San Mateo 25:10 - Nuevo Testamento Tzeltal de Amatenango

¹⁰ “Pero baemik tal ta smanel spetrolioik a te joꞌtul aꞌchetik te maꞌyuk spꞌijil yoꞌtanike, jul te jnujpunele. Te joꞌtul aꞌchetik te chapalik sok skantilike la sjoyinik ochel te jnujpunel te ba ya spas kꞌine, y stsꞌusot te puertae.

Bible in Tzeltal Bachajón

¹⁰ Pero c'alal bahemic ta smanel tal a, tal te mach'a ya xnuhpun. Te ach'ixetic te chapajtic la sjoquinic ochel te banti ya xc'oht te nuhpunel, soc la yich' maquel te ti'nahile.

Bible in Tzeltal de Oxchuc y Tenejapa

¹⁰ “Te bit'il baemic ta smanel tel aceite a te jo'tul ach'ixetic te ma p'ijuc yo'tanique, tal ta ora te winic ya xnujbine. Te jo'tul ach'ixetic te chapalic soc sc'ajq'uique, la sjoinic ochel ta na ta bay q'uin swenta nujbinel, soc la yich' maquel te ti'naile.

San Mateo 25:10 Referans Kwoze

San Lucas 13:25

Patil teme la stsꞌus stiꞌ spuerta te yajwal nae, jaꞌex te ayex ta jwerae jich ya xlijk awalik: “Kajwal, jeꞌbotik te puertae”, ya me awutik. Pero ya yalbeyex te yajwal nae: “Ma jnaꞌ ba talemex te jaꞌexe”, ya me yutex.

1 Pedro 1:13

Jaꞌ yuꞌun chapalukex me sok kuxuluk me awoꞌtanik. Spꞌejeluk me awoꞌtanik ya amaliyik te tut ya xba yaꞌbeyex Dios ta slekil yoꞌtan te kꞌalal ya xchiknaj tal te Jesucristoe.

San Mateo 24:44

Jaꞌ yuꞌun te jaꞌexe, chapalukex me ta maliwanej, yuꞌun kꞌalal ma chapalukex ae, jich ora ya xtal te Nichꞌanile.

Apocalipsis 22:20

Te machꞌa yalojix ta jamal to, ya yal: —Batsꞌi jich ya me xtalon ta ora —xchi. Jichuk. Laꞌ, Kajwal Jesus.

San Mateo 25:6

Nopolix ol-ajkꞌubal a la yaꞌiyik tulan kꞌop: “Talix te jnujpunele. Laꞌ me taꞌaik bael”, xchi te kꞌope.

2 Timoteo 4:8

Te ora to jaꞌ xanix ya jmaliy te jkorona te yuꞌun toj aꞌanon ta balmilale, te jaꞌ ya yaꞌbon te Kajwaltik te tut ora ya sta skꞌaale, yuꞌun toj ya smeltsaanwan stukel. Y ma joꞌukon nax ya yaꞌbon, sino ke jich ya yaꞌbey ta spisil te machꞌatik sok slekil yoꞌtan ya smaliyik te ya xchaꞌtal xane.

Apocalipsis 1:7

¡Ila me awilik, te Cristoe ya me xtal ta tokal! Ta spisilik ya me yilik ta sitik, sok euk te machꞌatik la slowike. Y ta spisil te jtejklumetik ta balmilale ya me yokꞌetaylan sbaik ta stojol. Jichuk me xkꞌot ta pasel. Jichuk.

Colosenses 1:12

Sok jich me xꞌawalbeyik kola yal sok sbujts awoꞌtanik te Jtatik Diose, te jaꞌ xchapojex yuꞌun ya awichꞌik te ba sakil kꞌinal te majtanil te stukel ya yaꞌbe te machꞌatik jtejklumix yuꞌune.

San Mateo 7:21

“Te machꞌatik “Kajwal, Kajwal”, ya yutikone, ma spisiluk ya xꞌochik te ba ay ta mantal te jTatik Diose. Jaꞌ nax ya xꞌochik teꞌa te machꞌatik ya spasbey te tut ya skꞌan yoꞌtan te jTat te ay ta chꞌulchane.

San Mateo 24:42

“Jaꞌ yuꞌun te jaꞌexe, wikꞌa me asitik, yuꞌun ma xꞌanaꞌik tut ora xtalon joꞌon te awajwalonike.

San Mateo 24:43

Jich me xꞌanaꞌik to: Te yajwal nae te yauk snaꞌbe sluwar te tut ora ajkꞌubalil ya xkꞌot te jꞌelekꞌe, xkuxoj yoꞌtan te jichuke, sok maꞌyuk machꞌa ya yakꞌ ochel ta sna te ya xꞌelkꞌanbot bael te stutik yuꞌune.

San Lucas 12:35

Chapalukex me sil tiempo sok tilemuk akꞌajkꞌik kꞌoem.

Apocalipsis 19:7

Junuk koꞌtantik sok ayuk me sbujts koꞌtantik te ya kalbetik te slekilale. Porke la staix yorail te nujpunel yuꞌun te Chꞌin Karnerae. Te machꞌa ya xnujpun soke chapalix.