San Mateo 25:1 - Nuevo Testamento Tzeltal de Amatenango

¹ Sok la yal xan te Jesuse: —Te tutꞌil ay ta ajwalinel te Diose, jaꞌ pajal sok te ay lajuntul aꞌchetik te la yichꞌik bael skantilik ta smaliyel ta be te jnujpunele.

Bible in Tzeltal Bachajón

¹ Ta hich ora te cuentahinel yu'un te ch'ulchan ha pajal soc lajuntuhl ach'ixetic te la yich'ic bahel yawil sc'ahq'uic, baht stahic tal te mach'a ya xnuhpun.

Bible in Tzeltal de Oxchuc y Tenejapa

¹ Soc la yal xan te Jesuse: —Te bit'il ay ta ajwalinel te Dios te ay ta ch'ulchane, ja' pajal soc te ay lajuntul tec'tojom ach'ixetic te la yich'ic bael sc'ajq'uic te ba staic tel te winic ya xnujbine.

San Mateo 25:1 Referans Kwoze

Apocalipsis 19:7

Junuk koꞌtantik sok ayuk me sbujts koꞌtantik te ya kalbetik te slekilale. Porke la staix yorail te nujpunel yuꞌun te Chꞌin Karnerae. Te machꞌa ya xnujpun soke chapalix.

Apocalipsis 21:9

Tal jtul ta sjuktulul te angeletike te yichꞌojik te jukeb basoetik te nojel ta jukkaj te último tulan wokoletike. Y la yalbon: —Laꞌ. Ya kakꞌ awil te achꞌix te ya xnujpun sok te Chin Karnerae —xchi.

Apocalipsis 21:2

La kil chꞌul mukꞌul jtejklum, jaꞌ te achꞌ Jerusalene, te yipal tal ta koel ta chꞌulchan ta stojol te Diose. Lek chapal jachik tutꞌil achꞌix te ya xnujpune.

San Juan 3:29

Jich tutꞌil te jnupunele. Te machꞌa ya xnujpun sok te achꞌixe jaꞌix smamlal abi. Yan te yamigo te winik te teꞌey ae, jaꞌ ben kontento yuꞌun te ya yaꞌiybey skꞌop te machꞌa ya xnujpune. Jichon euk ora to ben jun koꞌtan ta stojol te Jesuse.

San Mateo 13:24

Te Jesuse lijk yalbe yaꞌiyik yan seña kꞌop. Jich a yal: —Te tutꞌil ya xkꞌot ta ajwalinel te Diose, jachik tutꞌil jtul winik te la stsꞌun lekil stsꞌunubil ta slume.

Apocalipsis 14:4

Jaꞌ to jaꞌlan te machꞌatik te maꞌ yixlan sbaik sok antstike yuꞌun maꞌyuk tutꞌi spasik sok. Jaꞌ te machꞌatik stsꞌakliyejik te Chꞌin Karnera te bayuk ya xbajte. Laj kolik lokꞌel ta yolil te genteetik jachik tutꞌil primero smajtan Dios y sok yuꞌun te Chꞌin Karnerae.

Tito 2:13

Jaꞌ ya jmalitik te ben tsaꞌam ya sta skꞌalel te tut sjapojbotik jilele, jaꞌ te ben tsaꞌam te ya sujt tal te mukꞌul Dios kuꞌuntik, jaꞌ te jKoltawanej Jesucristoe.

San Mateo 22:2

—Te tutꞌil ya xkꞌot ta ajwalinel te Diose, jich kꞌoem te tutꞌil jtul rey te la spas kꞌin yuꞌun te ya xnujpun te xnichꞌane.

2 Timoteo 4:8

Te ora to jaꞌ xanix ya jmaliy te jkorona te yuꞌun toj aꞌanon ta balmilale, te jaꞌ ya yaꞌbon te Kajwaltik te tut ora ya sta skꞌaale, yuꞌun toj ya smeltsaanwan stukel. Y ma joꞌukon nax ya yaꞌbon, sino ke jich ya yaꞌbey ta spisil te machꞌatik sok slekil yoꞌtan ya smaliyik te ya xchaꞌtal xane.

San Mateo 3:2

Teꞌ lijk yaltalanbe a te genteetike: —Sujtesa me awoꞌtanik yuꞌun te amulike yuꞌun ya me xlijkix ta pasaw ta mantal te Diose —xchi.

1 Corintios 11:2

Kermanotak, ben jun koꞌtan awuꞌunik te ma xchꞌayon ta awoꞌtanike. Sok te tutꞌil ay ta awoꞌtanik te nojpesel a kaꞌbeyex jilele.

San Mateo 20:1

La yal te Jesuse: —Te tutꞌil ay ta ajwalinel te Diose, jaꞌ pajal sok te yajwal pinkae te sakub nax kꞌinal te lokꞌ sle yaj-aꞌtel yuꞌun ya skꞌokbe ochel sit te yawal-stsꞌunube.

San Mateo 13:47

“Te tutꞌil ya xkꞌot ta ajwalinel te Diose, jaꞌ pajal kꞌoem sok te stsajkil-chay te ya xchꞌojot ochel ta mare yuꞌun ya stsak lokꞌel spisil ta kaj te chaye.

San Mateo 13:38

Te triwualtike jaꞌ te genteetik ta balmilale. Te lekil tsꞌunubile jaꞌ te machꞌatik yajwalinejik te Diose. Te ak te ma tsaꞌamuke jaꞌ te machꞌa yajwalinejik te pukuje.

Apocalipsis 4:5

Te ba mukꞌul naktajibale ya xlokꞌ tal sansewal sok xixixet sok ya xtꞌom. Y ta yelaw te mukꞌul naktajibale yipal ta tilel jukchꞌix kꞌajkꞌ te jaꞌ te jukeb Espirituetik yuꞌun te Diose.

2 Corintios 11:2

Tulan akꞌoplalik ta koꞌtan, jich tutꞌil tulan akꞌoplalik ta yoꞌtan te Diose. Joꞌon a kakꞌexix ta makel kꞌoem te ya xnujpun sok te jtul nax mamlalile, jaꞌ te Cristoe. Yuꞌun jich ya kakꞌex entregal ta stojol Cristo, jich tutꞌil jtul achꞌix te maꞌyuk smule.

San Mateo 9:15

La yal te Jesuse: —¿Me ya wan spas te ben triste ay te machꞌatik majanlanbil ta nupunele teme sjoyinej to sba sok te machꞌa ya xnujpune? Pero ya me sta yorail te ya xꞌikꞌot lokꞌel ta yolilik te machꞌa nujpunixe. Jaꞌ to me ya xlijk skom sweꞌelik a te jꞌil-nujpuneletike.

San Mateo 5:16

Jichex ekꞌ te jaꞌexe, ya skꞌan te ya xtilex ta sit te genteetike. Jich teme lek ya yilik te tut ya apasike, jich me lek skꞌoplal ya xkꞌot yuꞌunik te jTatik te ay ta chꞌulchane.

Hechos 20:8

Te ba jtsꞌoboj bajtik ta jun kuarto te toyol aye ay bayal kantil tsuntalanbil teꞌa.

San Mateo 13:31

Te Jesuse la yaltalanbe yaꞌiy yan seña-kꞌop. Jich a yal: —Te tutꞌil ya xkꞌot ta ajwalinel te Diose, jaꞌ pajal kꞌoem sok jun sbakꞌ mostesiae te la stsꞌun ta slum te jtul winike.

San Mateo 25:7

“Spisil te aꞌchetik laj jajch. Lijk xchapik te skantilike.

San Juan 18:3

Jich te Judase tal sok jtijk soltaroetik sok euk te polisiaetik yuꞌun te temploe te tikonlanbil tal yuꞌun te stataletik yuꞌun te saserdoteetike sok te fariseoetike. Chapalik tal sok stujkꞌik sok slampara y xtuchojlan tal skꞌajkꞌik.

Apocalipsis 8:10

Te yoxebal ángel la yokꞌesin te skornetae, y ay jun mukꞌul ekꞌ, yipal ta tilel jachik tutꞌil jtuch-kꞌajkꞌ, tꞌuxaj tal koel ta chꞌulchan ta sba te yoxxejtꞌel te mukꞌul ukꞌumetike y ta sba te lokꞌib jaꞌetike.