ya yile, ni ma xjuꞌ yuꞌun te kꞌux ya yaꞌiy te Dios te ma sta ta ilele.

San Juan 14:21

Te machꞌa yichꞌojbon spisil te jmantale y teme ya xchꞌuune, te me ya xchiknaj a te batsꞌi jich te kꞌuxon ta yoꞌtane. Y te jTate ya xkꞌuxutay te machꞌa kꞌuxon ta yoꞌtane. Y te joꞌone ya me jkꞌuxutay euk, y ya me kakꞌ snaꞌbon jba —xchi te Jesuse.

San Mateo 25:35

Yuꞌun te kꞌalal ay a wiꞌnajone, la awaꞌbikon jweꞌel. Sok te kꞌalal takin koꞌtan ayone, la awaꞌbikon kuchꞌ jaꞌ. Sok te xoyeton la awile, la awikꞌon ochel ta ana.

San Mateo 4:2

Te Jesuse maꞌ weꞌ kuarenta kꞌaal y kuarenta akꞌubal, y beno wiꞌnaj.

San Mateo 25:41

“Te ajwalile te nax a ya yalbe te machꞌatik ayik ta xkexom skꞌabe: “Kꞌeja abaik ta jtojol, jaꞌex te ma tsaꞌamukexe. Baanik te ba kꞌakꞌ te ma xtupꞌ sbajtel kꞌinal te chapbil te ba ya xkꞌot te pukuje sok spisil te angeletik yuꞌune.

San Mateo 25:43

Sok te xoyeton la awile ma la awikꞌikon ochel taꞌ na. Sok te tutꞌil maꞌyuk jkꞌuꞌ-jpakꞌ la awile ma la awaꞌbikon. Sok te tutꞌil ayon ta chamele, sok te tutꞌil ayon ta prexoe, maꞌyuk a tal awilikon teꞌa”, ya me yut.